الموضوع كبير.. أحمد موسى ردا على مخطط ترامب: مصر لن تتنازل عن شبر واحد من أراضيها
تاريخ النشر: 11th, February 2025 GMT
انفعل الإعلامي أحمد موسى، ردا على تصريحات الرئيس الأمريكي ترامب، حول تهجير الفلسطينيين والسيطرة على غزة، كاشفا أنه في عام 2008 حاولت الولايات المتحدة الأمريكية السيطرة على غزة، ولكن مصر رفضت ذلك الأمر رفضا تاما، والآن يتكرر السيناريو.
وتابع الإعلامي أحمد موسى، خلال تقديم برنامج على مسئوليتي المذاع على قناة صدى البلد، أن مصر لن تتنازل عن شبر واحد من أراضيها، معلقا: بأي حق أمريكا تأخذ غزة .
وأوضح الإعلامي أحمد موسى، أن المخطط الإسرائيلي، تعمل أمريكا عليه منذ سنوات، ومصر دوما ترفض كل مخططات إسرائيل للسيطرة على غزة، مضيفا: لا الرئيس ولا الجيش ولا الشعب هيسمح بأي بتقسيم للأراضي المصرية والعربية .. إحنا كلنا مسئولين عن الدفاع عن الأرض".
وتابع: ترامب هيقسم في بلدنا وإحنا عايشين كلنا ازاي.. فيه حقوق وفيه تضحيات.. مازلنا بنضحي ومازلنا بنحافظ .. الدولة موقفها ثابت حول القضية الفلسطينية ولن يتغير أبدا .. وأنا متأكد أنه لن يتزحزح لحظة .. مش هنسيب أراضينا".
وتابع: بأي قانون تهجير الفلسطينيين، مصر لن تسمح بفرض أي سيادة على الشعب الفلسطيني، معلقا: بتكلم بمنتهى القوة .. دورنا من أول القائد الأعلى للقوات المسلحة لأصغر واحد فينا مش هنسمح بشبر واخد يتاخد مننا".
وأشار إلى أن المخطط الأمريكي والإسرائيلي، هو ضرب الصين وضرب مصر، معلقا: لن نسمح بإقامة دولة صهـ وينية على أراض مصرية أو عربية.. موجودون بفضل الله.. الموضوع كبير.
المصدر: صدى البلد
كلمات دلالية: أحمد موسى ترامب قطاع غزة غزة المزيد أحمد موسى
إقرأ أيضاً:
أحمد موسى عن تهديدات ترامب: خسرنا 7 مليارات دولار في سنة ولم نتراجع
انفعل الإعلامي أحمد موسى، ردا على تصريحات الرئيس الأمريكي ترامب، حول تهجير الفلسطينيين والسيطرة على غزة، كاشفًا أنه يُريد جعل غزة قاعدة أمريكية كُبرى في الشرق الأوسط.
وقال خلال تقديم برنامجه 'على مسئوليتي' المذاع على قناة 'صدى البلد'، إن المساعدات العسكرية الأمريكية ليست ضمن اتفاقية السلام، إحنا فيه شراكة استراتيجية بين البلدين ولا أمريكا هتستغنى عن مصر ولا مصر هتستغنى عن أمريكا، باختلاف الرؤساء'.
وأضاف: 'إحنا متعودين على الضغوط الأمريكية، والإبتزاز، لكن مش قابلينهم، والمساعدات اللي بيعطوها إلينا غيروا أسمها وبعدين مبقتش تيجي، إحنا في سنة 7 مليار دولار خسارة قناة السويس ولا تراجعنا خطوة'.
وتابع: 'إحنا دولة كبيرة وشعب عظيم، لـ أمريكا أولوية في عبور قناة السويس، إحنا نتعاون مع بعض من غير ضغوط، ليه تعمل مدة وتتغط علينا إحنا مش هنسيب أرضنا، ولا الرئيس ولا الشعب ولا الجيش يقدر يسيب 1 سنتيمتر، شهدائنا يقولوا ايه، مهما عمل ترامب مش هنسيب 1 سنتيمتر'.
وأوضح: 'مصر مش بتخاف غير من ربنا، ورئيس مصر مش بيخاف غير من ربنا، واللي أعرفه ومتأكد منه أن مفيش واحد هيسمح بكدة مهما حصل، كفاية إحنا عندنا ضغوط عظيمة، خلينا نحافظ على السلام كفاية ضغوط على شعبنا وجيشنا'.
وواصل: 'دي بلد لازم الكل يحترمها، اللي يتكلم عنها لازم يتكلم عنها بتقدير واحترام، مش رضى أمريكا هيودينا الجنة، حصل ايه قبل كدة وهتفضل مصر قوية وعظيمة'.
واستكمل: 'لن تتراجع عن الثوابت التاريخية، شوفتوا بيان الخارجية إمبارح بيتكلم عن القدس الشريف اللي بيتكلم عن عاصمة الدولة الفلسطينية، ولسة نتنياهو مجرم الحرب لسه بيقول إحنا مستعدين لكل السيناريوهات'.
وأضاف: 'وبالمناسبة مفيش سلام، هما مش عايزين سلام، خد غزة عشان يدورها ويحولها لقاعدة عسكرية وهما كده عايزين سلام، من سنة قولت الكلام ده بيتعمل النهارده، مكنوش رايحين يستكشفوا الأجواء، غزة هتتحول لأكبر قاعدة عسكرية أمريكية في الشرق الأوسط'.
واختتم: 'هذا هو المخطط الأمريكي، وكلنا على قلب رجل واحد، كبير وصغير وأخطر تحديات موجودة جاية، مش هنخلي المخطط ده يمشي وعلى جثثنا كلنا، ومصر تدينا حصة ده كلام، وده مش كلام سياسة ده كلام لن نسمح بيه على الإطلاق، ولن نقبل من ترامب ولا غيره يتكلم عننا كده، إحنا كنا فاكرين الراجل هيعمل سلام زي الفترة الأولية، لكن ظهر الوجه الحقيقي، يا عالم يا عرب خلوا بالكم الجميع إيد واحدة ولا يخاف أبدًا قوتنا أننا نكون مع بعض، مفيش حاجة أسمها العالم العربي هيقدم تنازلات إحنا أكبر دولة مش هنقدم تنازلات'.
مجلس الحسابات يفتح باب تجديد التصريح الإجباري للممتلكات بين الموظفين والمنتخبين