«أم كلثوم» في «حوار افتراضي»: القرآن له الفضل في تحسين مخارج ألفاظي
تاريخ النشر: 2nd, February 2025 GMT
بابتسامة هادئة تكاد لا تفارقها وأسلوب يميل للبساطة والاختصار فى الرد، فعلى ما يبدو هى لا تميل كثيراً لإطالة الحديث.. هكذا يظهر الجانب الآخر لسيدة الغناء العربى، أم كلثوم، وفى ذكرى مرور 50 عاماً على رحيلها، حاولت «الوطن» محاورة سيدة أثرت أجيالاً متتالية بالغناء، والعاطفة، فأجرينا حواراً افتراضياً معها، من واقع إجاباتها عن أسئلة مختلفة عما يجول فى خاطرها من الإذاعة والتليفزيون، بعضها قيل مع الإعلامية الكبيرة نجوى إبراهيم فى يونيو 1968، والبعض الآخر على هامش حفلها الشهير فى باريس فى نوفمبر 1967، وأخيراً مع الإعلامى السودانى على شمو.
ما نظرة أم كلثوم للحب؟
- «الحب مش لحاجة واحدة، الحب للوالدين، للعائلة، للوطن، للأصدقاء، هو عبارة عن حلقة مفرغة، الحب مش لحاجة واحدة أبداً».
غنيتى «وعِزة نفسى مانعانى»، هل يخضع الحب لعِزة النفس فى رأيك؟
- «طبعاً، إن ماكانش المحب عنده عِزة نفس، ما يتحبش».
أيهما تفضلين من جمهورك، المستمع الصامت أم المشتعل؟
- كل واحد يعبر بطريقة، هناك من يسمع ويعبر بالصمت، وآخر يسمع ويعبر بالكلام والتصفيق، كل واحد وفق هواه وأنا أحب الاثنين.
هل تمتلك أم كلثوم حاسة سادسة عند رفض وجود بعض الكلمات فى الأغنية؟
- ممكن أكون مش فاهماها.
هل تختارين أغنياتك بمفردك، أم تستعينين بآراء بعض المحيطين؟
- الأغانى سواء كانت للخيام أو الشاعر المتصوف محمد إقبال أو لأحمد شوقى، أختارها بنفسى كما أختار جميع أغنياتى.
هل اعتادت أم كلثوم على تقديم مواهب جديدة كل عام؟
- أنا مش اتعودت، إذا كان فيه ملحن جديد يبقى أهلاً وسهلاً، مش أنا اللى بقدم المواهب، هى اللى بتقدم نفسها.
هل تنصح أم كلثوم المطربين الناشئين بالتحكم فى لحن الأغنية؟
- حسب مزاج الفنان، يعنى عاوز يتصرف يتصرف فى حدود اللحن، عاوز يسيبه يسيبه، دى حاجة مش مفروضة يعنى.
هل توجد وحدة بين الأغانى العربية؟
- هناك وحدة فى كل شىء، فى العادات والتقاليد، والأكلات، الأغانى الشعبية فى تونس والمغرب ولبنان والكويت كلها تقريباً واحد، وهذا يدل على أن كل الشعوب العربية مرتبطة بلغة وعادات وتقاليد واحدة.
أيهما تحب أم كلثوم أكثر، الفن أم الجمهور؟
- أحب الجمهور وأحب فنى عشان بقدر أسعده بيه، إذا كان ده يعنى يسعدهم.
ما الهواية المفضلة لأم كلثوم؟
- هوايتى الوحيدة هى قراءة الشعر قديمه وحديثه، أما الأدب فأنا قرأت من ضمن قراءاتى كليلة ودمنة، وقرأت كل إنتاج الدكتور طه حسين، والحاجة الوحيدة اللى أحب أقضى وقت فراغى فيها هى القراءة أولاً للشعر، ثانياً للكتب الفنية فى الأدب.
كيف أثرت قراءة القرآن على موهبتك؟
- القرآن ده أعظم وأكبر كتاب مافيش شك، هو مقوى اللسان وله الفضل الأكبر فى مخارج الألفاظ عندى.
كم عدد ساعات نومك قبل الصعود للغناء؟
- يعنى الواحد يقول أنا هنام كام ساعة ولا ساعات ينام وساعات ما يقدرش ويقلق من نومه؟
ما الظروف التى دفعتك للغناء فى باريس؟
- دى أمنية كل فنان إنه يزور بلد الفن الأصيل، كل واحد يحب ييجى يعرض فنه فيها.
هل توقعت نجاحك الكبير فى حفلك بباريس؟
- عمرى ما كنت أتوقع أبداً حاجة قبل ما تحصل، يعنى دائماً ببقى خايفة، لأنى بحترم الجمهور فبخاف أعمل حاجة ما تعجبهوش.
