أحمد الفيشاوي يوثّق حالة منزل والدته بعد الحريق
تاريخ النشر: 13th, January 2025 GMT
متابعة بتجــرد: نشر الفنان أحمد الفيشاوي على صفحته الشخصية بموقع التواصل الاجتماعي “إنستغرام”، مقطع فيديو مصور من داخل شقة والدته الفنانة سمية الألفي، كشف من خلاله عن تفاصيل حالة المنزل، بعد مرور ثلاثة أشهر على الحريق الذي نشب به، مشيرًا إلى أن المنزل كان قد احترق بالكامل، لكنه عاد الآن إلى حالته السابقة وأصبح أجمل مما كان عليه.
وعلق الفيشاوي على منشوره وكتب:”من تلت شهور بيت أمى الفنانة القديرة سمية الألفى اتحرق كلياً ودلوقتى هي دى النتيجة.. حمد الله على سلامتك يا حبيبتى وعلى سلامة عمر الفيشاوى أخويا وحبيبى بسم الله الرحمن الرحيم “و عسى أن تكرهوا شيئاً وهو خيرٌ لكم صدق الله العظيم”.
جدير بالذكر أن أخر أعمال الفيشاوي فيلمه “بنقدر ظروفك”، ويشاركه البطولة مي سليم، نسرين طافش، محمود حافظ، محمد محمود، عارفة عبد الرسول، إبرام سمير، طاهر أبو ليلة، يوسف وائل نور، يوسف الأسدي، ومن إنتاج وتأليف سمير النيل، وإخراج أيمن مكرم، ويناقش غلاء الأسعار وتأثيرها على الفقراء الذين يعجزون عن التكيف مع هذا الوضع الاقتصادي الصعب.
View this post on InstagramA post shared by Ahmad AlFishawy (@fishawyofficial)
main 2025-01-13Bitajarodالمصدر: بتجرد
إقرأ أيضاً:
سمير فرج يرد على ترامب ويكشف تفاصيل المساعدات الأمريكية مع أحمد موسى| بث مباشر
حل اللواء سمير فرج المفكر والخبير الاستراتيجي، ضيفاً على الإعلامي أحمد موسى، في حوار خاص عبر برنامج «على مسئوليتي» المذاع على قناة «صدى البلد»ـ ليرد فيه على مخطط الرئيس الأمريكي دونالد ترامب، ويكشف عن تفاصيل المساعدات الأمريكية.
رد الإعلامي أحمد موسى، على تصريحات الرئيس الأمريكي دونالد ترامب، حول تهجير الشعب الفلسطيني والسيطرة على قطاع غزة، مؤكدا أن ترامب يُريد جعل غزة قاعدة أمريكية كُبرى في الشرق الأوسط.
وقال «موسى» خلال تقديم برنامجه «على مسئوليتي» المذاع على قناة «صدى البلد»، إن المساعدات العسكرية الأمريكية ليست ضمن اتفاقية السلام، إحنا فيه شراكة استراتيجية بين البلدين ولا أمريكا هتستغنى عن مصر ولا مصر هتستغنى عن أمريكا، باختلاف الرؤساء.
وتابع أحمد موسى: «إحنا متعودين على الضغوط الأمريكية، والإبتزاز، لكن مش قابلينهم، والمساعدات اللي بيعطوها إلينا غيروا أسمها وبعدين مبقتش تيجي، إحنا في سنة 7 مليار دولار خسارة قناة السويس ولا تراجعنا خطوة».
وأضاف : «إحنا دولة كبيرة وشعب عظيم، لـ أمريكا أولوية في عبور قناة السويس، إحنا نتعاون مع بعض من غير ضغوط، ليه تعمل مدة وتتغط علينا إحنا مش هنسيب أرضنا، ولا الرئيس ولا الشعب ولا الجيش يقدر يسيب 1 سنتيمتر، شهدائنا يقولوا ايه، مهما عمل ترامب مش هنسيب 1 سنتيمتر».
وأردف أحمد موسى: «مصر مش بتخاف غير من ربنا، ورئيس مصر مش بيخاف غير من ربنا، واللي أعرفه ومتأكد منه أن مفيش واحد هيسمح بكدة مهما حصل، كفاية إحنا عندنا ضغوط عظيمة، خلينا نحافظ على السلام كفاية ضغوط على شعبنا وجيشنا».
وواصل: «دي بلد لازم الكل يحترمها، اللي يتكلم عنها لازم يتكلم عنها بتقدير واحترام، مش رضى أمريكا هيودينا الجنة، حصل ايه قبل كدة وهتفضل مصر قوية وعظيمة، ولن تتراجع عن الثوابت التاريخية، شوفتوا بيان الخارجية إمبارح بيتكلم عن القدس الشريف اللي بيتكلم عن عاصمة الدولة الفلسطينية، ولسة نتنياهو مجرم الحرب لسه بيقول إحنا مستعدين لكل السيناريوهات».
وعقب أحمد موسى: «بالمناسبة مفيش سلام، هما مش عايزين سلام، خد غزة علشان يدورها ويحولها لقاعدة عسكرية وهما كده عايزين سلام، من سنة قولت الكلام ده بيتعمل النهارده، مكنوش رايحين يستكشفوا الأجواء، غزة هتتحول لأكبر قاعدة عسكرية أمريكية في الشرق الأوسط».
واختتم أحمد موسى: «هذا هو المخطط الأمريكي، وكلنا على قلب رجل واحد، كبير وصغير وأخطر تحديات موجودة جاية، مش هنخلي المخطط ده يمشي وعلى جثثنا كلنا، ومصر تدينا حصة ده كلام، وده مش كلام سياسة ده كلام لن نسمح بيه على الإطلاق، ولن نقبل من ترامب ولا غيره يتكلم عننا كده، إحنا كنا فاكرين الراجل هيعمل سلام زي الفترة الأولية، لكن ظهر الوجه الحقيقي، يا عالم يا عرب خلوا بالكم الجميع إيد واحدة ولا يخاف أبدًا قوتنا أننا نكون مع بعض، مفيش حاجة أسمها العالم العربي هيقدم تنازلات إحنا أكبر دولة مش هنقدم تنازلات».
واشنطن وافقت.. وزير إسرائيلي بكلام خطير عن الانسحاب من الجنوب!