مصطفى ليشع لبودكاست «في إيه»: دخلت عالم الفن صدفة

قال صانع المحتوى مصطفى ليشع إنه خلال مرحلة الثانوية العامة كان يعاني من حيرة بشأن مستقبله الدراسي، موضحًا: «ماكنتش عايز أبقى مهندس، ولا محاسب، وحتى المحاماة كنت سامع إنها فيها شبهات، فماكنتش لاقي حاجة تناسبني».

دخول عالم الفن بالصدفة

وتحدث ليشع خلال ظهوره في بودكاست «في إيه» الذي يقدمه إسلام فوزي، عن بداية رحلته قائلاً: «ساعتها كانت فيزا تركيا متاحة بسهولة للأعمار تحت 21 سنة، كنا بناخدها أونلاين ونسافر، لكن استخراج التصريح الأمني كان صعب.

سألنا حد، وقال لنا نحجز طيران تركي، ونعمل ترانزيت في نيبال، وبعدين نكمل».

وأضاف: «قدمت وقتها في كلية تجارة كخيار احتياطي، وبدأ أصحابي يكملوا الإجراءات للسفر. وأنا في الفترة دي قررت أدخل تجربة المسرح عشان لو سافرت وغسلت مواعين هناك، ماكنتش هندم إني ماجربتش حاجة بحبها».

وأكمل ليشع حديثه لبودكاست «في إيه» قائلاً: «لما دخلت المسرح لأول مرة، حبيته جدًا، ومن هنا بدأت رحلتي في عالم الفن».

المصدر: الوطن