راندا البحيري تهاجم طليقها مجددًا: أربي ابني وحدي!
تاريخ النشر: 5th, February 2025 GMT
متابعة بتجــرد: أعادت الفنانة راندا البحيري جدل تصريحاتها السابقة عن أزمتها مع طليقها وعدم تحمّله نفقات ابنهما، والذي تُنفق عليه وحدها، وذلك في معرض حديثها عن تفوّق ابنها في المدرسة، مؤكدةً فخرها به وأنها هي التي تولّت تربيته بنفسها بدون مساعدة أحد.
ونشرت راندا عبر حسابها الخاص في “إنستغرام” شهادة ابنها من مدرسته بحسن الأخلاق، ووجهت رسالة لجمهورها قالت فيها: “بسم الله ما شاء الله ولا حول ولا قوة إلا بالله، قولوا ما شاءالله تعالى، ابني المحترم اللي عهدت على نفسي إني أقدّمه هدية للمجتمع ولدولتنا الحبيبة مصر، حصد شهادات عديدة لكني أصريت إني لما أنزل لكم منها شهادة واحدة تكون دي، تكون شهادة بحسن الأخلاق من مدرسته ومدرّسينه”.
وتابعت: “حسن الأخلاق ده اللي في اعتقادي إنه أهم من ألف مادة، حسن الخلق سبب في محبّة الله، قال الله تعالى: “وأَحْسِنُوا إنّ الله يُحِبُّ المُحْسِنِين” حسن الخلق سبب في كمال الإيمان، قال رسول الله “أكمل المؤمنين إيماناً أحسنهم خلقاً” وقد حث النبي على حسن الخلق والتمسك به وجمع بين التقوى وحسن الخلق فقال عليه الصلاة والسلام “أكثر ما يدخل الناس الجنة قوى الله وحسن الخلق”.
وأضافت: “علّمته الحمد لله وراعيت ربنا فيه ووديته أحسن مدارس وكان فكري دايماً متطور وطلبت من مدرسته إنه يتعلم ai وبرمجة وعلم كتابة الأكواد باللغات المختلفة وحصل اللي كان نفسي فيه الحمد لله، وبالفعل تم منحه من مدرسته بالإتفاق مع شركة كبيرة جداً بدولة عربية إنه يسافر كل ترم وياخد كورسات تدريبية على أرض الواقع مع شباب من مختلف دول العالم وبعد بالفعل ما كان ابتدى كورسات editing في شركة apple العالمية حوّلته لشركة جديدة والحمد لله أتقبل فيها ودي شركة مبتاخدش أي حد إلا المتفوقين، وأكيد كتير منكم سمع خطاب السيد الرئيس عبد الفتاح السيسي لما حثنا على تعليم أبنائنا البرمجة وأنا سعيدة جداً لكوني فكرت من زمان بنفس طريقة تفكير سيادة الرئيس وبالفعل أنا فخورة جداً إني اشتغلت كتير أوي وتعبت واجتهدت علشان أقدر أوفّر حياة كريمة لابني وعلشان أقدر اشتريله أجهزة معينة وغالية جداً علشان يتعلم عليها خصوصاً إني مباخدش نفقات له أنا اللي بصرف عليه لوحدي ومع أول فرصة ذهبية لكورساته اللي بالفعل بدأها اتمنع من السفر زي مانتوا عارفين”.
واختتمت راندا البحيري رسالتها قائلةً: “عموماً أنا هكمّل اللي ابتديته، مش هسكت عن حق ابني حتى لو عملت إيه وحتى لو اشتكيت في كل أجهزة الدولة”.
وكانت راندا البحيري قد تصدّرت أخيراً محركات البحث على “غوغل”، بعد تقدّمها ببلاغ رسمي الى رئيس نيابة وسط القاهرة ضد طليقها، تتهمه فيه بتزوير واستعمال محرر بقصد تضليل العدالة والإضرار بها.