المصدر: الوطن
كلمات دلالية: أم كلثوم كوكب الشرق أم کلثوم
إقرأ أيضاً:
أسما شريف منير تكشف عن 38 شيئا تعلمته من تجارب الحياة
كشفت أسما ابنة الفنان شريف منير، عن 38 شيئا تعلمتهم خلال تجاربها بالحياة، وذلك تزامنا مع حلول عيد ميلادها 38 اليوم.
وكتبت أسما عبر حسابها بموقع الصور والفيديوهات«إنستجرام»: «عيد ميلادي الـ 38 مش مجرد رقم جديد، النهارده وقفة مع نفسي، وبصة ورا على كل خطوة، كل خُسارة، كل ضحكة، وكل دمعة، عدّيت على حاجات كتير، اتكسرت واتلمّيت، اتحبيت واتخذلت، وقعت وقومت… لكن فوق كل ده، اتعلمت".
عرض هذا المنشور على Instagramتمت مشاركة منشور بواسطة ???????????????? c???????????????????? ???????????????????????? - اسما شريف منير (@asma.sherif.moneer)
وأضافت: «38سنة… و38 حاجة اتعلمتهم خلوني أبقى النسخة دي مني وهم كالتالي:
1. اللي بيسيبك وقت ضعفك ما يستحقكش وقت قوتك.
2. الحب لوحده مش كفاية، لازم احترام وأمان ونية صافية.
3. مفيش أغلى من راحة البال.
4. الحدود مش قسوة، دي حب لنفسي.
5. كل اللي حصل كان لازم يحصل عشان أوصل للي أنا عليه دلوقتي.
6. الكتم مش قوة دايمًا، أوقات لازم أتكلم.
7. الجمال الحقيقي جوايا مش في مراية ولا كاميرا.
8. الناس بتتغير، وأنا كمان. وده طبيعي.
9. ربنا عمره ما خذلني، حتى في أسوأ أيامي.
10. السُكوت مش دايمًا رضا، أوقات بيبقى وجع.
11. اللي بيحبك بجد هيخليكي تحسي بالأمان مش التوتر.
12. اتعلمت أقول لأ من غير ما أبرر.
13. في حاجات كتير فقدتها، بس كسبت نفسي.
14. المغفرة مش معناها أرجّع الناس لحياتي، معناها أحرر قلبي.
15. مش لازم أكون كاملة عشان أكون كفاية.
16. الوقت بيكشف، والنية بتبان.
17. مفيش صدفة، كله ترتيب إلهي.
١٨. الكتابة أنقذتني.
19. لما بحب نفسي، كل حاجة حواليّ بتتغير.
20. مش لازم أرد على كل حاجة.
21. اتعلمت أسمع صوتي قبل صوت الناس.
22. كل ما كنت حقيقية، كل ما ارتحت أكتر.
23. اتعلمت أقول “أنا تعبانة” من غير خجل.
24. العلاقات مش كلها للأبد، بس كلها دروس.
25. أتقبل التغيير، حتى لو وجعني.
26. اللي راح مكانش ليّ، واللي جاي أحلى بكتير.
27. لما بنضف قلبي، الدنيا بتنضف معاه.
28. مش لازم كل حاجة تتقال. في حاجات بتتحس بس.
29. الصوت اللي جوايا أهم من أي رأي خارجي.
30. مش دايمًا الصح واضح، بس الإحساس بيقول.
31. اللي بيحسسني إني مش كفاية، ملوش مكان.
32. الأمان الحقيقي في حضن ربنا.
33. مش كل حاجة لازم أفهمها دلوقتي.
34. في أوقات لازم أختفي عشان أرجع قوية.
35. النجاح مش شهرة، النجاح سلام داخلي.
36. اتعلمت أكون لنفسي اللي كنت مستنياها من الناس.
37. لما ببطل أقاوم، الحياة بتسوقني للأحسن.
38. أنا لسه بتعلم، ولسه قلبي مفتوح لكل جديد.
واستكملت: «النهاردة بحتفل بكل نسخ أكوني، وبحضن البنت اللي كانت، والست اللي بقت، واللي لسه جاية كل سنة وأنا أقرب لنفسي، وأكتر حب، وأكتر نور».
اقرأ أيضاً«المفروض نكبر».. مها الصغير ترد على منتقدي نجلها في مسلسل سيد الناس | فيديو
«الصفا الثانوية بنات» يحافظ على المركز الثاني بالأسبوع الأول لعرضه (صور)
ارتفاع درجات الحرارة على جميع الأنحاء اليوم مع رياح مثيرة للأتربة