بعد قيده رسميًا مع الأهلي.. معلول يُفجّر مفاجأة بشأن عودته للملاعب
تاريخ النشر: 6th, February 2025 GMT
فجّر الدولي التونسي علي معلول، نجم الفريق الأول لكرة القدم بالنادي الأهلي، مفاجأة بشأن عودته للملاعب خلال الفترة المقبلة.
وقال “معلول” في تصريحات عبر برنامج حارس الأهلي على قناة الأهلي: “شرف لي ارتداء شارة النادي الأهلي في يوم مميز، وبالنسبة لي ماتش الجونة لن أنساه، والجماهير اللي عملته في المدرج لن أنساه.
وتابع: “هنعمل كل اللي علينا، والكل عايز يشارك، والأمر يرجع للجهاز الفني، لأن دي مصلحة الفريق في الآخر، كنت بستغرب من الناس اللي بتقول في مشاكل بيني وبين كولر، وعلاقتي معاه كانت رائعة على مدار سنتين، وأنا كنت أساسي معاه.. وكنت مندهش من الأخبار اللي بتتردد”.
وأضاف: “لا يوجد أي مشكلة مطلقاً، وعلاقتي معاه كويسة جداً، ولو في أي مشكلة كنت إزاي على مدار سنتين مش بطلع من الملعب”.
وواصل: “الكابتن محمد رمضان اتكلم معايا، وقاللي إنت شايف المرحلة دي ازاي، قولت له (الفترة دي لازم أتعالج وأتأهل كويس) لكن قولت له أنا واثق في نفسي طالما رجعت للملعب، هابقى قادر إن اثبت نفسي واكمل مع الاهلي، والنهاردة بعد 6 أسابيع، بتحسن بشكل واضح وكل الناس شايفة.. ووصلت لـ70 أو 80% من فورمتي القديمة”.
واختتم: “أنا دلوقتي بأخد حمل التدريب بالكامل، محتاج شوية ماتشات ودية، أو حتى في التمرين محتاج شوية كمان وبعدها هابقى جاهز 100%، ولو كولر أراد اختياري في قائمة الفريق خلال الفترة المقبلة هأكون جاهز”.
المصدر: صدى البلد
كلمات دلالية: النادي الأهلي علي معلول قناة الأهلي معلول حارس الأهلي الأهلي المزيد
إقرأ أيضاً:
بعد قرار قيده بالأهلي .. معلول يوجه رسالة مهمة لـ الخطيب
وجّه الدولي التونسي علي معلول، رسالة قوية لرئيس النادي الأهلي محمود الخطيب، بعد قرار الأخير بقيده في قائمة الفريق الأول لكرة القدم، واستكمال مشواره مع القلعة الحمراء.
وقال معلول في تصريحات عبر برنامج حارس الأهلي على قناة الأهلي: "النهاردة الدكتور بعد التمرين بيسألني "انت سليم؟!"، قولت له انا كويس وبتمرن، قال لي اصل الناس نزلت انك اتصابت، ودخلت غرفة الملابس، الكابتن محمد رمضان، قال لي انت لو موجود في الفرقة “هل هتعمل اي مشكلة”، لكن قولت له انا موجود وملتزم، قال لي خلاص انت معانا في الـ6 شهور القادمة".
وتابع: “بعد إصابتي، الكابتن الخطيب طلب من أمير توفيق، يجدد عقدي سنة، وبالفعل وقعت على العقد، والكابتن الخطيب متأكد أني هارفع رأسه، وأنا قولت له انا هارجع ولسه قدامي كتير”.
وأضاف: “اللي عمله معايا الكابتن الخطيب هافضل افتكره طول حياتي، وانا اتعورت في الفريق واخر عقدي ليه، ورفض يسيبني، وكان مصمم ان اعمل العملية في احسن مكان في العالم، لكن قولت له عايز ابقى هنا، مع الناس اللي بحبها واللاعبين، لسه محصلش اي كلام مع كولر، والفريق عنده ماتش، وبالتأكيد هاقعد معاه، ونتكلم”.
واختتم: “كل اللاعبين ساندوني في الفترة الاخيرة، والسولية كان معايا يوم العملية، وكريم فؤاد وكل اللاعبين كانوا بيدعموني ومفيش حد سابني لحظة واحدة”.
جامعة أسيوط تشهد محاضرة ”مفهوم وأبعاد الأمن القومي" ضمن دورة التربية العسكرية