شريف خير الله يكشف عن سبب رفضه لـ الأب الروحي والفنان البديل عنه
تاريخ النشر: 21st, August 2023 GMT
تحدث الفنان شريف خير الله، عن تفاصيل في حياته الشخصية والفنية، موضحا أنه يعتز بمسلسل الإختيار الذي شارك فيه مع المخرج بيتر ميمي.
وتابع شريف خير الله، خلال حواره في برنامج "تفاصيل"، المذاع عبر قناة "صدى البلد2"، تقديم الإعلامية نهال طايل، قائلا "بيتر ميمى مخرج هايل، وبيعمل حركات بالكاميرا لم أرها من قبل، يحط المصور والكاميرا على الموتوسيكل وماشي في وسط الشارع.
وأضاف شريف خير الله، أنه رفض المشاركة في مسلسل الأب الروحي الجزء الأول، بسبب ظروف حدثت له منعته من تقديم الدور، موضحا أن النجم أحمد عبد العزيز هو من قدم الدور بديلا عنه وقدمه بشكل جيد.
وأكمل شريف خير الله حديثه قائلا:"كل شوية الخريطة بتتغير فنانين جدد ومخرجين جدد، حاجه مش فاهمها ومش عارفها ووقتها رفضت علشان ماكنتش أعرف الناس دي.. وبعدين عرفت أن الفنان محمود حميدة هيظهر في 7 حلقات قولت في بالي يبقى أكيد أنا هعمل حلقة واحدة بس.. وبعدها اعتذرت لهم".
واختتم شريف خير الله، "المسلسل أول ما أتعرض شوفته وعجبني جدا ووقتها قدم الدور أحمد عبد العزيز وعمل الدور حلو وكان هايل أوي ورجوعه كان في توقيت مهم أوي".
شريف خير الله يكشف عن ترشيح نور الشريف له في فيلم الطيب والشرس والجميلة
"هو أنا قاعد على الرصيف".. سر رفض شريف خير الله لفيلم الطيب والشرس والجميلة
تحدث الفنان شريف خير الله، عن ترشيح الفنان نور الشريف له، في فيلم الطيب والشرس والجميلة، وقت حضوره لعرض مسرحي منذ أيام كان طالبا في المعهد العالي للفنون المسرحية.
وتابع خلال حواره مع برنامج "تفاصيل"، المذاع عبر قناة "صدى البلد2"، تقديم الإعلامية نهال طايل، "نور الشريف رشحني لفليم الطيب والشرس والجميلة في عام 1993، وقتها المخرج مدحت السباعي قالي هنعمل تعديلات في السيناريو وهبعتلك وبعدها محدش بعتلي حاجه، والفيلم بدأ تصويره فقولت خلاص يبقى حد تاني خد الدور مكاني".
وأضاف شريف:"بعدها بـ 10 ايام كلمني أستاذ عبدالرؤوف وقالي هتروح مدينة السينما علشان هتصور الفيلم، قولت له بس أنا مخدتش السيناريو علشان أجي أمثل، قالي هات بدلتين وتعال علشان تعمل الدور.. رديت عليه بعصبية يعني ايه أجيب بدلتين وأجي أمثل هو أنا قاعد على الرصيف".
واختتم شريف خير الله،:"وقتها افتكرت أن الحكاية دي معمولة من ورا نور الشريف، لأن هو ممثل أكاديمي وعارف يعني إيه أدوات الممثل، ومرضيتش أروح وبعدها عرفت أن نور الشريف زعل مني وبعد فترة حكيت له اللي حصل وهو كان مصر على الدور أن أنا اللي أعمله وهو كان مخبي الدور علشان المخرج كان عاوز حد مكاني لحد ما جه الوقت المناسب علشان يبعتلي".
يذكر أن برنامج "تفاصيل"، من تقديم الإعلامية نهال طايل ويعرض على قناة صدى البلد 2، ويذاع البرنامج يذاع الاحد والإثنين والأربعاء من كل أسبوع من الساعة 8 مساء حتى الساعة 10 مساء، برنامج اجتماعي خدمي يتطرق للعديد من القضايا الاجتماعية التي تمس الحياة اليومية وتقدم حلولا للقضايا المطروحة، كما يساهم البرنامج في تقديم العديد من الخدمات للسادة المشاهدين من إجراء عمليات عيون بالمجان لغير القادرين وزواج اليتيمات وإجراء عمليات القلب المفتوح والأطراف الصناعية.
المصدر: بوابة الفجر
كلمات دلالية: بيتر ميمي نور الشریف
إقرأ أيضاً:
بالمصرى أسئلة بديهية بمناسبة الشهر الكريم
تابع أحدث الأخبار عبر تطبيق
أسئلة بديهية بمناسبة حلول شهر رمضان المبارك بتخلينى أستغرب وأفكر ومحتاج نفكر مع بعض ونلاقى إجابات يقبلها المنطق والعقل.
