أحمد النشوقي يكتب: منصة «FBC».. «الحدّاية مش بتحدّف كتاكيت»
تاريخ النشر: 25th, February 2025 GMT
زمان أبويا قاللي مثل دايما قدامي «الحداية مش بتحدف كتاكيت»..واللي حرفيًا كتير مش بيصدقوا بيه وبيقعوا في الفخ.. دلوقت الإنترنت بقى جزء من حياتنا اليومية.. بس للأسف، مع التطور ده زادت عمليات النصب الإلكتروني ..
كلنا تابعنا وعرفنا قصة منصة FBC واللي نصبت على مليون شخص بحوالي 6 مليارات دولار.. الحكاية ببساطة إن النصابين استغلوا ثقة الناس في التكنولوجيا واحتياجهم للمكسب السريع فبدأوا يبتكروا طرق جديدة للنصب.
طريقة تانية الرسائل الاحتيالية، بيوصلك إيميل أو رسالة على واتساب تقولك إنك كسبت جايزة أو لازم تحدّث بيانات حسابك، وبمجرد ما تدخل بياناتك، الحساب يطير..
طريقة تالتة وهي التسويق الشبكي والتجارة الوهمية، يقولولك لو جبت ناس يسجّلوا تحتك هتكسب فلوس، وفي الآخر تكتشف إنك ضيعت وقتك وفلوسك.. وأيضًا المتاجر والأسواق الالكترونية المزيفة، تلاقي موقع بيبيع منتجات بأسعار رخيصة جدًا، ولما تدفع الفلوس، يختفوا وما تشوفش المنتج أبدًا.. و«طول ما فيه طماع.. النصاب في أمان»..
الخسائر بقى اللي ممكن تحصل من النصب الالكتروني اللي انتشر اليومين دول.. فلوسك تروح عليك ومتعرفش تجيبها تاني.. بياناتك الشخصية تتسرق وتستخدم في عمليات تانية.. إحساسك بالندم والإحباط بعد ما تكتشف إنك اتنصب عليك.. الخوف وعدم الثقة في التعاملات الإلكترونية بعد التجربة السيئة اللي وقعت فيها..
طيب عشان ما تقعش في الفخ، لازم تاخد بالك من شوية حاجات منها: ما تصدقش أي عرض مغري بزيادة، الدنيا مش ماشية بالحظ.. اتأكد من مصدر أي رسالة أو رابط قبل ما تفتحه..
استخدم كلمات مرور «باسوورد» قوية ومتكررش نفس الباسورد في كل المواقع.. وتابع الأخبار والتحديثات عن أساليب النصب الجديدة.. بلّغ عن أي محاولة احتيال عشان غيرك ياخد باله وما يقعش ضحية.
الأهم من كل دا من الناحية الدينية، النصب الإلكتروني حرام لأنه أكل أموال الناس بالباطل، وربنا قال في القرآن الكريم: "يَا أَيُّهَا الَّذِينَ آمَنُوا لَا تَأْكُلُوا أَمْوَالَكُم بَيْنَكُم بِالْبَاطِلِ إِلَّا أَن تَكُونَ تِجَارَةً عَن تَرَاضٍ مِّنكُمْ" (النساء: 29). يعني لازم يكون التعامل واضح وصريح، وأي غش أو خداع بيعتبر سرقة حرام.
النصب الإلكتروني مش حاجة جديدة، لكنه بيتطور مع الزمن، ولازم نكون أذكياء وما نصدقش كل حاجة بسهولة.. خد بالك من فلوسك، وما تدّيش بياناتك لأي حد، ولو حاجة شكلها مش مريح، ابعد عنها فورًا.. الحذر واجب، لأن في الزمن ده، الفلوس اللي بتروح صعب ترجع.. ودايما حط قدامك المثل دا «الحداية مش بتحدف كتاكيت».
المصدر: صدى البلد
كلمات دلالية: التكنولوجيا التسويق الشبكي الرسائل الاحتيالية النصب الإلكتروني المزيد
إقرأ أيضاً:
أحمد موسي يكشف تفاصيل النصب على المواطنين في منصة FBC
تحدث الإعلامي أحمد موسى عن أزمة منصة FBC التي احتالت على المواطنين بمبالغ تجاوزت ملايين الجنيهات.
وقال الإعلامي أحمد موسى، خلال تقديمه برنامج "على مسؤوليتي" المذاع على قناة "صدى البلد: «أي شخص يقول لك هات 50 ألف جنيه، وبكرة هديها لك 80 ألف، هذا نصاب، بلغ عنه فورًا، لا تستمعوا لمنصات النصب الإلكتروني التي تطلب الأموال».
وأضاف: أن من ينجرف وراء هذه المنصات سيخسر أمواله، حيث إنها تبدأ بإغراء المستخدمين، مما أدى إلى وقوع عدد كبير من الضحايا.
وأشار إلى أن هناك أشخاصًا باعوا أراضيهم واستدانوا، بل إن البعض فقد حياته بسبب ضياع أمواله.
وأكد موسى أن هذا المشهد يتكرر منذ سنوات، حيث رأينا تجار الوهم يخدعون الناس، مشددًا على أن أي شخص قام بالنصب داخل مصر لن يفلت من وزارة الداخلية.
وأشار إلى أن عدد الضحايا تجاوز 600 ألف شخص، ناصحًا المواطنين بإيداع أموالهم في البنوك لضمان حفظها.
وتابع: "إذا كان النصابون من خارج مصر، فالأموال ضاعت، لكن إن كانوا داخل البلاد، فسيتم القبض عليهم".
وختم حديثه بالتأكيد على أن البنوك هي الأمان لكل مواطن، محذرًا من تحويل أي أموال إلى أشخاص مجهولين، لافتًا إلى أن هذه الظاهرة تسببت في حالات طلاق نتيجة الخسائر المالية الكبيرة.
أردوغان: تركيا الوحيدة القادرة على إنقاذ الاتحاد الأوروبي من مأزقه