الرئيس السيسي للمصريين: "مصر لا تنسى شهداءها.. وحافظوا على بلدكم"
تاريخ النشر: 22nd, January 2025 GMT
تابع أحدث الأخبار عبر تطبيق
قال الرئيس عبد الفتاح السيسي، رئيس الجمهورية: "إن ما يحدث في مصر نتاج لكل نقطة دم ضحت من أجلها، وكل روح راحت لربنا حافظت وكل إنسان قدم نفسه هو اللي حافظ، دي الحقيقة أنا بقول كده عشان كل الناس في مصر تعرف وبنكرره في كل مناسبة إننا مش هننسى أبدًا ومش لازم ننسى أبدا كل بيت قدم شهيد أو مصاب مش هننساه ونشكره ومش هننساه وكل الدعم له ومش هننساه ومصر مش هتنساه قبل دا كله".
وأضاف الرئيس السيسي في كلمته خلال الاحتفال بالذكرى الـ 73 لعيد الشرطة، اليوم الأربعاء: "السلام والأمن اللي احنا فيه دا عباره عن عرفان كل يوم بيتقدم كل يوم لكل أسرة شهيد لأن الثمن اللي اتقدم عشان مصر تبقى بأمان وسلام دا ثمن ولادنا المصريين وبالتالي الثمن اللي بنقدمه اننا نحافظ على الأمن والسلام اللي اتحقق بفضل الله".
ووجه الرئيس السيسي رسالة إلى السيدة راندا محمود عبدالمطلب، والدة الشهيد النقيب عمر القاضي قال فيها: "بشكرك وبشكر من خلالك كل الناس في مصر اللي قدموا أرواحهم وضحوا وزي ما اتقال أن الشر منتهاش الشر مش بينتهي وطول ما الدنيا موجودة فيها شر ولكن طول ما في ناس بتحمي وتحافظ بيبقى فيه ثمن صعب وقد يكون مؤلم وقاسي على الأسر ولكن هذا الثمن هو ثمن واستقرار وحياة 106 مليون مصري و9 مليون ضيوف فاحنا بنتكلم عن 120 مليون مصري".
وتابع، "بشكرك وبقول للمصريين وانتوا بتتفرجوا الضنا غالي أوي طبعا لكن تشوفوا الأم قدمت الضنا ازاي وبتقول إيه وهي واقفة قدامنا شوفوا دا ومتنسوش شهدائكم وحافظوا على بلدكم حافظوا على بلدكم".
المصدر: البوابة نيوز
كلمات دلالية: الرئيس عبدالفتاح السيسي رئيس الجمهورية مصر شهيد عيد الشرطة المصريين
إقرأ أيضاً:
الرئيس السيسي يضع إكليلا من الزهور على النصب التذكاري لشهداء القوات المسلحة
وضع الرئيس عبد الفتاح السيسي، صباح اليوم، إكليلا من الزهور على النصب التذكاري لشهداء القوات المسلحة بمدينة نصر، في إطار احتفالات مصر والقوات المسلحة بالذكرى الثالثة والأربعين لتحرير سيناء، وكان في استقبال الفريق أول عبد المجيد صقر القائد العام للقوات المسلحة وزير الدفاع والإنتاج الحربي وكبار رجال الدولة.
وصرح المتحدث الرسمي باسم رئاسة الجمهورية أن الرئيس السيسي توجه كذلك إلى قبر الرئيس الراحل محمد أنور السادات، وقام بوضع إكليل من الزهور وقراءة الفاتحة ترحما على روحه الطاهرة.