اللى مش عاجبه تصريح الصلاة ميعملش بيه.. تصريحات نارية لـ إلهام شاهين
تاريخ النشر: 2nd, March 2025 GMT
أثارت الفنانة إلهام شاهين، حالة من الجدل الواسع بسبب تصريحاتها المثيرة للجدل أثناء استضافتها فى برنامج “سابع سما” مع الإعلامية راغدة شلهوب.
وتحدثت الفنانة إلهام شاهين، عن تصريحاتها الجدلية عن الصلاة، قائلة: “هذا حدث منذ 20 عاما وكنت بعمل مسلسل وكان بالنسبالي شيء جديد، وفى نص المشهد استغرقوا وقت، وخرجت لقيت المخرج جامع الناس فى الأستوديو بيصلوا جماعة، قولت كان يجرى إيه لو نخلص الشغل وبعدين نصلي”.
وأضافت خلال حوارها ببرنامج “سابع سما” المذاع عبر فضائية “النهار”: “احنا فى مصر مبنصليش الصلاة فى وقتها، ومش أول ما الأذان يأذن، وبنخلص الشغل وعندنا وقت كافي للصلاة بعدين، وربنا أدانا رخصة أننا نصلي فى أى وقت”.
وتابعت: “ليس بالضرورة بمجرد الأذان يأذن أننا نصلي، وأى موضوع أتحدث عنه هذا رأى خاص بيا واللي مش عاجبه رأي ميمشيش عليه”.
قالت الفنانة إلهام شاهين: “كنت حاسة إني مش هكون أم صالحة أو جيدة بما فيه الكفاية لأني أشتغلت فى الفن، والفنانين التانيين اللي عندهم أولاد أشطر مني، وهناك فترات فى حياتي مكنتش بلحق أروح بيتنا”.
وأضافت إلهام: “كنت بشتغل كتير زمان وكنت بحب شغلي أوي وعايزة يكون لي كيان وتواجد قوي، وكنت حاسة إني فى سباق، ولم يكن هناك وقت أني أفكر فى حياتي الشخصية”.
إلهام شاهين شهرتى بتخوف الرجالوتابعت: “أديت كل الحنان اللي عندي لأولاد أخوتي، وهم يتعاملوا معي على أني أم لهم، ومستحيل أكمل مع زوج غير سعيدة معه فقط حتي لا أدمر بيتي، ويجب الطرفين يكون هناك تكافئ بينهم فى المشاعر وكل شئ، وهذا ليس سهل، وشهرتي خوفت الرجال مني”.
كما تحدثت الفنانة إلهام شاهين٫ عن زواجها من رجل متزوج دون علم زوجته٫ قائله: كان فيه قصة حب”.
وأضافت: ساعة الواحد أما بيكون جوا العلاقة بيحلل أشياء ممكن لو هو برا يبصلها بشكل مختلف.. وأنا قولت شرعا مسموح”.
واسترسلت: “إحنا معملناش شيء ضد الشرع ولا ضد القانون.. تصرف مفيش فيه شيء غلط.. وعملت كده باسم الحب”٫ لافتة: سبب الطلاق إننا قولنا هنتجوز كده لفترة معينة وبعد كدا يتم الإعلان لأنه كان معايا في كل مكان والناس شيفاه طول الوقت”.
وأشارت: زوجته كانت عارفه أكيد لإن الناس شيفانا طول الوقت موجودين٫ والاتفاق كان إني مقولش في الإعلام وقتها لحد فترة معينة٫ ولما تجاوز هذه الفترة قولتله نطلق”.
المصدر: صدى البلد
كلمات دلالية: إلهام شاهين الفنانة إلهام شاهين أفلام إلهام شاهين أخبار إلهام شاهين أعمال إلهام شاهين المزيد الفنانة إلهام شاهین
إقرأ أيضاً:
عيد ميلادها.. تصريحات نارية من سماح أنور وسر عدم شربها للمياء
تحتفل الفنانة سماح أنور اليوم بعيد ميلادها والتى قدمت العديد من الأعمال الفنية التى تظل علامة فى تاريخ الفن المصرى.
