بعد نجاح أغنيته.. دياب يشيد بفيلم وش فى وش
تاريخ النشر: 22nd, August 2023 GMT
نشر الفنان دياب تعليقا عبر حسابه على موقع التواصل الاجتماعى إنستجرام يشيد فيه بفيلم وش فى وش الذى يعرض حاليا في السينمات.
وقال دياب : "انهاردة حظى الحلو خلانى أتفرج على الفيلم الحلو أوى أوى أوى ده والله شهادة حق بغض النظر إنى عملت أغنية الفيلم أنا اتفرجت على فيلم كل حاجة فيه حلوة مليون مبروك لصناع فيلم (وش فى وش) مليون مبروك لحبايبى وإخواتى النجوم الجامدين جداً اللى كلهم جامدين أوى أوى اتمنى يكون عندنا تجارب حلوة كتير زى الفيلم ده احسنتم وابدعتم شكراً ليكم كلكم".
الفيلم بطولة محمد ممدوح، أمينة خليل، بيومي فؤاد، أنوشكا، أسماء جلال، محمد شاهين، أحمد خالد صالح، سلوى محمد علي، سامي مغاوري، محمود الليثي، دنيا سامي، ومن كتابة وإخراج وليد الحلفاوي، ومن إنتاج شركة "سي سينما برودكشنز" هاني نجيب وأحمد فهمي.
وبجانب أبطال العمل يظهر من خلال التريلر مجموعة من ضيوف الشرف خالد الصاوي، لطفي لبيب، عمر متولي، مصطفى غريب، ومن المقرر عرضه بداية من 16 أغسطس بجميع دور العرض في مصر والدول العربية.
وقبل نزول التريلر كان قد شارك الفنان محمد ممدوح منشورا غامضا عبر حسابه الرسمي بموقع "فيس بوك"، وتفاعلت معه الفنانة أمينة خليل، وأبطال فيلم "وش في وش"، وكتب "بجد يا جماعة تدخل الناس في أي علاقة حاجة مش كويسة خالص.. خلوا مشاكلكم بينكم".
وعلقت الفنانة أمينة خليل على المنشور قائلة "طب ما هو لما حد يكتب بوست زي ده يبقي بيدخل الناس في مشكلة"، لترد عليها الفنانة أسماء جلال قائلة "مظبوط.. بس هو محدش للأسف بيفكر المشكلة بتبدأ ازاي".
المصدر: صدى البلد
كلمات دلالية: الفنان محمد ممدوح الفنان محمد ممدوح فيلم وش في وش الفنان دياب دياب اعمال دياب وش فى وش
إقرأ أيضاً:
محسن جابر يكشف سر حيلته ليتفوق عمرو دياب على محمد منير
خاص
تحدث رجل الأعمال والمنتج المصري محسن جابر عن الكثير من الأسرار التي جعلته من أهم المنتجين، ومن بينها حيلته ليتفوق الفنان المصري عمرو دياب على محمد منير في فترة من الفترات.
وبشأن رحلته للحفاظ على التراث المصري، ومنع بيع الكثير من الأفلام، بكي محسن وأعرب عن حزنه العميق لما تعرض له من اتهامات وهجوم.
وحول تصريحه بأن 90% من المطربين ليس لديهم ذكاء، قال محسن جابر: “نعم هناك مطربين كذلك لكن ليس بهذه النسبة، فيه نسبة كبيرة معندهاش ذكاء فني، فأنا أعترض على نفسي طبعاً لو قولت كدة.. أرجع في كلامي، اللي عنده صوت ما استمرش فتأكدي إن فيه نسبة ذكاء مفقودة”.
وعن عدم استطاعة إيهاب توفيق وحميد الشاعري استكمال مسيرتهم مثل عمرو دياب، أضاف “في فترة من الفترات المنتج عليه عامل كبير أنا أول ما ابتديت على محمد فؤاد وعمرو دياب كانوا ماشيين تاتا تاتا، وفيه تفاصيل كتير منها دخول الفنان، هالة دخول الفنان، نزول الألبوم في السوق”.
وتابع: “زمان الكينج محمد منير مكانش معايا بس وأنا نازل كان السوق بيقول ماتنزلوش بعمرو دياب علشان الكينج نازل يوم الاتنين، طيب أنا كمنتج، استنى محمد منير بعمرو دياب ولا محمد منير يستناني؟”.فقولت يا جماعة عمرو دياب نازل يوم الأربع، كان سعر الشريط ١٠ جنيه، اللي عاوز لازم يعمل حجز، فسحبت من السوق الفلوس للستوكات”.
واختتم حديثه: “لما محمد منير جه يطلع مالقوش فلوس، فيوم الحد طلعت إشاعة قولت السعر هيغلى، فاللي عاوز بالسعر القديم يحجز، فالفلوس جاتلي فعمرو دياب اكتسح.”
وأكد :” هنا أنا أخذت وش السوق في المنافسة، فالسوق بقى يعمل لي حساب في المنافسة، فالفنانين بقوا يقولوا محسن جابر نازل، ده راجل عنده خطة تسويقية فخلي بالك”.