لو مريض بمرض مزمن وماينفعش يبطل العلاج وربنا أعطاه رخصة الإفطار علشان صحته يقوم هو يزايد على ربنا ويقرر يصوم وبالتالى حياته تتعرض للخطر ويتعب أكتر ويدخل فى مشاكل صحية أكتر ويتعب ويجهد ويعذب كل اللى حواليه!.. هل ده صح؟
هل الصيام عن شرب الميه والأكل فقط ولا اللسان والألفاظ الخارجة والطباع السيئة والنم على خلق الله والكدب والسرقة وكل الموبيقات؟
هل طبيعى تبقى سفرة رمضان مليانة بكميات أكل مهولة وما لذ وطاب وكأننا داخلين فى مجاعة والا مفروض يكون الأكل طبيعى ولو زاد عليه يبقى صنف حادق وصنف حلو وكفى.. بدل التخمة والإهدار للمال والجهد ولنعمة ربنا اللى الناس بتعملها طول الشهر بحجة إن ده شهر كريم؟
إحنا ليه ربطنا رمضان بعادات عجيبة وكأن الصيام مش هاينفع من غيرها؟.. الستات بتنزل تشترى كافتان (قفطان) وتتسابق فى أشكاله وألوانه وتتباهى بأسعاره الخزعبلية علشان الخيم الرمضانية والسهرات والمنظرة الكدابة! والحلو بقى افتكاسات عجب العجاب كنافة بالمنجة وقطايف برجول السمان المخلى وكنافة بالسجق وكنافة بالنوتيلا وفاضل شوية ويعملوها بمحلول معالجة الجفاف والأسعار بقت برقم وجنبه أصفار كتير والناس بتتمنظر بأنها بتهاديها أو بتتهادى بيها وكل مافتكس أكتر كل ماتدفع أكتر وأكتر.
حتى الفول ماتسابش فى حاله.. فاضل شويه ويضيفوا عليه موز باللبن أو معجون أسنان ولو شيطانك وزك ورحت خيمة رمضانية تتسحر هايتقدملك حاجات عجب مالهاش لون ولا طعم وتلاقى نفسك بتدفع فاتورة برضه خزعبلية وتروح بيتك مقهور باكى شاكى وتنزل الفاتورة على الفيسبوك علشان تبقى ترند وكأنك مارحتش برجليك وكأن النداهة هى اللى ندهتك.
أنا بالنسبالى رمضان مفترض يكون فيه إحساس أكبر بالمحتاجين والفقراء والغلابة المحرومين طول السنة الموجودين بكثرة حوالينا فى القرى والنجوع والأحياء الشعبية وطبعاً الأقربون أولى.. لأن مافيش عيلة مافيهاش حد محتاج أو طبعاً أهالينا المنكوبين فى غزه اللى مش عارفين يلاقوها منين والا منين وربنا يعينهم وهما أولى بالفلوس اللى بنهدرها فى أكل نهايته وللأسف بتبقى فى سلات القمامة.
بالنسبالى رمضان هو شهر بتختبر فيه نفسك وتروضها على الصبر واحتمال الجوع والعطش وكمان عن عاداتك السيئة فعلاً وقولاً علشان تكمل بعده طول السنة مش مجرد شهر وخلاص.
بالنسبالى رمضان فيه روحانيات أكتر وتدريب وتطهير للنفس أكتر.. وهو لمة الأحباب فى مكان واحد يتقاسموا اللقمة سوا ويتكلموا ويدفوا قلوب بعض.
أنا بحب فانوس رمضان المصرى القديم القزاز الملون أبو شمعة مش الفانوس الصينى أبو بطارية.. بحب رمضان البسيط والكنافة التقليدية بتاعت جدتى اللى لو كانت بتحب تجود فيها يادوب يتحط جواها شوية سودانى مجروش، والقطايف يادوب جواها زبيب وبشر جوز هند وقرفة.
بالنسبالى رمضان هو كل البيوت فاتحة الراديو على صوت الشيخ محمد رفعت والنقشبندى والراحل سيد مكاوى وبعدها "بلغنى أيها الملك السعيد" بصوت الراحلة زوزو نبيل وبعده كل البيوت بنشوف فوازير نيللى أو شريهان أو فطوطة ومسلسل حلو بنتابعه كلنا وكفى ولا كان فيه إعلانات فيها فواصل مسلسل مش العكس.. بالنسبالى رمضان مافيهوش برامج اللت والدخول فى الأعراض وأسرار البيوت والفضايح علشان نسب المشاهدة.
ياترى إنتوا كمان رمضان بالنسبالكو زمان كان أحلى والا رمضان دلوقتى؟.. وكل سنه وأنتم طيبين.
السيسي ورئيس المجلس الأوروبي يؤكدان وحدة وسلامة واستقرار لبنان وليبيا والسودان والصومال