نهال طايل تُهاجم بسمة بوسيل .. “عيب عليكي لما تشوهي صورة أبو ولادك"

أعربت الإعلامية نهال طايل، عن استيائها الشديد من حديث بسمة بوسيل عن طليقها المطرب تامر حسني في أحد البرامج التلفزيونية، قائلة : "ليه مصلحتيش الغلط قبل ما تكوني أم لـ 3 أطفال، كلامها فيه تناقض لأنها أنجبت أكثر من مرة ومعني كده أنها سعيدة وراضية".

ناقد فني: تامر حسني هو اللي بنى نجومية بسمة بوسيل

وتابعت الإعلامية نهال طايل في برنامج "تفاصيل" مع الإعلامية نهال طايل، عبر فضائية "صدى البلد 2": "ليه بعد سنيتن ونص من الطلاق أشوه صورة أبو أولادي وكان في قصة حب بينا على الملأ ومكانش بينكر وجودها بالعكس كان بيحضنها ويبوس أيديها.

. كان في بينهم علاقة حب كلها مشاعر وعطاء".

 

نهال طايل: بسمة بوسيل متناقضة في كلامها وكانت سعيدة في حياتها مع تامر حسني

وتساءلت نهال طايل، موجهة رسالة لـ بسمة بوسيل "إزاي بتعيطي لمدة 3 أيام وبتظهري للجمهور وأنتي بتضحكي وفرحانه ومبسوطة مع تامر، وكنتي بتبقى موجودة معاه في أي مناسبة معاه وبتجيبي له ورد".

واشارت الإعلامية نهال طايل، إلى أنها مندهشة من حديث بسمة بوسيل عندما تمنت أن يكون فتى أحلامها شخص "متدين" قائلة: "يعني أنتي مكنتيش متزوجة راجل مسلم !؟ هي دي حكايتك عند أبو أودلاك".

واختتمت نهال طايل حديثها بأن هناك زوجات تزوجن مطربين كبار في العالم العربي ولم يتحدثن في يوم من الأيام عن حياتهم الزويجة أو أسباب طلاقهما بشكل يسئ لهم وذلك مثل عمرو دياب ومحمد حماقي ومحمود العسيلي وتامر عاشور.

جدير بالذكر أن برنامج "تفاصيل" يعرض يومي الأحد والاثنين والأربعاء في تمام الساعة الثامنة مساء عبر فضائية صدى البلد 2 وهو من تقديم الإعلامية نهال طايل، ويستضيف البرنامج عدد من نجوم الفن للحديث معهم عن أعمالهم الفنية وأبرز تفاصيل حياتهم كما أنه برنامج اجتماعي خدمي.

 

آخر أغنيات تامر حسني

سجل كليب ديو “فعلا مابيتنسيش” للفنان تامر حسني والفنان رامي صبري، أكثر من 9 ملايين مشاهدة، وذلك خلال أسبوعين من طرحه عبر موقع الفيديوهات الشهير يوتيوب.

 

ديو “فعلا مابيتنسيش” من كلمات عمرو تيّام ، ألحان: شادي حسن، توزيع، مكس وماستر: طارق توكّل ، وتريات: تامر غنيم،   جيتار: أحمد حسين 
 

كلمات ديو فعلا مابيتنسيش

وتقول كلماتها "
كان عقلي فين مني زمان أنا جيت أوي عليه قفلت أنا كل البيبان بينا بعمايلي فيه فرطت فيه بإيديا أنا أذيته طول السنين و جالي قلب ازاي كده والقسوه جاتلي منين ضميري مش مرتاح عشان ضيعته بأيديا أناني كنت و هو كان باقي عليا انا اللي 1000 مرة خان و لا عاب في يوم فيا فعلاً مابيتنسيش و حاولت أتعايش بفشل واقفه حياتي و مش بعيش و بكابر عامل قادر و إن فراقه مهزنيش و أنا تايه في الحياه وقفت بيا خلاص الحياه ومشوفتش بعده خير كان همي أبان للناس تمام و أنا فالنفس الأخير إحساسي بذنبه مارحش يوم و مفيش سكه لرجوع على نفسي كتير بعتب و ألوم على ظلمي ليه موجوع في غيري دلوقتي معاه و بقيت انا ماضي و جرحه حد أكيد داواه وزمانه عاش عادي انا اتجاحدت كتير معاه وهو كان راضي

 

 

أحدث أغاني تامر حسني 

 

كان أحدث ماطرحه تامر حسني أغنية “جامدين جامدين” التي اجتازت 4 ملايين مشاهدة عبر يوتيوب، وتقول كلماتها"لو حد زعلان قابلك هاته من ايديه قوله في ناس فرحانه وجو جديد عليه لو جالنا بس هيطلع من كل اللي فيه احنا لمتنا دي بالدنيا كلها كل دقيقه انبساط بنستغلها والسكه اللي بتزعل نمشي عكسها رقص اللي مكشر دلعه وتعالى من الحزن نطلعه يالا خلي اليوم ده نولعه ونكتر الحلوين جامدين جامدين وده كده كده صحبتنا الحلوه مأكده لأ بقى والحلو في كل ده احنا كده من سنين لسه الأيام الحلوه بينا مكمله والسهره جامده معانا ولسه مبيته واكيد بكرا اللي جاي اجمل من كده عدي وفوت وكبر وانسى ومتقفش فك الزعل علشان بقى وشك ميكرمش هنعيش الدنيا مره ياعم فكها رقص اللي مكشر دلعه وتعالى من الحزن نطلعه يالا خلي اليوم ده نولعه ونكتر الحلوين جامدين جامدين وده كده كده صحبتنا الحلوه مأكده"

المصدر: بوابة الوفد