صابرين: أصعب قرار في حياتي ارتداء وخلع الحجاب.. وضيعت فرص كتير
تاريخ النشر: 6th, March 2025 GMT
كشفت النجمة صابرين، عن أصعب قرار اتخذته في حياتها وهو ارتداء وخلع الحجاب، قائلة: "أصعب قرار إنى اتحجبت والأصعب أني خلعت الحجاب ومكنش المفروض اعمل كده من البداية غير في التوقيت الصح وقبل خلع الحجاب بأيام كنت حاسه إني بعمل حاجات مش مصدقاها".
وأكدت صابرين، خلال حوارها ببرنامج "حبر سري"، مع الاعلامية اسما ابراهيم، المذاع على قناة القاهرة والناس، أنها لا تصر على شيء إلا وهي مؤمنة به.
وأضافت :"لازم أكون مؤمنة بالحاجة حتى لو هتحدى العالم والمهم أنى مؤمنة باللي اعمله عشان هتحمل لوحدي النتيجة".
وتابعت: "لما أخذت القرار الحجاب حسيت أنى مش راضية على نفسي وكنت ماسكه العصايا من النص والنفس اللوامة تعاتب طول الوقت غلط وصح وفي النهاية لا يكلف الله نفسا إلا وسعها ومقدرتش اكمل وحسيت يا كده يا كده ولما يجي وقتها ربنا كريم وديننا دين معاملة وفاتني فرص كتير بسبب الحجاب لكن كنت مبسوطة".
ارتداء الحجابوردت على موقفها من امكانية ارتداء الحجاب مرة أخرى قائلة: "التفكير في الحجاب تاني احنا هنحط الحجاب لما نموت ومن غير ما افكر فيه هيتلبس".
المصدر: صدى البلد
كلمات دلالية: صابرين اخبار التوك شو الفنانة صابرين المزيد
إقرأ أيضاً:
نورهان منصور: «أساس نجاح العمل الفني وجود مخرج شاطر».. فيديو
تحدثت الفنانة نورهان منصور عن كواليس مشاركتها في مسلسل قهوة المحطة، مشيدةً بعوامل النجاح التي ساهمت في تميز العمل وتحقيقه لصدى واسع بين الجمهور والنقاد على حد سواء.
تصريحات نورهان منصور
وأوضحت نورهان منصور في لقاء خاص مع الإعلامية شيرين سليمان ببرنامج “سبوت لايت” المذاع عبر قناة صدى البلد، قائلة: “أي عمل فني علشان يحقق نجاح كبير لازم يكون وراه مايسترو شاطر، وده كان متحقق فعلًا في قهوة المحطة بداية من وجود سكريبت قوي كتبه أستاذ عبد الرحيم كمال، وده في حد ذاته بيدي أساس متين تبني عليه أي مشروع فني ناجح”.
وأضافت نورهان منصور قائلة: “بيتفضل بقى دور المايسترو الحقيقي، وهو المخرج، وجود مخرج شاطر هو اللي بيطلع العمل بالشكل الصح، لأنه القائد اللي بيوجه كل عناصر الإنتاج ويطلع منها أفضل ما فيها”.
وتابعت نورهان منصور، قائلة: “في أعمال فنية كتير أفكارها بسيطة، واتعملت قبل كده، لكن وجود مخرج متمكن وقدير بيقدر يحول الفكرة العادية لعمل فني يبهر الجمهور ويكسر الدنيا، وده اللي حصل مع قهوة المحطة وأعمال تانية كتير”.
وركّزت نورهان منصور، على أهمية العناصر التكميلية لنجاح أي عمل، قائلة: “أكيد كمان وجود كاست تمثيلي قوي، وشركة إنتاج محترمة بتؤمن بالمشروع، بيفرقوا جدًا، لكن من وجهة نظري الشخصية، اللي باحترم أي حد يختلف معاها، المخرج الشاطر هو أهم عنصر في أي عمل فني ناجح”.
كما سلطت نورهان منصور الضوء على دور الشباب في صناعة الفن، وأكدت أن دخول دماء جديدة لأي مشروع فني هو بمثابة تجديد شرايين الحياة فيه، قائلة: “وجود الشباب في الحياة مهم، فبالك بقى بعمل فني، اللي هو أصلًا بينبض بالحياة، وجود شباب بيشاركوا، ومعاهم شركات إنتاج قوية بتدعمهم، ده بيجدد أي مشروع وبيخليه يعيش ويتطور”.
وأشادت نورهان منصور، بدور شركات الإنتاج التي منحت الفرصة للوجوه الجديدة في الفترة الأخيرة، مشيرة إلى أن تلك الخطوات تُعد مخاطرة محسوبة ولكنها ضرورية، قائلة: “بصراحة معظم الفرص اللي الشباب أخدوها في الفترة اللي فاتت كانوا جادين فيها وبيستحقوها، وده شيء يُحسب لشركات الإنتاج اللي دعمتهم وآمنت بموهبتهم”.
واختتمت نورهان منصور حديثها بتأكيدها على أهمية أن تظل هذه الفرص متاحة لمواهب حقيقية تستحقها؛ لأن ذلك يضمن استمرار تدفق الإبداع وتطور الساحة الفنية.
ثمانية وكلاء للنائب العام يتلقون تدريبًا متقدمًا ضمن اتفاق تعاون دولي مع فرنسا