"مش عايز اكتئب أو منجحش زي الكدواني ومحمد لطفي".. حسن عبد الفتاح يكشف سبب تفضيله الأدوار التانية

كشف الفنان حسن عبد الفتاح، عن سبب تفضيله للأدوار الثانية قائلا: “أنا مخدتش بطولة ولا اتعرضت عليا بس انا بحب ابقي جمب البطل ده ملعبي أنا بطل في ملعبي، ممكن اعمل بطولة وممكن ميعديش هقعد اكتئب وارجع تاني اعمل الدور التاني، زي بعض الزملاء عملوا ده ورجعوا يعملو الأدوار التانية زي مثلا محمد لطفي عمل عبده مواسم كان بطولة وبعدين موفقش فرجع تاني وكمان الاستاذ ماجد الكدواني علشان كده مش عايز أخوض التجربة”.

 

حسن عبد الفتاح: “فيه قلة فرص في الوسط” 

وتحدث عن قلة الفرص في مصر  خلال حواره مع الإعلامية انجي هشام في برنامج المنسي عبر قناة هي قائلا: "بحب السفر بره لكن هنا فين وفين لحد ما يبعتلك حاجه لكن بره باخد دور وبمثل مع نجوم الوطن العربي من كل بلد ممثل.

وأضاف: "بحب السفر وبحب التمثيل بره كسينما وكمسرح وكمسلسلات لسا مخلص مسلسل في أبو ظبي عملت فيه ٤ أو خمس مشاهد، بحب السفر كتعامل جميل  وكفلوس".

 حسن عبد الفتاح يتحدث عن الزعيم 

 

كما تحدث عن الزعيم عادل امام وحقيقه احتكار الإيفيهات:' مشوفتش ده انا عملت معاه افلام كتير زي حسن ومرقص هالو امريكا التجربة الدنماركية، لو افيه حلو يقولي قولو لو لا يقولي متقولوش على طول أو يبصلي البصة بتاعته أو يرفع حاجبه يعني متقولش

 

وتابع: “أنا وانا بعمل بروفا فبقول رامي الافيه، فيقولي إيه اللي انت قولته دا ؟ لا متقولش ده شوف حاجة تانية.. الاستاذ عادل جميل والشغل معاه مريح جدا”.

 

 

المصدر: بوابة الفجر