الفنانة راند البحيري تحرر محضرا ضد طليقها.. تفاصيل

تقدمت الفنانة راند البحيري، ببلاغ لـ رئيس نيابة وسط القاهرة، تتهم فيه طليقها بتزوير واستعمال محرر بقصد تضليل العدالة و الإضرار بها.

الفنانة راند البحيري تحرر محضر ضد طليقها

وكانت راندا البحيري كشفت أسباب ابتعادها عن الوسط الفني لمدة سبع سنوات ماضية ، وذلك بعد نجاحها في العديد من الاعمال الفنية.

ووجهت راندا البحيري، رسالة عبر صفحتها الشخصية على موقع التواصل الاجتماعي فيس بوك لنقيب المهن التمثيلية قائلة: "السيد نقيب المهن التمثيلية تحية طيبة وبعد.

. هذا ليس بيان شجب ولا شكوى ولا أي شيء آخر.. كل ما في الأمر عرض موضوعي على حضراتكم، لقد حُربت وتم منعي من العمل بدون إبداء أسباب وبالفعل بعد أكتر من بروفة لأكتر من عمل وأكتر من محاولة لدخولي أعمال فنية بلاقي نفسي فجأة اتشالت منها ومش فيها والعمل بيكمل من غيري ،الكلام ده بيحصل بالظبط بقاله أكتر من 7 سنوات وبيحاولوا فيه بقالهم أكتر من 13 سنة بمساعدة أحد الأشخاص خارج المجال الفني، وليس هذا صلب الموضوع أبدًا.

وأضافت البحيري: أنا بتعرض بقالي 4 سنين دلوقتي لضغط لا يمكن لواحدة ست تقدر تتحمله لوحدها، أنا مشتكتش ولا خليت شكل الفن والفنانين وحش والتزمت الصمت وبقالي سنين بحاول أشتغل في مشاريع، وفيه منها اللي ربنا كرمني فيه ومنها اللي علشان عدم خبرتي الكبيرة آنذاك اتنصب عليا، كنت طول عمري شخص ماشي صح جدا فيما يخص الأوراق وحق الدولة وضرائبي كلها مدفوعة من 2004 يعني بقالي 20 سنة بدفع الضرائب".

 

تابعت :" وأظن لو أنا شخص مش ماشي صح مع الضرائب كان من زمان هتلاقي حد قال راندا مدفعتش أو معملتش أو كذا وكذا، ومحدش أصلا يقدر يشكك في حبي لبلدي الشديد ووطنيتي وفي نزاهتي الحمد لله رب العالمين ، اكتشفت من فترة أنهم حاطين عليا ضرائب جزافية بالرغم من أني مبشتغلش في التمثيل أصلا، وكل ما اكلم حد في المبنى بيقولي أصل الممثلين كلهم حصل معاهم كده مش أنتِ بس، طب أنا بتكلم عن نفسي اتكلمت مرة واتنين كلمت نقيبي أشرف زكي، وهو أداني نمرة تليفون المختصة عن الممثلين أمام الهيئة العامة للضرائب، بحيث إنها تفهمهم وقالي إن الموضوع ده هيخلص لأن الممثلة دي حاليًا لا تعمل بالتمثيل، فمش هينفع إننا ندفعها فلوس قديمة هي أصلا دفعتها قبل كده.

واختتمت راند البحيري : فوجئت بعد ما المبلغ خلص أولًا بـ مبنى القيمة المضافة بيكلمني عايز يدفعني غرامة بالرغم من أنهم وعدوني مفيش غرامات.. والغرامة دي أكتر من المبلغ نفسه اللي بقسطه بقالي سنتين، ثم اتصال من كذا مأمور ضرائب عامة طالبين مني فحص كل سنين العمل اللي اشتغلتها، أفحص 2006 اللي ورقها بقى لونه أصفر؟، وطالبين أني أدفع من 2006 لحد 2024 يعني 18 سنة ضرايب أنا دافعاهم أصلا قبل كده، قولتلهم أنا دفعت ده، قالولي مينفعش، قولتلهم إيه هو اللي مينفعش؟، قالولي أصل إحنا واخدين تعليمات أن كل الممثلين يدفعوا أزيد من اللي دفعوه، قولتلهم التعليمات دي منين؟ محدش رد، قالولي كده كده هتدفعي حتى لو دفعتي قبل كده، مع الضغط عليّ اضطريت أني أعمل جلسات مع الضرايب لحد ما كل الناس هناك بقوا يشوفوني يوميًا وبجد فيه ناس تعاطفت جدا مع موضوعي لأنهم بالفعل شايفيني دفعت قبل كده، إلا مختصة الحجز كل يوم بتكلمني وتقول: أنا هحجز عليكي.

 

 

المصدر: بوابة الوفد