هل نصف مليار جنيه؟.. شوبير يكشف عن كواليس صفقة تريزيجيه
تاريخ النشر: 28th, January 2025 GMT
كشف الإعلامي أحمد شوبير حارس مرمى الأهلي ومنتخب مصر السابق حقيقة صفقة الأهلي للتعاقد مع محمود حسن تريزيجيه نجم منتخب مصر، وتفاصيل قيمة الصفقة.
وقال أحمد شوبير: “إمبارح النادي الأهلي فاجأ الجميع بالكشف عن التعاقد مع تريزيجيه، والأهلي عمل الصفقة في سرية وتكتم شديد جدا جدا، والدنيا كلها كانت ماشية في سكة تانية، لكن الأهلي حسم صفقة اللاعب بعد مشوار 10 سنوات في الاحتراف».
وتابع أحمد شوبير: «عايز أوضح شوية حاجات مهمة في هذه الصفقة، تريزيجيه هينضم بداية من كأس العالم لأن تريزيجيه الموسم ده لعب لناديين وبالتالي لوائح الفيفا تمنعه من اللعب لنادٍ ثالث في نفس الموسم فهو هيكمل الموسم ويرجع مع الأهلي من مسابقة كأس العالم للأندية المقبلة”.
وأوضح حارس الأهلي السابق: “البعض قال إن الصفقة كلفت الأهلي نصف مليار جنيه هذا الأمر لا أساس له من الصحة خالص خالص، بالعكس كمان تريزيجيه تنازل عن 100 ألف دولار من مستحقاته لدى نادي طرابزون سبور من أجل الانضمام للأهلي، والأهلي مش هيدفع الصفقة بنسبة 100 في المائة لأن فيه حقوق رعايات لبعض الأندية هتتخصم من قيمة المبلغ اللي هيدفعه النادي الأهلي”.
وأضاف شوبير: “جماهير الأهلي استقبلت الخبر في فرحة وسعادة وكان نفسهم ينضم من النهاردة لكن خالص باقي 4 شهور وينضم للأهلي وهو عنده 30 سنة وقدامه 5 سنيين يديهم في الملاعب وهما اللي الأهلي جدد معاه بيهم عشان ميوجعش دماغه بعد كده بتجديد تاني للاعب”.
أعلنت قناة النادي الأهلي، اليوم الاثنين، التعاقد مع اللاعب محمود حسن تريزيجيه، قادمًا من صفوف فريق طرابزون سبور والمعار إلى الريان القطري.
وحسب ما أعلن أحمد شوبير، في تصريحات على قناة النادي الأهلي، فإن اللاعب سيتم انتقاله إلى صفوف الأهلي بداية من كأس العالم للأندية في يونيو المقبل، ولمدة 5 مواسم مع المارد الأحمر.
وكان نجح الأهلي في التعاقد خلال الميركاتو الشتوي الجاري، مع المدافع مصطفى العش قادمًا من صفوف زد، والمهاجم السلوفيني نجيك جراديشار من الدوري المجري، وأحمد رضا لاعب وسط فريق بتروجيت.
المصدر: صدى البلد
كلمات دلالية: منتخب مصر محمود حسن تريزيجيه الصفقة الأهلي أحمد شوبير المزيد النادی الأهلی أحمد شوبیر
إقرأ أيضاً:
خالد طلعت يهاجم مسئولي النادي الأهلي.. تفاصيل
هاجم الناقد الرياضي خالد طلعت مسؤلي النادي الأهلي عبر صفحته على موقع التواصل الاجتماعي فيسبوك.
وكتب خالد طلعت:"مسؤولو وإعلاميو ولجان النادي الأهلي بيعملوا حاجة غريبة جدا دلوقتي بيضحكوا بيها على جمهورهم كالعادة.
بيحاولوا يصوروا ان الأهلي انتصر في معركة الانسحاب لمجرد ان مفيش خصم 3 نقط زيادة رغم إن العكس هو الصحيح والأهلي هو الخاسر الوحيد.
وللأسف فيه زملكاوية كتير بيساعدوهم في كده لما بينزلوا انهم زعلانين ومقهورين من القرار الجديد وكأنهم خسروا المعركة وده مش صح خالص.
الأهلي انسحب من ماتش الزمالك وخسر المباراة 3-0 وخسر 3 نقط مهمة في مشوار المنافسة على الدوري وخسر ملايين الجنيهات عقوبة خسائر المباراة رغم ان المباراة فنيا كانت سهلة للاهلي وكان أقرب للفوز.
الأهلي قال في بيان واضح وصريح ان الماتش هيتلعب بحكام أجانب وده محصلش وكلامه متنفذش.
الأهلي قال إن الماتش لو متلعبش بحكام أجانب مش هيستكمل الدوري ، وده محصلش والاهلي هيستكمل الدوري عادي يعني كلامه متنفذش ورجع في كلامه وخسر المعركة الأساسية.
المعركة الاساسية هو ان الماتش يتعاد أو لاء أو يتحسب فوز الزمالك والأهلي خسر المعركة ، خصم 3 نقط زيادة دي عقوبة اكتر او مغلظة ممكن تتنفذ وممكن لاء وانا قلت مش هتتنفذ من اول يوم واتعملت لحفظ ماء وجه الأهلي زي لما واحد يدخل خناقة ويتضرب علقة جامدة وبعد ما يضرب ويقوم يروح شاتم اللي ضربه ويقوله يا حمار.
الأهلي خرج خسران كتير وخسر أسطورة ان الأهلي مبيعملش حاجة غير لما يكون دارسها ، وخسر انه قال قرار انه مش هيكمل الدوري لو الماتش متعادش ومنفذش كلامه ودي اول مرة تحصل في تاريخ الأهلي".
محافظ بني سويف يؤدي صلاة عيد الفطر الميارك بساحة مسجد عمر بن عبدالعزيز