السيسي: زيادة الشائعات تؤكد زيادة الاستهداف وأن مصر على الطريق الصحيح
تاريخ النشر: 22nd, January 2025 GMT
قال الرئيس عبدالفتاح السيسي خلال كلمته في حفل عيد الشرطة الـ73 إنَّ «وعينا وفهمنا للأحداث التي تمر بمصر، وأن التحديات والعدائيات لن تنتهي، مهم لأن هذه هي طبيعة الدنيا التي نعيش بها، خاصة إن مفيش حاجة اسمها ناس مسالمة والدنيا تمشي كويس، لأ في مصالح ومؤامرات وكل الكلام ده موجود وقائم وهيستمر».
وأضاف الرئيس السيسي: «اللي منتبه وبيخلي باله وواعي لنفسه وبيحاول يوعي اللي حواليه على الأمور كلها والمشكلات التي لن تنتهي، والمشاكل والمصاعب لا تنتهي، واللي يشوف كل دول، يفهم الدنيا الموجودة على مدى التاريخ الحديث، وسيجد تحدي يعقبه تحدي، لذلك يعمل الجميع ويطوّر من نفسه لحل المشكلات وتحسين المواقف».
وتابع رئيس الجمهورية: «قصدت أقول الكلمتين دول علشان أوقات الموضوع بيكون زيادة في الشائعات والكذب، ولما تشوفوا ده بيزيد أوي، اعرفوا إنَّ الاستهداف زائد وإن مصر على الطريق الصحيح، والأمر أصبح يسير إنه ممكن حد يقرب من البلد دي ولكن بفضل الله وعزه وقوته محدش هيقدر يقرب للبلد دي».
المصدر: الوطن
كلمات دلالية: احتفالية عيد الشرطة عيد الشرطة
إقرأ أيضاً:
الرئيس السيسي يطمئن المصريين: «محدش هيقدر يقرب للبلد دي»
وجه الرئيس عبدالفتاح السيسي، في كلمته خلال احتفالية عيد الشرطة الـ73، رسالة إلى المصريين، قائلاً: «اطمئنوا بفضل الله تعالى قبل حد تاني، إنه ربنا موجود ومطلع على تصرفاتنا كلنا، الاطمئنان عندي مش جاي نتيجة قدره فقط، لأ هو مسار إحنا انتهجناه وقيم بنمارسها ومش بنرددها، وقيم كلها تدعو للشرف والاحترام والعزة والكرامة والبناء ومش حاجة تانية».
وأضاف الرئيس السيسي «بقول للي قلقان متقلقوش، وبقول للي خايف متخافوش، بفضل الله محدش يقدر».
وتابع الرئيس: «قصدت أقول الكلمتين دول علشان أوقات الموضوع بيكون زيادة في الشائعات والكذب، ولما تشوفوا ده بيزيد أوي اعرفوا إن الاستهداف زائد، والأمر أصبح يسير إن ممكن حد يقرب من البلد دي، ولكن بفضل الله وعزه وقوته محدش هيقدر يقرب للبلد دي».
جنين ومخيمها.. سماع دوي انفجار كبير بمخيم جنين