سماح أنور صنعت لنفسها تاريخا كبيرا فى السينما تحديدا حيث برعت فى أداء الأعمال التى ربما لم يتطرق إليها أى ممثلة غيرها حيث كانت حريصة على تقديم أفلام أكشن وهو الأمر الذى كان غير مألوف وقتها إلا أنها نجحت فى هذا الأمر واستطاعت أن تقدم للجمهور لونا جديدا ومختلفا عن باقى الأفلام التى كان يقوم ببطولتها نجمات.
قدمت سماح أنور العديد من الأعمال السينمائية والمسرحية منذ بداية مشوارها الفنى عام 1980 واستطاعت تحقيق الشهرة من خلال دورها فى هذه الأعمال، واشتهرت بأدوار الحركة فى السينما المصرية، ومن أشهر أفلامها (حالة تلبس، بنت مشاغبة جدا) كما مثلت على المسرح والتلفزيون، ومن أعمالها التلفزيونية (ذئاب الجبل، الحساب، ونيس وأيامه)، ومن أعمالها المسرحية (راقصة قطاع عام، أولاد الشوارع).
وأطلقت سماح أنور عديد من التصريحات النارية التى أثارت بسببها الجدل ولعل من أبرزها :
أهلي مفرقوش بيني وبين أخويا جابولي موتسيكل، وأنا كمان عشان نروح بيه المدرسة.
نجحت في علاقات الصداقة مع الرجل، وفشلت فيها كحبيبة بسبب اختياراتي الخاطئة.
أنوثة الست بتتفهم غلط والناس بتتعامل معاها غلط، وشفت ده كتير في الوسط الفني.
أنا مستمتعة لوحدي وأنا في سن مش بتاع حب، وبعدين أنا مش مستعدة أتمكيج وألبس جزمة بكعب وأنزل ونسهر عشان واحد طب وشغلي وبكون عايزة أنام.
الحياة العاطفية مش أولولية طول عمري لأني بقع في الحب وبتكون زي الحادثة.
عمري ما قولت عايزة أتجوز وبدور على حد، وممكن تحصل بدون ترتيب، وحبيت مرة واحدة في حياتي ومكنتش لطيفة والست لما بتحب بتقع على وشها ودا بيطفش الرجالة، وأنا مش بعرف أتقل وأتحكم وبقعد باصه للتليفون مستنياه يتصل بيا، وبالتالي اقتنعت إني لا أصلح للعلاقات العاطفية.
أنا مبدخنش سجاير مصرى، وأكتر ناس بتدي نصائح مبيعملوش بيها وكدابين، وأنا مع التدخين ولكن بشرط ميكونش فيه ضرر كبير على الشخص"، مضيفة أن المجتمع منغلق انغلاق غير مسبوق لذلك لا يتقبلون فكرة التدخين.
كل لما أشرب المياه بتعب، علشان كده بقيت أشرب مشروبات غازية زيرو سكر، ونسكافيه، وقهوة، وكل الخضراوات، والفواكه اللي فيها مياه، وبقالى 17 سنة مبشربش مياه خالص، وأنا مبشربش مياه في مصر لأن كلها ليها طعم ولون حتى المياه المعدنية ليها طعم ولون".
مسترجلة يعني إيه بحلق دقني الصبح!! .. تفسير الكلمة نفسها أنا مش فهماه، أنا مفيش دور عملته بيمثلني لغاية دلوقتي خالص ومش هعمل كده، أنا بحب الاختلاف مع إني كسولة ولكن عندي أحلام وأفكار".
صحة مطروح تضبط ربع طن أغذية فاسدة وتحرر 5 محاضر خلال حملات مكثفة