عمرو رمزي يكشف تفاصيل أول لقاء له مع الزعيم عادل إمام
تاريخ النشر: 20th, August 2023 GMT
كشف الفنان عمرو رمزي، كواليس أول لقاء جمعه بالزعيم عادل إمام، والتحاقه بمسلسل فرقة ناجي عطا الله بعد برنامجه الشهير حيلهم بينهم، قائلًا:"أول مرة كلمته انا متكلمتش هو اللى اللي اتكلم، لقيت رامي إمام بيقولي سيب اللي في إيدك وخد فأعطي التليفون للزعيم فقال لي انت جميل وشوفت حيلهم وبينهم وحرمت يا بابا، وهتبقى معانا في مسلسل فرقة ناجي عطا الله، وبس".
أضاف رمزي خلال استضافته في برنامج "الستات مايعرفوش يكدبوا" على قناة "CBC" كانت فرصة عمري أن الزعيم عادل إمام يكلمني، وفي اليوم ده منمتش وفضلت ساكت لحد لما رامي إمام خد منه السماعة فقال لي تمام يا عم فقلت له إيه اللي تمام ياعم، فقال لي الأستاذ اللي كلمك فقلت له طيب اديهولي تاني اكلمه فرد مش فاضيين نشوفك في المسلسل، فقلت له طيب أجيلكم البيت قاللي الساعة 12 بالليل هتيجي فين؟ هنشوفك بكرة الساعة 11 في الشركة، ولما روحت الشركة كنت قاعد بدردش انا ورامي فدخل الأستاذ مقالش حتى السلام عليكم فأنا قلت اكيد اتشلت من الدور وقفل مني ورامي كان بيهزر".
أكمل: "قلت لرامي إمام امشي خلاص بقى الزعيم حتى مقالش السلام عليكم لينا وهو ماشي من قدامنا، فقال لي يا عم اصبر بس هو مشغول شوية، فقعدت شربت قهوة وبعدين دخلنا علي اوضة البروفة فالزعيم كان قاعد علي الترابيزة بيكلم حد فقلت له مساء الخير مردش عليا، فقلت لرامي فيه ايه قال لي اسكت، فضلت قاعد ساكت، فالزعيم مرة واحدة قال لي انت مين؟ وقتها اتخضيت خضة جامدة ومبقتش عارف أقول ايه".
تابع: بعدين قلت له رامي اللى قاللي اجي، فرامي قال له يا استاذ معلش هديله حاجة كده ويمشي، فأنا قلت هيديني حسنة يعني ولا ايه، فقلت له طيب يا استاذ اسيبك علشان واضح انك مشغول، فقال لي لأ اقعد بطريقته، ايه بقى اللي جابك هنا يا عمرو، فقلت له رامي قال لي احنا بنعمل مسلسل فرقة ناجي عطا الله، ولو بتعملوا المسلسل عموما مبروك، فقال لي مبروك علي ايه يا حبيبي، فرد اما نشوف ايه اللى جابك هنا وقام برة وراح باصص عليا من الباب وراح قافل الباب، كنت عايز انط من الشباك، ولكن في النهاية وافق عليا".
https://fb.watch/my1HSIdo3h/?mibextid=ZbWKwL
المصدر: البوابة نيوز
كلمات دلالية: عادل إمام حيلهم بينهم قال لی
إقرأ أيضاً:
محسن جابر يكشف سر حيلته ليتفوق عمرو دياب على محمد منير
خاص
تحدث رجل الأعمال والمنتج المصري محسن جابر عن الكثير من الأسرار التي جعلته من أهم المنتجين، ومن بينها حيلته ليتفوق الفنان المصري عمرو دياب على محمد منير في فترة من الفترات.
وبشأن رحلته للحفاظ على التراث المصري، ومنع بيع الكثير من الأفلام، بكي محسن وأعرب عن حزنه العميق لما تعرض له من اتهامات وهجوم.
وحول تصريحه بأن 90% من المطربين ليس لديهم ذكاء، قال محسن جابر: “نعم هناك مطربين كذلك لكن ليس بهذه النسبة، فيه نسبة كبيرة معندهاش ذكاء فني، فأنا أعترض على نفسي طبعاً لو قولت كدة.. أرجع في كلامي، اللي عنده صوت ما استمرش فتأكدي إن فيه نسبة ذكاء مفقودة”.
وعن عدم استطاعة إيهاب توفيق وحميد الشاعري استكمال مسيرتهم مثل عمرو دياب، أضاف “في فترة من الفترات المنتج عليه عامل كبير أنا أول ما ابتديت على محمد فؤاد وعمرو دياب كانوا ماشيين تاتا تاتا، وفيه تفاصيل كتير منها دخول الفنان، هالة دخول الفنان، نزول الألبوم في السوق”.
وتابع: “زمان الكينج محمد منير مكانش معايا بس وأنا نازل كان السوق بيقول ماتنزلوش بعمرو دياب علشان الكينج نازل يوم الاتنين، طيب أنا كمنتج، استنى محمد منير بعمرو دياب ولا محمد منير يستناني؟”.فقولت يا جماعة عمرو دياب نازل يوم الأربع، كان سعر الشريط ١٠ جنيه، اللي عاوز لازم يعمل حجز، فسحبت من السوق الفلوس للستوكات”.
واختتم حديثه: “لما محمد منير جه يطلع مالقوش فلوس، فيوم الحد طلعت إشاعة قولت السعر هيغلى، فاللي عاوز بالسعر القديم يحجز، فالفلوس جاتلي فعمرو دياب اكتسح.”
وأكد :” هنا أنا أخذت وش السوق في المنافسة، فالسوق بقى يعمل لي حساب في المنافسة، فالفنانين بقوا يقولوا محسن جابر نازل، ده راجل عنده خطة تسويقية فخلي بالك”.