تامر حسني لحسام حبيب: اوعدني قدام الناس إنك ترجع تاني

أعرب الفنان تامر حسني عن تقديره لكلمات الفنان حسام حبيب التي وجهها له وللنجم رامي صبري، بعد نجاح أغنيتهما الجديدة “فعلا مبيتنسيش”، وقام تامر بإعادة نشر رسالة حسام عبر خاصية القصص القصيرة على حسابه الرسمي بموقع "إنستجرام"، مرفقة بتعليق يشجعه فيه على العودة للساحة الفنية.

وكتب تامر حسني في رده:
"حبيبي يا حسام إيه الكلام الجميل ده، طول عمرك محترم وإنسان نضيف وفنان كبير، لو استفزناك بجد يلا ارجع زي الأول وأكتر، ارجع متعنا بأغانيك الراقية الجميلة والمزيكا الأجمل، لأن ليك جمهور كبير بيستنى شغلك وأكيد ليهم حق عليك يلا صفحة جديدة مع مشوارك من النهاردة، يلا اوعدني قدام الناس إنك ترجع تاني".

وقد جاء رد حسام سريعًا ومختصرًا حيث كتب:
"أوعدك يا نجم الجيل".

حسام حبيب يثني على تامر حسني ورامي صبري: "جيل جامد قوي"
وكان حسام حبيب قد وجه رسالة شكر إلى كل من تامر حسني ورامي صبري عبر "إنستجرام"، حيث أشاد بنجاح أغنيتهما الأخيرة قائلاً:
"أنا بكتب كلمتين من قلبي مش عارف هي مباركة ولا شكر ولا درس وبداية جديدة لجيل أنا فخور إني أكون منه، تامر، انت من زمان وأحلامك وأفكارك كانت دايما تخص جيلك ودائمًا كنت بتتكلم معانا باسم جيلنا مش باسمك فقط. فهمت النهاردة إنك نجم حلم لجيله مش لنفسه، وحلمك بيتحقق."

كما عبر حسام عن فخره بـرامي صبري قائلًا:
"رامي أخويا وصاحب أجمد صوت وإحساس، حلمه كان دايمًا جمع الجيل ده وتقديم فن صادق للناس. النهاردة حققتوا ده في أغنيتكم اللي مش بس كانت إبداع في الموسيقى، لكن في الروح والفكر كمان."

وختم حسام رسالته بتوجيه الشكر لهما قائلًا:
"أنتم فرحتوني وأمتعتوني وخليتوني أفتخر إني من الجيل ده، شكرا إنكم فتحتم نفسي ورجعتوني أحب المزيكا يمكن أكتر من الأول. أنتم فعلاً متتنسوش."

فعلاً مبيتنسيش

أغنية "فعلا مبيتنسيش" تحصد إعجاب الجمهور
يذكر أن أغنية "فعلا مبيتنسيش" تم طرحها مؤخرًا عبر قناة تامر حسني على موقع "يوتيوب"، وحققت صدى واسعًا بين الجمهور، الأغنية من كلمات عمرو تيّام، ألحان شادي حسن، توزيع طارق توكل، وإخراج تامر حسني.

المصدر: صدى البلد