main 2025-02-05Bitajarodالمصدر: بتجرد
كلمات دلالية: راندا البحیری حسن الخلق من مدرسته
إقرأ أيضاً:
بالمصري «ابني ابنك وما تبنيش لابنك»
تابع أحدث الأخبار عبر تطبيق
رسالة لكل أب وأم عاوزين يسيبوا حاجة لأولادهم من بعدهم.. الفلوس أيوه مهمة بس مش أهم حاجة.. وممكن تفرق الناس ماتقربهمش.. علموهم كويس، وزي ما بيصرفوا خليهم يعرفوا يتصرفوا وصاحبوهم وكونوا قدوة حسنة.. خليهم يحبوك ويحترموك مايخافوش منك خلي اسمك يبقي فخر وتاج على راسهم المرفوعة بكرامة وعزة نفس.. إزرع فيهم الإنسانية وحب البشر وكل الكائنات.. ازرع في قلوبهم الرحمة مع كل كائن حي.. ربيهم على متعة العطاء مش الرغبة في الأخذ فقط وبدون معايرة أو إنتظار مقابل.. علمهم يحترموا الناس علشان يجبروا الناس علي احترامهم.. نبههم إن الغرور بيقتل صاحبه وإن أمانة الكلمة مهمة زي أمانة المال والأشياء.. خلي عندهم إنتماء وفخر بوطنهم وأرضهم ولغتهم وجدورهم، أسمعهم وحاورهم وإفهمهم وفهمهم بالعقل ودفيهم بالحب حصنهم بالمعرفة، خليهم أحرار الفكر بمبادئ، وعرفهم مسئولية الحرية، وعيهم على الفرق بين الحرية والانحلال والجرأة والبجاحة والطموح والطمع، فهمهم قيمة الإنصات والاختلاف وما توعدهمش بحاجة مش حاتقدر تمنحها، قربهم من الناس فهمهم إن التواضع قوة مش ضعف وإن التكبر والتجبر آفة.. خلي قلوبهم عمرانة بالمحبة ماتكرهمش في حد مهما كان مختلف علشان الكاره تعبان وقلبه بيتكوي بنار الكراهية، فهمهم إن الدنيا مش دايمة على حال وإن مش كل حاجة عاوزينها مجابة وكتير الدنيا بتقول لأ.. ما تدلعش زيادة علشان ما تفسد همش ولا تقسى زيادة ما تمنحش زيادة ولا تمنعش زيادة وكون قدوة ليهم، ربي نفسك معاهم وأنت بتربيهم وخلي بالك ساعات لما بتدلع زيادة بتخلي أولادك أنانيين بيببقوا عاوزين ياخدوا بس والحياة أخذ وعطا وما تعلمهمش الخوف من بكره.. فهمهم إن المظاهر خداعة وماتخليهمش يقيموا الناس بأشيائهم.. الماركة الغالية مش حاتغلي اللي لابسها والساعة الغالية مش حاتغير التوقيت والزمن والمخدة الريش نعام مش بتخلي البال مرتاح والعربية غالية أو رخيصه بيوصلوا نفس المشوار وإن القيمة في الإنسان مش الأشياء خليهم يقروا ويبحثوا ويفهموا ويكونوا رآي وشخصية وتابعهم وإحرسهم.. عرفهم إن سقف المعرفة عالي مابيخلصش.. لو عندك ولد إنصحه يختار شريكة حياة تقف جنيه وتسنده لو حاله مال وتحبه لذاته مش ممتلكاته خليه يختار أم أولاده صح خليه يختار إنسانة مسئولة مش هم يشيله طول العمر.. وخليه يشوف والدتها بتعامل والدها إزاي.. ساعتها حايعرف هي حاتعامله إزاي ولو عندك بنت خليها تختار اللي يصونها ويحترمها ويحن عليها مش اللي يشتريها بماله، بنتك مش سلعة تبيعها للي يدفع أكتر وماتتقيمش بشبكة ومهر وخليها تشوف والده بيعامل مامته إزاي، ساعتها حاتعرف هو حايعاملها إزاي.. خليك حاضر طول الوقت حتي في غيابك وزي ماعاوز تورثهم مال يسندهم ورثهم قيم ومبادئ وذكريات طيبة تسند قلوبهم وعقولهم وساعتها ماتخافش عليهم لو مت علشان الحقيقة مش اللي خلف ماماتش لكن اللي ربي وعلم هو اللي ماماتش.
ردا على المشروع الأمريكي الإسرائيلي.. «حقوق الإنسان» يطالب المجتمع الدولي بـ5 إجراءات فورية