حسين لبيب عمله بلوك.. زوجة إبراهيم شيكا تفجر مفاجأة عن مرضه
تاريخ النشر: 25th, February 2025 GMT
نشر الإعلامي عبد الناصر زيدان تصريحات لزوجة إبراهيم شيكا لاعب الزمالك السابق عن طلبها المساعدة من رئيس النادي حسين لبيب وأحمد سليمان .
وكتب زيدان من خلال حسابه الشخصي فيس بوك : "إبراهيم ابن نادي الزمالك وكان من ناشئي النادي، وروحت لحسين لبيب واترجيته ان جوزي بيموت مني واني لو اشتغلت ليل نهار مش هقدر اوفرله جرعة كيماوي واحدة وقلتله انه ابنكوا قالي طب اعملي مسح ذري وكلمينا وبعدها بعتلي ظرف فيه 3000 جنيه قلتله ده علبة المسكن ب 4000 جنيه
وتابعت : “أنا مش جاية اشحت من النادي ده كان لاعب عندكم وابنكم وليه حق عليكم، وابراهيم دخل بعتله هو واحمد سليمان وقالهم انا بموت ومش بنام من الوجع عشان ربنا ساعدوني راح حسين لبيب مبلكه واحمد سليمان بلكه وفيه لاعيبة كانوا زمايله في الزمالك بلكوه ونادي الزمالك معملناش اي حاجة ومن ساعتها بطلت اطلب من أي حد حاجة”.
المصدر: صدى البلد
كلمات دلالية: الزمالك حسين لبيب ابراهيم شيكا المزيد
إقرأ أيضاً:
تامر حسني يتكفل بعلاج لاعب الزمالك السابق إبراهيم شيكا
تابع أحدث الأخبار عبر تطبيق
يعاني لاعب نادي الزمالك السابق إبراهيم شيكا من مرض سرطان المستقيم، الذي أدى إلى فقدانه الكثير من الوزن وغير ملامح وجهه.
وعبر الفنان تامر حسني عن دعمه لإبراهيم شيكا في محنته وقال عبر خاصية "الاستوري" على تطبيق "إنستجرام":"يا إبراهيم يا حبيبي، دكتور أشرف صبحي حقيقي إنسان طيب ومحب للخير وقدامي ساعد ناس كتير قوي فوق ما تتصور، أكيد انشغالاته هي السبب، بس أنا هساعد معاك تاني إن صوتك يوصله، يا دكتور أشرف يا حبيب الكل أتمنى ربنا يقدرك والكابتن إبراهيم الدولة تهتم بيه وبعلاجه".
وتابع تامر حسني:"ويا إبراهيم يا حبيبي أنا جنبك بكل الدعم المادي اللي هتحتاجه وبعد إذنك ابعتلي رقمك حالا، وإن شاء الله الجهات المختصة في الدولة هتهتم، ببركة شهر رمضان يارب، ربنا يشفيك يا حبيبي وتقوم بمليون سلامة لأهلك وجمهورك".
من جهة أخرى، طرح تامر حسني مؤخرا دويتو جمعه بالفنان رامي صبير بعنوان "فعلا مبيتنسيش" من كلمات عمرو تيام، ألحان شادي حسن، وتوزيع موسيقي طارق توكل، وكليب الأغنية من إخراج تامر حسني.
مناقشة تدشين مبادرة لتأهيل المواقع التراثية في شمال الشرقية