مختار مختار: الأندية بتطمع في الأهلي والصفقات لسه مخلصتش

كشف مختار مختار رئيس لجنة التخطيط بالنادي الأهلي عن تفاصيل صفقات النادي المنتظرة في فترة الانتقالات الشتوية بعد حسم صفقتين حتى الآن.

وقال  مختار مختار خلال مكالمة هاتفية مع الإعلامي أحمد شوبير خلال برنامجه حارس الأهلي المذاع على قناة الأهلي: «بشرى سارة لجمهور الاهلي .. الصفقات لسه مخلصتش لحد دلوقتي وإن شاء الله الخير جاي رغم ان الوقت ضيق لكن لسه فيه، وغير صحيح هذا الكلام ولكن احنا مينفعش نقول للناس اننا بنكون خلصنا اتفاقات مع اندية وبنفاجأ انهم يغيروا اتفاقهم بسبب ضغط السوشيال ميديا فبيطمعوا فينا وبيزودوا أضعاف المتفق عليه».

وأضاف مختار: «كل الأندية اللي بنتفاوض معاها لما بيدخلوا على الميديا عندنا وبيشوفوا الضغط اللي علينا بيغلوا علينا الأسعار اضعاف اضعاف المتفق عليه وده امر بيصعب علينا امور التعاقد وكنا متعاقدين مع 3 صفقات وبعد اجازة يناير غيروا الاتفاق المالي بشكل مفاجئ وبأضعاف مهولة ومحدش يقدر يستحمل الوضع ده نهائي الناس دخلوا علي الميديا عندنا وشافوا الهجوم علي الصفقات وطمعوا فينا».

المصدر: صدى البلد