محمد صبحي ينفي خلافه مع عبلة كامل ويكشف الحقيقة

متابعة بتجــرد: خلال استضافته في برنامج “سبوت لايت” الذي تقدمه الإعلامية شيرين سليمان على قناة “صدى البلد”، نفى الفنان محمد صبحي كل ما تردد عن وجود خلافات بينه وبين الفنانة عبلة كامل، مؤكدًا أن علاقتهما كانت قائمة على الود والاحترام، وأن الشائعات التي انتشرت مؤخرًا ليس لها أي أساس من الصحة.

وتحدث صبحي عن استغلال البعض لاسم الراحل لينين الرملي لترويج معلومات خاطئة، قائلًا: “دلوقتي بقى في سبوبة إن كل واحد يعمل برنامج يتكلم عن الفنانين ومشاكلهم، يعني مسكوا كتاب عمله لينين الرملي في وقت كان مريض فيه بالزهايمر وغير واعي، وزوجته كانت بتقول إنه مش واعي، ورغم كده الصحفيين كانوا بيقابلوه ويكتبوا على لسانه”.

وعن مزاعم وجود توتر بينه وبين عبلة كامل، قال: “قالوا إني عذبت عبلة كامل، وبخصملها كل يوم، ومتغاظ إنها غطت عليا، رغم إني المخرج والمنتج والبطل، فإزاي هجيب ممثلة عشان أفشل، ده أنا بحبها وبتحبني، وعلاقتنا كانت جيدة جدًا”.

كما نفى صبحي ما قيل عن منعه للفنانين من تناول الطعام مع عبلة كامل خلال رحلة الى فرنسا، مؤكدًا أن هذه الادعاءات لا تمت للحقيقة بصلة.

وحرص محمد صبحي على توضيح فكرة انفصاله عن الكاتب الكبير لينين الرملي، وأوضح أن الخلاف لم يكن شخصيًا، بل كان متعلقًا برؤية فنية تخص مسرحية “وجهة نظر”، مضيفًا: “لينين هو اللي انفصل عني وقرر يعمل فرقة لوحده”.

وتابع: “الخلاف كان بسبب قصة المسرحية، اللي بتتكلم عن فتاة شديدة الجمال بيخطفها شخص الى حد ما قبيح الشكل وبيحبسها لحد ما تقوله بحبك، أنا اعترضت على إن عبلة كامل تقوم بالدور ده، لكن لينين أصر، وقرر يعمل المسرحية بعيد عني”.

وأكد صبحي إنه رغم الانفصال الفني، إلا أنه ظل داعمًا لصديقه الراحل، قال: “أنا سبت لهم المسرح بتاعي بالمعدات لأنه صاحبي، ولينين جاب حسين فهمي عشان يقدم دور البطل، وده كان ضد مصداقية القصة، وبعدها اللي قدم الدور كان أشرف عبد الباقي”.

واختتم صبحي حديثه قائلاً: “مكنتش بحب أتكلم عن الموضوع ده ولينين عايش عشان ميتأذيش، وحتى بعد رحيله مش بحب أتكلم، لكن في ناس بتستغل كلامه بشكل غير صحيح عشان تقول شوفوا لينين بيقول إيه عن محمد صبحي”.

main 2025-02-03Bitajarod

المصدر: بتجرد