رضا حامد: النقابة لها دور في تشغيل الفنانين.. والسبكية نسيوا رضا حامد

تحدث الفنان رضا حامد عن قلة الفرص في الوسط الفني مشيرا إلي أنه يسعى للتواصل مع النقابة بشأن العمل مجددا:' 
مقدرش اقول اني متواصلتش من النقابة تواصلت بس مع اللي ممكن يحس ويفهم مين رضا حامد يعني امبارح بالتحديد لسه مكلم دكتور أشرف زكي قالي اهلا يا استاذي أنا درست لاشرف.

وأضاف خلال حواره مع الإعلامية انجي هشام في برنامج المنسي عبر قناة هي:' قلتلو أنا جراند سهل جدا اشتغل قالي أنا كمان بقيت جراند قلتلوا لا أنا جراند كبير انت جراند صغير، ده اللي ممكن اكلموا بصفتو النقيب بتاعنا وإني كنت أستاذه لكن مينفعش بقي اكلم كل واحد.

رضا حامد 

وكشف تفاصيل محاولاته للتعاون مع عائلة السبكي:' تواصلت مع السبكية لكن محمد مش موجود هنا دا اللي اشتغلت معاه كتير، وأحمد اشتغلت معاه فيلم واحد كان هائل وكان مبسوط جدا مني وفجاة مع كتر الأعمال اللي بيعملوها نسيو رضا حامد رغم أنه كان مبهور بيا.

وتابع:' أهم شغلانه للنقابة أنهم يوفروا شغل، في فنانين بتعمل ٨ و٩ مسلسلات وفيه فنانين بنفس المستوى مش شغالة طب ليه، النقابة لها دور واللي يقول غير كده جاحد ومعندوش فهم للموضوع.

نبذة عن حياة رضا حامد

ممثل مصرى، بدأ حياته الفنية في بداية الثمانينيات حيث قدم عددًا من الأدوار الصغيرة في بعض الأعمال السينمائية والتليفزيونية والمسرحية المتميزة والتي كان من أولها على الإطلاق دوره في فيلم وكيل النائب العام ومسلسل دهب قشرة ومسرحية طب ليه، بدأت مرحلة الإنطلاق الفني له في مرحلة التسعينات من خلال عددٍ من الأعمال الفنية السينمائية والتليفزيونية المتميزة والتي قدم من خلالها بعض الأدوار الثانوية والصغيرة، اشتهر بطريقة اداء معينة، يعتمد فيها على الأداء الصوتى، لذلك قام بأداء ادوارا بذاتها في السينما على فترات متباعدة، كما شارك أيضًا في العديد من برامج المقالب مثل لخابيط والمصري أبو دم خفيف وبتقول أيه وماتزعلش.

المصدر: بوابة الفجر