حمزة نمرة يحتل صدارة يوتيوب بـ 3 أغنيات من ألبوم "رايق"

تصدر المطرب حمزة نمرة تريند يوتيوب الموسيقي بـ 3 أغانٍ جديدة من ألبومه الغنائي «رايق»، حيث جاءت أغنية «مش سليم» في المركز الثاني، وتليها أغنية «أنا الطيب» فى المركز الثالث، وتراجعت أغنية «رياح الحياة» للمركز الرابع، وذلك بعد تصدرها قائمة الأغاني الأكثر استماعًا وتداولًا في مصر والوطن العربي عبر موقع الفيديوهات الشهير «يوتيوب»، ومنصات الموسيقي المختلفة.

 

المطرب حمزة نمرة  أغنية مش سليم 

 

وحققت أغنية «مش سليم» مشاهدات عالية ووصلت إلى مليون و400 ألف مشاهدة خلال 4 أيام فقط من طرحها عبر موقع الفيديوهات الشهير «يوتيوب»، وجاءت الأغنية من كلمات محمود فاروق، ألحان أندريه مينا وحمزة نمرة، توزيع وميكساج أندريه مينا، جيتار وعود حمزة نمرة، تنفيذ وتريات أحمد عاطف.

 

وتقول بعض كلمات أغنية «مش سليم»:-
 

جزء كان تعبان وخف
وجزء لسه للأسف
كان زمان عفريت دفنته
بعد فترة رجعلي ألف
مش يا ماضي لسه سايبك
إيه بقى تاني اللي جايبك
كنت ماشي خلاص كويس
مرّة واحدة شريطي سف
تاني تاني
ارجع يا ماضي تاني
يلا فكرني إن انا لسه واقف مكاني
عادي عادي
أصلي اتعودت عادي
هات بقى أخرك
ما هو يا انا يا انت الليلادي
تاني تاني
ارجع يا ماضي تاني
يلا فكرني إن انا لسه واقف مكاني
عادي عادي
أصلي اتعودت عادي
هات بقى أخرك
ماهو يا انا يا انت الليلادي

 

أغنية أنا الطيب

 

تصدرت أغنية «أنا الطيب» للمطرب حمزة نمرة التريند ووصلت 2 مليون و700 ألف مشاهدة عبر موقع الفيديوهات الشهير «يوتيوب»، وجاءت أغنية «أنا الطيب» من كلمات محمود فاروق، ألحان حمزة نمرة، توزيع وميكساج عمرو الخضري، جيتار مصطفي نصر، أكورديون وربابة محمود شاهي، ناي محمد عاطف.

 

 وتقول بعض كلمات أغنية «أنا الطيب»:-

أنا الطيب وعامل فيها مش طيب
علشان الناس بقت بتدوس على الطيب
ومين كان حس بينا يا دمعي يا قريب
بمثل اني مش طيب علشان انتو
ديابة ولازم انتش لقمتي منكم
وليه يا زمن بقى الطيب بتعيب
عامل قاسي وجواية مفيش قسوة
مليش غير قسوتي عزوة
بتدو الحق للأقوى
وبتيجو تملي على الطيب
وشراني لكن من جوة وحداني
وياما صرخت أه ياني
ودوستوا على الجراح تاني
مشفتش حد بطيب
عامل جامد لكني ورا الحيطان عيل
ولما الدنيا بتليل بشيل وشي اللي بمثل
وأروح أنام ع الجانب الطيب
يا ناس يا ناس واقف مبلم
يارب حوش يارب سلم
دانا اتجرحت جرح علم

أغنية رياح الحياة
 

حقق المطرب حمزة نمرة نجاحًا كبيرًا برابع أغنيات الألبوم «رياح الحياة»، وتصدرت الأغنية التريند رقم 1 على يوتيوب الموسيقي وقت نزولها، وحاليًا تحتل الأغنية قائمة الأغاني الأكثر استماعًا وتداولًا في مصر والوطن العربي، ووصلت لـ 7 ونصف مليون مشاهدة عبر موقع الفيديوهات الشهير «يوتيوب»، وهى من كلمات محمود فاروق، ألحان حمزة نمرة، توزيع وميكساج كريم عبد الوهاب، جيتار مصطفي أصلان، باص جيتار أحمد رجب، تنفيذ وتريات أحمد عاطف.

 

 وتقول بعض كلمات أغنية «رياح الحياة»:-

 

تهبي يا رياح الحياة
ديمًا بما لا أشتهيه
واللي السنين مقدماه
غير اللي قلت نفسي فيه
يلاقي قلبي فين دواه
واللي أذاه أقرب ما ليه
ده جرح ببعلّم!
وصعب تسكن الألام
واخرج من اللي فات سليم
وصعب لمّا اروح انام
ما افضلش اراجع القديم
طلع مُكلّف العلام
وخدت درس في الصميم
ولسه بتعلّم
ركز يا قلبي في اللي جاي
وألف شكر للي باع
ما صانش حتى بوء شاي
سلام يا ٣٠٠ وداع
واللي لقانا ما يساعوش
فخانة الوداع تساع
مشاعرنا مش لعبة

 ألبوم رايق

يقدم المطرب حمزة نمرة موسيقي مختلفة فى ألبوم «رايق»، وتتنوع إيقاعات الأغاني بين الموسيقى الشرقية والفيوجن والشعبي مع الفلامنكو والأفروبيت والبوب، ويتضمن الألبوم 13 أغنية وتم إصدار 8 أغنيات منهم على هيئة كليبات مصورة، حيث يختتم أغنيات الألبوم في 6 سبتمبر القادم بأغنيتي «يا سفينة»، و«رجعنا لوجع القلب».

 

ألبوم رايق 

ويذكر أن المطرب حمزة نمرة طرح مؤخرًا أغنيتي «مش سليم» و«شيخ العرب»، ضمن ألبومه الغنائي الذي يحمل اسم «رايق»، وذلك عبر موقع الفيديوهات الشهير «يوتيوب» ومنصات الموسيقي المختلفة.

وجاءت أغنية «مش سليم» لـ حمزة نمرة من كلمات محمود فاروق، ألحان أندريه مينا وحمزة نمرة، توزيع وميكساج أندريه مينا، جيتار وعود حمزة نمرة، تنفيذ وتريات أحمد عاطف، بينما أغنية «شيخ العرب» جاءت من كلمات محمود فاروق، ألحان أحمد حاج، توزيع وميكساج كريم عبد الوهاب، جيتار مصطفي أصلان، وناي محمد عاطف.

 

المصدر: بوابة الفجر