حسام داغر يحيي الذكري السنوية الخامسة لوالدته بكلمات مؤثرة

أحيا الفنان حسام داغر عبر حسابه بموقع تبادل الفيديوهات والصور إنستجرام، الذكري السنوية الخامسة لوفاة والدته بكلمات مؤثرة.

ونشر حسام داغر صورة لوالدته معلقا: «النهاردة الذكري السنوية الخامسة لوفاة والدتي ست الكل حبيبتي.. ببص على ملف الصور بتاعتنا سوا على موبيلي لقيتني بشوف نفس الصور هي هي من 5 سنين.. طبيعي لإن الصور مش بتزيد من وقتها وًالملف هو هو.

. قربت احفظ كل الصور من كتر ما بتفرج عليها وبشوف ماما حبيبتي لما كانت لسه معايا وحواليا وبحكيلها كل حاجه وبشوف ذكرياتنا سوا في كل مكان رحناه سوا».

وأضاف: «للأسف الصور مبتزيدش.. لأنها راحت خلاص.. لو كنت اعرف كنت اتصورت معاكي أكتر كتير وصورتك فيديوهات وانتي بتحكي معايا وتنصحيني.. كنت صورتك وانتي بتضحكيني وتضحكي من كلامي».

وأضاف داغر: كنت صورت ضحكتك وطيبتك اللي الناس كلها كانت عارفاها علشان اللي ملحقش يعرفك على الأقل يشوف روحك من الفيديوهات دي وانتي بتتكلمي وتضحكي وتهزري مع صحابي زي عادتك.. كنت صورتك وانتي بتحكي عن عيلتنا بكل فخر وحب وعندك حواديت كتيرة عنها و كنتي فاكراها صم.. يا ريتني صورتك كتير.. كان زمان ملف صورنا فيه صور متتعدش وتونسني لما احب اقعد معاكي.. لكن للأسف الصور في الملف هي هي.. والصور مش هتزيد تاني خلاص».

عرض هذا المنشور على Instagram

‏‎تمت مشاركة منشور بواسطة ‏‎Hossam Dagher‎‏ (@‏‎hossam.dagher‎‏)‎‏

المصدر: الوطن