كلام كولر إني المهاجم رقم 3 كان صعب عليا.. تصريحات كهربا مع إبراهيم فايق
تاريخ النشر: 21st, January 2025 GMT
قام محمود كهربا لاعب الأهلي السابق ،بالتعبير عن استيائه من كولر المدرب الفني للفريق بسبب توتر علاقته به بعد قدوم موديست .
وهذه بعض تصريحات كهربا لـ الكورة مع فايق:
_كنت ماشي كويس مع الأهلي حتى قدوم موديست للفريق بقرار من كولر
_أنا عاطفي والتعامل النفسي مهم جدا وبيفرق معايا
_ساعدت موديست كثيرا لكن كنت شايف نفسي إني أحسن لأني كنت بتمرن كويس
_أنا لاعب ماتشات والبدني بتاعي بيزيد أكثر من التدريبات
_نفسيا لو أنا مش أفضل حاجة ممكن اتعرض للإصابة
_اتكلمت مع كولر كثير عن المشاركة لكن كلامه معايا مأقنعنيش
_علاقتي كانت جيدة مع كولر لكنها تغيرت تماما بعد قدوم موديست
_وسام أبو علي قريب مني جدا وساعدته في بدايته مع الأهلي
كان نفسي ألعب ولو ربع ساعة واحنا كسبانين لكن كولر مش شايفني
_كنت بقول لكولر اتعامل معايا نفسيا أفضل وعلاقتي معه توترت مؤخرا
_كلام كولر إني المهاجم رقم 3 كان صعب عليا.
_كولر قالي إنك هتبقى رقم 3 بيني وبينه قبل فرح شقيقتي
زعلت من كولر إنه قال إني رقم 3 أمام الرأي العام
_لو تكرر موقف فرح شقيقتي مرة أخرى سأكرر نفس الموقف الذي قمت به
_أبويا وأمي وأختي وأخي دول بس اللي ممكن اعمل أي حاجة علشانهم
_اللي ملوش خير في أهله ملوش خير في حد
_ابتعادي عن المشاركة في الفترة الأخيرة كان تقصير مني
_كنت عايز بس أكون في الصورة حتى لو وسام بيشارك ومتألق
الأهلي بيتي والرحيل عنه صعب بالنسبة لي
_هتعب نفسيا وهحتاج وقت علشان استوعب رحيلي عن الأهلي
محدش يعرف إني مشيت ليه من الأهلي غير اللي عارف اللي فيها
المصدر: صدى البلد
كلمات دلالية: محمود كهربا موديست كولر فايق وسام أبو علي الأهلي المزيد
إقرأ أيضاً:
خالف التعليمات.. موقف الأهلي بعد تصريحات حمزة علاء وقرار منتظر تجاه الحارس الصاعد
سادت حالة من الاستياء داخل النادي الأهلي تجاه الحارس حمزة علاء بعد التويته التى نشرها عبر صفحته الرسمية على مواقع التواصل الاجتماعى .
ونشر حمزة علاء عبر حسابه على انستجرام: «يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ».
وتابع: «رسالة لجماهير النادي الأهلي الغالية، حابب أوضح حاجة مهمة بخصوص الكلام اللي اتقال عني في الإعلام مؤخراً، واللي بيقول إني رفضت أقعد مع إدارة النادي أو الناس المسئولة في النادي اللي أتشرف بالانتماء ليه منذ طفولتي وحتى الآن. الكلام ده كله مش حقيقي ومفيش منه أي حاجة صح».
وأضاف: «أنا عمري ما اتأخرت عن أي اجتماع يخص مصلحة النادي، وبحترم كل شخص مسؤول في الكيان ده، وموجود دايماً علشان أسمع وأتكلم في أي وقت يتطلب كده».
واستكمل: «النادي ده ليه مكانة كبيرة عندي، و كل يوم بفتخر إني بلبس التيشرت بتاعه، وبحس دايماً بدعمكم اللي لا يقدر بثمن، واللي هو الدافع الحقيقي في كل يوم ليا في نادينا العظيم».
وأشار: « الجمهور النادي الأهلي، أنتم ليكم فضل كبير جداً جداً عليا، و أنتم سبب كبير جداً و رئيسي في اللي وصلت له، مستحيل أنكر عمرهم ما كانوا عاديين، وأنا شايل ليكم تقدير وحب كبير فوق ما تتخيلوا، و بعتقد أن أنا حبي للنادي و للكيان ملوش حدود».
واختتم: «عمري ما أقدر أغلط ولا في النادي ولا في جمهوره ولا في أي مسؤول داخل النادي، و أنا مش الشخص اللي يكون له موقفه مع النادي، فأنا أتشرف بالانتماء ليه و لجماهيره».
وأوضحت مصادر داخل النادي الأهلي أن الحارس لم يلتزم بالتعليمات الصادرة من محمد رمضان المدير الرياضى ومحمد شوقى نائب المدير الرياضى بعدم الحديث فى وسائل الاعلام والالتزام بالصمت فى تلك المرحلة .
وأشارت المصادر إلى أن اللاعب أثار غضب الجماهير تلك الثنائى محمد رمضان ومحمد شوقى ومن قبلهما ادارة النادي بعدم الجلوس معه والتفاوض على تجديد تعاقده .
وأوضحت المصادر أنه من المتوقع أن يتم فرض عقوبة مالية على الحارس لعدم الالتزام بتعليمات الجهاز الاداري والرياضى للفريق .
ارتفاع درجات الحرارة على جميع الأنحاء اليوم مع رياح مثيرة للأتربة