«عرضوا عليه فيلا بدل الفلوس».. إعلامي يكشف تطورات أزمة زيزو والزمالك
تاريخ النشر: 22nd, January 2025 GMT
تحدّث الإعلامي الرياضي إبراهيم عبد الجواد، عن تطورات موقف أحمد مصطفى زيزو من التجديد للزمالك.
وقال إبراهيم عبدالجواد عبر برنامج ملعب اون على قناة اون تايم سبورت: "إمبارح أغلب البرامج الرياضية والمواقع ظهرت فيها رواية مفادها أن الزمالك تراجع عن اتفاقه مع زيزو، وعرض عليه فيلا بدل فلوس وكلام كتير على هذا النهج، وأن الإدارة مقصرة.
وتابع: “اللي هنقوله هنا الحقيقة الأكيدة بالوقائع فيما يخص زيزو والواقع، الإدارة عندها رغبة أكيدة في تجديد عقد زيزو ولم تتراجع عن شيء”.
وأضاف: “الحقيقة الثانية ما ذكر عن تراجع إدارة الزمالك في اتفاقها غير صحيح، الإدارة قعدت معاه أكتر من 10 مرات وكل مرة كان بيتم التأكيد ان الزمالك هيجدد ومش هيبيع، والكلام إن يتم استبدال الفلوس بفيلا مش صح، اللي حصل إن حد من المحبين عرض فيلا بشكل إضافي، علشان الدنيا تمشي في ظل الأرقام اللى كانت بتتطرح من والد زيزو كبيرة قوي”.
وأكمل: “إدارة الزمالك لم تتراجع عن أي بنود اتفقت فيها مالياً مع زيزو وموقف زيزو إنه فعلا عايز يكمل في الزمالك وعنده رغبة كبيرة في إستكمال مسيرته لانه عارف مش هيلاقي الدلع ده كله في اي حته وهتبقى مجازفة ولكن عايز يكمل بمقابل مادي مقارب للي معروض عليها من الخليج”.
وقال ايضا: “بالنسبة لفكرة أن آخر يوم للرد الخميس الكلام ده برضو غير صحيح لأن بالفعل اتأكدنا أن والد زيزو فاتح خطوط اتصال مع أندية تانيه عادي وموضوع الأهلي ليس إلا ورقة ضغط على الزمالك”.
واختتم: "الخلاصة وهو إن إدارة الزمالك عاوزة تدي لزيزو فلوس كتير اوي لكن رغبة زيزو يحصل على مبالغ تقارب ما كان سيحصل عليه حال رحيله للخليج، وإدارة الزمالك عاوزة تجدد لزيزو وبعدين تفكر في اي حاجة بعد كدة ، سواء إعارة أو بيع في الصيف".
المصدر: صدى البلد
كلمات دلالية: الزمالك زيزو أبراهيم عبد الجواد المزيد
إقرأ أيضاً:
شرط وحيد لعودة زيزو إلى نادى الزمالك.. شوبير يكشف
أكد الإعلامي أحمد شوبير، عبر إذاعة "أون سبورت إف إم"، أن نجم الزمالك أحمد سيد "زيزو" أبدى رغبة واضحة في العودة للمشاركة ضمن صفوف الفريق الأبيض، لكن بشرط الحصول على ضمانات واضحة بشأن وضعه داخل النادي.
وقال شوبير، خلال برنامجه الإذاعي: "سألت المقربين من زيزو: هو عنده استعداد يرجع يتدرب مع الزمالك؟ قالولي: من بكره! قلت: طيب ما يروح؟ قالولي: عايز يأمن نفسه، عايز يعرف موقفه ويكون ضامن التعامل معاه".
وأضاف شوبير: "أنا شايف المدرب عاوز زيزو، وزيزو كمان عايز يتمرن، عندك 6 ماتشات في الدوري، وعندك نهائي كأس مصر، وزيزو شئت أم أبيت يمثل 50% من قوة الزمالك الهجومية".
وتابع: "إيه المانع زيزو يتمرن ويدخل الفريق كبروفيشنال؟ الجمهور بيهاجمه؟ يهاجموه.. هو لعيب محترف، يلعب ويستحمل، واللي بيهاجموه هيشوفوه بيلعب كويس وهيتفهوله بعد كده".
واستطرد: "أنا جبتلك أرنولد، هو اللي سجل هدف لفريق ليفربول وقربهم من الدوري، وكاراجر طلع هاجمه لكن هو بيلعب وبيجيب أجوان. زيزو سجل هدف الفوز في سيراميكا وصعد بالزمالك لنهائي الكأس، فليه متستفيدش منه للآخر؟".
واختتم شوبير: "أنا بتكلم شغل بروفيشنال.. اللاعب عايز يلعب، والمدرب محتاجه، والجمهور عايز يشوف نتائج، يبقى الحل بسيط: خليه يشتغل".
بتوجيهات محمد بن راشد.. «دبي الإنسانية» تغيث غزة بـ 56.8 طن إمدادات طبية