قرار عاجل بشأن طبيب جلدية شهير متهم بهـ.تك عرض فتاة داخل عيادته
تاريخ النشر: 3rd, February 2025 GMT
قررت محكمة جنايات القاهرة، المنعقدة بمجمع محاكم التجمع الخامس، مد أجل الحكم على طبيب جلدية متهم بهتك عرض فتاة داخل عيادته بالقاهرة الجديدة، لجلسة 4 فبراير الجاري.
وكشفت تحقيقات النيابة العامة، لإنه في ٢٠٢٤/٥/٢١ بدائرة قسم التجمع الأول - محافظة القاهرة قام طبيب جلديه بهتك عرض المجني عليها كاثرين ج. بالقوة بأن قام حال توقيعه الكشف الطبي عليها بكشف ملابسها حتى ظهرت عورتها - مستطيلا بيديه الى مواطن عفتها علي النحو المبين بالتحقيقات.
وقالت الضحية ، في تحقيقات النيابة العامة،" كنت تعبانة بمرض جلدي ورحت لطبيب جلديه بالتجمع، وبعدين كان المفروض الشهر اللي بعده أروح أزوره ولكن معرفتش اروح عشان كان عندي شغل كتير فروحتله يوم 15 مايو 2024، عشان اعمل متابعه ولما روحت كان فيه ناس كتيرة مستنية في العيادة، ولما دخلت العيادة روحت الريسيبشن وقولتلهم اني عندي معاد واستنيت لحد ما دوري جه".
وأضافت: بعدها دخلت الأوضة اللي فيها الدكتور هو كان لوحده وأول لما دخلت قاللى أنا حاطك في أول الكشف وانتي أولوية بالنسبالي ، وأنا حبيت أشوفك الأول ، وقولتله أنا معنديش أي مواعيد النهاردة ومكنش لازم تعمل كده، فرد عليا وقاللي انتي مش مريضة عادية عندي انتي مهمة أوي بالنسبالي وده كان كلام غريب اوي بالنسبالي، وطلب مني إني اقعد على السرير وقولتله إني ظهر عندي مشاكل تانية حبوب في كف إيدي ومش عارفة أعمل إيه وبدأ يفحص إيدي فاقترح إني اجي اعمل ايدي واعالجها وقت تاني".
وتابعت: أنا قولتله لا لازم أعالجها عشان فيها ألم جامد، فقالي لا عشان أعالجها هندخل غرفة تانيه هنا عشان نعمل عليها كي، وطلب مني اني افضل مستريحة في الاستراحة لحد ما يجهزوا الغرفة، وبالفعل طلعت وفضلت مستنياه لمدة ربع ساعة في الريسيبشن لحد ما جات واحدة من التمريض، قالتلي الغرفة جاهزة واتفضلي ادخلي".
واستطردت: "لما دخلت الغرفه الدكتور لمس أماكن حساسة من جسدي دون رضايا وبعدها بيوم بعت رسالة للعيادة ، وقولتلهم إن الدكتور تحرش بيا ومحدش رد عليا ، وبعدها بيوم لقيت الدكتور بيكلمنى على تطبيق واتس اب و بيقولي انه معاملش حاجة، وأنه مش قصده يلمس أماكن حساسة من جسدي".
المصدر: صدى البلد
كلمات دلالية: طبيب القاهرة محكمة جنايات القاهرة هتك عرض فتاة المزيد
إقرأ أيضاً:
الحماية المدنية تخمد حريق داخل مركز صحي شهير في التجمع الخامس
أخمدت قوات الدفاع المدني بالقاهرة، حريقًا نشب داخل مركز صحي، بمول شهير، بشارع التسعين الجنوبي، في التجمع الخامس، دون وقوع خسائر بشرية، وأخطر اللواء طارق راشد مساعد أول وزير الداخلية لقطاع أمن القاهرة.
البداية عندما تلقى مسؤول غرفة العمليات بالإدارة العامة للحماية المدنية بالقاهرة، إشارة من إدارة شرطة النجدة، بتصاعد أدخنة كثيفة يتبعها ألسنة اللهب، من داخل مول شهير، بشارع التسعين الجنوبي، مدينة التجمع الخامس.
بدوره دفع مدير الإدارة العامة للحماية المدنية بالقاهرة، بقوات الدفاع المدني مدعومين بسيارات الإطفاء، وفرضت القوات كردونًا أمنيًا بمحيط الحريق لمنع امتداد النيران إلى باقي المجاورات، وبالفحص والمعاينة تبين نشوب الحريق داخل غرفة الساونا، وحاصرت القوات ألسنة اللهب وتمكنت من السيطرة على الحريق دون وقوع خسائر بشرية، وجرى تنفيذ عملية التبريد لمنع تجدد النيران مرة آخرى.
اقرأ أيضاًبعد إصابة ثلاثيني.. تكثيفات أمنية لضبط طرفي مشاجرة العياط
لـ 3 مايو.. تأجيل محاكمة المتهمين في قضية «رشوة وزارة الري»
قضايا قيمتها 12 مليون جنيه.. ضربات متتالية ضد تجار العملات الأجنبية