“حسيت الناس بتطبطب عليا”.. محمد حماقي يتحدث عن أغنيته لوالده الراحل

متابعة بتجــرد: أحيا النجم المصري محمد حماقي الحفل الختامي لمهرجان قرطاج الدولي بدورته الـ52 بحضور حشد من جمهوره ومحبيه في تونس.

وخلال المؤتمر الصحفي الذي عقد على هامش المهرجان كشف محمد حماقي عن كواليس أغنية “ما بلاش”، التي طرحها عام 2016، وكانت تعبر عن حزنه الشديد لرحيل والده عن دنيانا، حيث قال: “مكنتش عايز من البداية أستنزف مشاعر الناس ولا إن الناس تتعاطف من قبل ما تسمع عشان تحب الأغنية، دي مش طريقتي، واحتفظت بما في داخلي لنفسي، وقدرت أقوله بعد حوالي سبع سنين بعد ما مبقاش فيه شبه استعطاف للناس”.

وأردف قائلاً: “أنا محستش بفرحة ولكن حسيت إن الناس طبطبت عليا، عارف لما تضعف جدا وتلاقي حد بيطبطب عليك وحاسس بيك، هو ده اللي أنا حسيت بيه إني لما عبرت عن وجعي بالأغنية ولقيت كل الناس متعاطفة حسيت كأن الناس بتطبطب عليا، استقبال الناس كان مختلف وحسيت إن الناس في ضهري وحاسين بيا”.

وتابع حماقي: “ليا واحد صاحبي مخرج اسمه ميدو شعبان كلمني يوم نزول الألبوم ووقف عند أغنية ما بلاش وسألني قالي هي الأغنية فيها حاجة؟ أنا مش حاسس إنها أغنية حاسس إنها أشبه بترتيلة أو بصلاة فيها حاجة روحانية زيادة عن الأغاني، وقولتله كلامك أثر فيا وحكيتله سبب الأغنية قالي وصلني الإحساس وأنا بسمع الأغنية من غير ما أعرف وأظن إن ده اللي وصل للناس”.

وأضاف حماقي: صدق مشاعرك في الغنا أسرع وأسهل طريقة لوصول الأغنية للجمهور، كل ما كنت صادق في اللي بتقوله كان الوصول للناس أسهل، ودي مدرستي في الغنا، مش بغني من دماغي أنا بغني من مشاعري ومن جوا ولازم أبقى مصدق”.

View this post on Instagram

A post shared by Mohamed Hamaki Fan???????? (@for.hamaki)

main 2023-08-20 Bitajarod

المصدر: بتجرد