أشغال شقة اتعرض على منتجين وممثلين مصر كلها واترفض لـ5 سنين| تفاصيل
تاريخ النشر: 5th, March 2025 GMT
تحدث الكاتب والمخرج محمد دياب، عن تفاصيل خفية حول مسلسل أشغال شقة لأول مرة.
وكتب محمد دياب عبر فيسبوك: “الحمد لله أشغال شقة للسنة التانية ينجح نجاح ساحق، بس ورا النجاح ده قصة”.
وتابع: “اشغال شقة ده لمدة خمس سنين بيتعرض علي منتجين مصر كلهم و لكن مكانش فيه حماس ليه، تقريبا معظم ممثلين مصر رفضوه رجاله و ستات.
وأضاف: “في ناس مكانتش عاجباها الفكرة و ناس كانت شايفه اننا بنكتب جد فمش هنعرف نعمل كوميدي، و ناس عايزه الفكرة بس اللي يخرجها حد تاني غير خالد”.
واستطرد: “رد الفعل ده كان هيجنن خالد وشيرين، احساس صعب لما تبقي مؤمن بحاجة واللي حواليك مش شايفنها، ساعات ده بيشككك في نفسك. اربع سنين تعدي ومينزلش لخالد وشيرين أي مشروع، الضغط خلي خالد يقبل ان اشغال شقه يتعمل ولو بمخرج تاني. خالد لأي حد يعرفه هو اكتر انسان كوميدي تقدر تعرفه وانا وشيرين كان عندنا قناعة إنه من اشغال شقه هيطلع كوميديته الخاصة اللي هتكسر الدنيا”.
وأكمل: “بصعوبة شديدة رجع خالد وشيرين يحاولوا ورا المسلسل، لغايه لما جه هشام ماجد اللي آمن بيه وبخالد كمخرج و جت شركه الإنتاج (اي برودسيرز) اللي هيأتله اسباب النجاح، اشغال شقه نجح واستخدم توليفه كتابيه مختلفة مش قايمة عالإيفيهات، وخالد كمخرج طلع عنده صوت وشخصية و رؤية بصرية باينه في كل مشهد. انا طول عمري بتفرج علي كوميديا المسلسلات وابتسم كام مرة وابقي مرضي، بس ان الواحد يضحك بصوت و لغايه لما بطنه توجعه و ده يحصل كل حلقه، فمتخيلتهاش تحصل في مسلسل”.
واختتم: “بالنسبالي المخرج والمؤلف الشاطرين هما اللي بيعملوا حاجه احس اني معرفش اعملها و انا لما بتفرج علي اشغال شقة ببقي متأكد اني معرفش اعمل منه مشهد فعلاً كل تأخيرة و فيها خيرة”.
المصدر: صدى البلد
كلمات دلالية: هشام ماجد مسلسل أشغال شقة أسماء جلال أشغال شقة جدا المزيد أشغال شقة
إقرأ أيضاً:
محمد ممدوح وشيرين رضا ضيوف شرف إخواتي
أذيعت الحلقة الثانية من مسلسل اخواتي ، والذي يقوم ببطولته عدد من الفنانين علي رأسهم نيللي كريم وروبي .
وشهدت الحلقة ظهور الفنان محمد ممدوح والفنانة شيرين رضا ، كضيوف شرف ضمن الحلقة الثانية .
مسلسل "إخواتي" من بطولة نيللي كريم وروبي وكندة علوش وحاتم صلاح وجيهان الشماشرجي وعلي صبحي، ومن إخراج محمد شاكر خضير وتأليف مهاب طارق، ويتكون من 15 حلقة.
شهدت الحلقة الثانية من مسلسل إخواتي العديد من الأحداث ، والذى بدأت بمقتل ربيع (أحمد حاتم) عند باب منزله وتقرر زوجته (جيهان الشماشرجي) أن تضع خطة مع إخواتها حتى لا تقع فى شبهة جنائية.
_وتقرر شقيقتها أحلام (روبي) أن تذهب الى عابدين (محمد ممدوح) الذى يعمل موظفا فى السجل المدني حتى يحصلوا على تصريح الدفن دون الرجوع لطبيب ولكنه يشترط أنه يقوم بهذه المهمة بعد زواجه من روبي.
-شيرين رضا تساعد سها (نيللي كريم) وتعطي لزوجها 100 ألف جنيه بعد أن أحرقت المصنع الذى كانت تعمل به.
الاحتلال يقتحم بلدة بيت كاحل شمال غرب الخليل