نزار العقيلي: (إستعجال يوم القيامة)
تاريخ النشر: 22nd, August 2023 GMT
اي دعوات و ضغوطات بتتم على قيادة القوات المسلحة عشان تنفذ عملية المسح الشامل انا بعتبرها دعوات ( مشبوهة ) للإيقاع باكبر قدر من قيادت الجيش و قواته في ( كمائن ) .. اذا كان قائد فرقة ذي الأسد الشهيد فريق اول ياسر استطاعوا إنو يغدروا بيهو فما بالكم بباقي القيادات الميدانية .. الناس البتضغط عشان الجيش يستعجل في عملية يوم القيامة ديل ناس فقدوا الصبر و ناس احوالهم ضاقت لكن في ناس تانية استغلت الحتة دي و اشتغلت على استفزاز الجيش عشان يقوم يغامر بإستعجال العملية .
في حركات مسلحة منتظرة دورها و في مليشيات تانية عاملة نايمة و في كم دولة بتدعم بي كلووووو .. في طوابير كمية داخل الجيش منتظرين الجيش يخطو خطوات غير محسوبة و في آلاف الطرابير داخل المواطنيين شغالين استخبارات لصالح المليشيات .
يا جماعة لازم ثقتنا في القوات المسلحة تكون كبيرة و نخليهم يشتغلوا شغلهم و ينفذوا خطتهم بحذافيرها و بمواقيتها .. يوم القيامة جاي جاي .. ما تشفقوا و ما تستعجلوا .. ما تتابعوا إعلام المليشيا .. ما تهتموا اذا اتصوروا مع سور المدرعات ولا بوابة القيادة .. في تكتيكات بتطلب كده .. كان لازم الجيش يمنحهم فرصة الاقتراب عشان يجغم اكبر كمية منهم .. اقسم بالله صور جثثهم ما بتتشاف .. شنيعة جدا” جدا” .. معركة المدرعات ما كانت معركة عادية .. كانت ملحمة ح يتم تدريسها و كانت درس كبير للمليشيا و اعوانها داخليا و خارجيا” .. لازم نعرف يا جماعة إنو القوات المسلحة اذا استجابت للإستفزازات و انجرت و راء العاطفة و استعجلت تنفيذ الخطة معناها ح نفقد الجيش السوداني و البلد كلها .. خلوهم يااااخ يشتغلو شغلهم باسلوبهم و طريقتهم و حسب خطتهم .. بس ما نسكهم عشان ما نوقعهم في اخطاء و كمائن من غير ما نشعر .
ما تبقى غشيم .. دي حرب .. ما لعبة .. لازم اي خطوة تكون محسوبة بالملي .. التهور و الإستعجال ما كويس .. انت ما كنت عسكري ولا بتفهم في الخطط العسكرية و التكتيكات فما تملاء الناس فقر معاك .. شوف شغلتك يااااخ .. شوف انت قادر تخدم المعركة بي شنو ؟؟ بي قلمك بي معلوماتك بي تطوعك بي خدمتك الطوعية لاهلك بي مالك .. خلي الجيش يشوف شغلو و انت اشتغل شغلتك .
في حاجة الناس ما لاحظت ليها .. الفيديو بتاع الشهيد ياسر الظهر فيهو و هو بيحفر في قبره كان في الايام الاولى للمعركة و فجأة كده الفيديو ده طلع تاني اول امس و امس و تم ترويجه على انه جديد و اليوم وصلنا نباء الغدر بي الشهيد ياسر … فهمتو حاجة !!! ما شرط تفهمو هسه .. كلو لقدام ح نحكي عنه .. اهم شئ لازم تعرفوا إنو الخيانة كبيرة و المؤامرة أكبر من ما تتخيلوا والله و الله مولانا ولا مولى لهم و الله ناصرنا ولا ناصر لهم .
نزار العقيلي
المصدر: موقع النيلين
إقرأ أيضاً:
لا أظن أن قادة “تقدم” سيتوقفون عن خطهم في الفتنة بين الجيش والشعب
“ازدواجية المواقف: استغلال المعاناة لتحقيق مصالح سياسية”
بتاريخ 20 مايو 2024، وقعت مذبحة في قرية التكينة راح ضحيتها عدد من المواطنين الأبرياء، وضجت أروقة السوشيال ميديا بعزائهم. تابعت حينها عدداً من صفحات قادة “تقدم الصامتين”، ومن بينهم صفحة المتحدث باسم العملية السياسية للاتفاق الإطاري، الأستاذ خالد سلك. ترقبتها لأكثر من أسبوع، وللأسف لم يفتح الله عليه حتى بكلمة واحدة تنصف أهالي قرية التكينة وضحاياهم.
تكررت المذبحة مرة أخرى في ذات القرية بتاريخ 20 نوفمبر 2024، ولا أثر لاسم القرية في صفحته حتى يومنا هذا.
بتاريخ 5 يونيو 2024، وقعت مذبحة أخرى في قرية ود النورة راح ضحيتها أكثر من 100 مواطن أعزل، كذلك ترقبت صفحة الأستاذ خالد سلك الذي سكت عنها تماماً، بينما تحدثت بقية أبواق “قحت” أن أهل ود النورة هم المخطئون، لا الدعم السريع.
بتاريخ 21 نوفمبر 2024، وقعت مجزرة بشعة في بود عشيب، راح ضحيتها أكثر من 69 مواطناً بريئاً، ومضت تلك المجزرة أيضاً من دون أن تجود صفحة المتحدث باسم العملية السياسية للاتفاق الإطاري، خالد سلك، بكلمة واحدة.
يمكننا أن نحصي الكثير من هذه الحوادث، ولكن اليوم، 13 يناير 2025، انتقى لي الفيسبوك مقالاً طويلاً يدين ويوثق فيه خالد سلك في صفحته وبعبارات شديدة اللهجة ما وصفه بالحملات الانتقامية التي تنفذها القوات المسلحة في “كمبو طيبة”، مع التوثيق بالفيديو لعناصر القوات المسلحة وهي تقوم فقط بتخويف بعض من تعتقد أنهم لهم علاقة بالدعم السريع بعد إجلاسهم على الأرض.
قلت في نفسي: الحديث عن القضية الإنسانية في كمبو طيبة أمر جيد ويجب أن تفعّل القوات المسلحة آليات أكثر دقة للتمييز بين المتعاونين مع العدو والمواطنين المسالمين، ولكن السؤال المهم هو: لماذا ينتخب خالد سلك قضية كمبو طيبة ويغفل عن ود عشيب والهلالية وود النورة والتكينة والفوار؟!
لماذا هذه الازدواجية في النظر لمعاناة مواطن الجزيرة وتوثيق معاناته؟!
الإجابة، حسب ظني، بسيطة جداً وهي أن الاهتمام بالقضايا الإنسانية عند قادة “تقدم” هو تابع للمصلحة السياسية، وأن المعاناة الإنسانية هي مجرد أداة يستخدمونها لقهر القوات المسلحة، واستنفار المجتمع الدولي ضدها، وتحشيد الرأي العام لمعاداة الجيش لا أكثر.
لا أظن أن قادة “تقدم” سيتوقفون عن خطهم في الفتنة بين الجيش والشعب، ولن يتوانوا أبداً في استغلال قضية الكنابي وغيرها من القضايا، مهملين أثر هذا الاستغلال ودوره في إراقة الدماء وجلب الخراب، فهم أسوأ من أنجبت أرض السودان.
محمد الأمين عبد الوهاب
إنضم لقناة النيلين على واتساب
الإمارات للإنترنت الآمن تطلق النسخة الثانية من "جائزة حماية الطفل"