منة فضالى تكشف حقيقة بتر قدمها.. تفاصيل

استنكرت الفنانة منة فضالى ما تردد حول بتر ساقها وهو الأمر الذى تسبب فى حالة ازعاج شديد لها ولأسرتها ما دفعها للرد بقوة على كل من أصدر لهذه الشائعة.

وقالت منة فضالى عبر حسابها على موقع التواصل الاجتماعى إنستجرام  : “يعني أما اصحى علي خبر زي ده المفروض اعمل ايه صفحة غريبة مغمورة وخبر غريب برضه ايه الهيافة والهبل ده علشان حد يعبركم وتعملو مشاهدات تكتبو خبر زي ده منكم لله”.

 

View this post on Instagram

A post shared by Menna Fadali ???? (@manoushafadali)

مرض والدة منة فضالى 

وفاجأت منة فضالي، جمهورها بالكشف عن إصابة والدتها بالسرطان، خلال منشور عبر حسابها الشخصي بمنصة "إكس".

وكتبت منة فضالي، "سنة كان فيها الحلو والوحش برضو بس دايما بقول الحمدلله علي كل حاجة تيجي بس دايما لازم يكون عندنا امل في الحياه مهما كان اللي بنمر بي دايما نقول يا رب و ربنا كبير ممكن ظروفنا مش شبه بعض وحياه كل شخص غير التاني بس في الاخر كلنا واحد واحنا اللي بنغير و بنختار حياتنا اللي احنا عاوزنها".

وأضافت منة فضالي: "اللي عاوزه اقولو من كل ده ان مفيش حاجه حتتغير غيرنا احنا بنموت و بيتولد غيرنا في مجتمع و تفكير تاني غيرنا نحاول نحمد ربنا علي اي حاجه ربنا مديهالنا أنا ب البنسبالي كانت سنه فيها شغل اه و سفر و حاجات كتير".

وتابعت: "بس كان فيها اوحش حاجه اني أمي جالها سرطان و عشت فتره صعبه برغم انها كانت في المستشفي كنت بصور في نفس الوقت و مكنتش بنام يعني في الاخر الحمد لله علي كل شئ".

وقالت: "كل سنه وانتم طيبين و سنه سعيده عليكم يا رب و علي كل أحبابكم وكل اللي نفسه في حاجه تتحقق يا رب شكرا لكل حد وقف جنبي او ساعدني من بعيد او قريب".

واختتمت "شكرًا لكل الناس اللي اشتغلت معاهم و يا رب دايما اكون عند حسن ظنكم في شغلي شكرا لجمهوري و الفانز و الإعلاميين و كل الناس اللي بتشجعني دايما".

ومن جهة أخرى، تشارك الفنانة منة فضالي، في رمضان 2025، في بطولة مسلسل "سيد الناس"، مع نجم العمل عمرو سعد، والمخرج محمد سامي.

المصدر: صدى البلد