"هعمل اللي بحبه".. أحمد سعد يسرد حكايات ألبومه الجديد
تاريخ النشر: 13th, January 2025 GMT
طرح الفنان أحمد سعد برومو مشوّق لألبومه الجديد “حبينا” المقرر طرحه خلال يناير الجاري، عبر موقع الفيديوهات الشهير يوتيوب و مختلف المنصات الموسيقية .
فيلم قصير.. دعايا ألبوم أحمد سعد الجديدتمثلت المرحلة الدعائية لألبوم أحمد سعد حبينا" لقطات أبه بالفيلم القصير، وهو يحكي عن مشوار تحقيق أحلامه منذ الصغير والتحديات التي واجهته للوصول لمكانته الحالية
بدأ أحمد سعد المقطع قائلًا:"حاجة جميلة أوي يكون عندك حلم، والأجمل من كده أنك تحققه، طول عمري أحلامي ملهاش سقف بطول السما، وأنا صغير كنت بحب المزيكا أوي، كنت بشوف كل حاجة ألحان حتى الكلام كنت بشوفه لحن".
واستكمل: "كان إخواتي بيستغربو وأنا صغير إزاي طفل يحفظ الحاجات التقيلة دي، كنت بسمع مشايخ وأم كلثوم وعبدالوهاب وكنت بسأل نفسي هتغني إيه فيهم، كنت بسمع كل أنواع الموسيقى، كنت بدوّر على شكل الناس تشوفني فيه. واتصدمت أول صدمة عندما علمت أن الطريق ليس سهل، محتاج الناس تحبني، وفضلت أسعى وأسعى وأعمل أشكال جديدة في المزيكا بحبها، ولكن لم تكن كل الناس تحبها
وأضاف " قعدت 15 سنة أجرّب بعمل اللي بحبه واللي الناس بتحبه، وأشوف زمايلي بتعمل إيه علشان أشوف اللي الناس بتحبه وأعمله". احترت و مابقتش عارف أعمل إيه ، لحد ما وصلت إن أعمل اللي الناس بتحبه بالطريقة اللي بحبها، وحصل النجاح اللي مجاش بين يوم وليلة. الناس بقت تحبني وتحب أغانيّ، وبقيت ببقى طاير في السما وأنا واقف على المسرح"
واختتم المقطع، قائلًا:"بقت الناس بتغني ورايا وبتقول إيه اليوم الحلو ده، ووسع وسع، وعرفت إن المسؤولية ابتدت وأني محتاج أعمل اللي ناس بتحبه واللي أنا بحبه، وأنا مصدق إن اللي بتحبه من قلبك الناس هتحبه معاك، وهي دي تجربتي. المرة دي هعمل اللي بحبه وهاخد الناس وهطير في السما، الأيام الجاية هتعرفو إيه هي التجربة".
موعد طرح ألبوم أحمد سعد حبينا
من المقرر طرح الألبوم في 15 يناير الجاري، الشهر الذي شهد عدد إصدارات غنائية جديدة محليًا وعربيًا.
كان قد طرح سعد أخيرًا أغنية “بنت ناس” التي حققت اكثر من 7 ملايين مشاهدة عبر يوتيو، وتقول كلماتها "تضحكلي الدنيا في ضحكتها و يسرقني الوقت في قعدتها دي بتاخد العقل بحلاوتها انا مقابلتش اجمل منها تتدلع تختارعلي ذوقها و بسيبها علي راحتها بشوقها عيني بتحسدها علي هدوئها انا مببطلش كلام عنها دي بنت ناس و تختلف عن كل الناس ولو كان للقمر انعكاس هينعكس علي مرايتها دي بنت ناس بجمالها يشهد كل الناس و عيون جميلة مليانه احساس مبشوفش حد في رقتها بيروقلي الجو بروقانها اسمي بيحلو علي لسانها ولا حتي اربعه يملو مكانها لا هي و بس مفيش غيرها بتمزج لما اسمع صوتها بتمزج اوي لما ابسطها و موافق علي كل شروطها مش شايف في الدنيا دي غيرها دي بنت ناس و تختلف عن كل الناس ولو كان للقمر انعكاس هينعكس علي مرايتها دي بنت ناس بجملها يشهد كل الناس وعيون جميلة مليانه احساس مبشوفش حد في رقتها
المصدر: بوابة الوفد
كلمات دلالية: أحمد سعد البوم أحمد سعد أغاني احمد سعد أغاني 2025 کل الناس اللی بحبه أحمد سعد
إقرأ أيضاً:
بسبب شهر رمضان.. رامي جمال يؤجل طرح ألبومه الجديد
رامي صبري.. اسم تصدر الفنان رامي جمال التريند، على مواقع التواصل الاجتماعي، بعدما أعلن خبر أثار به الجدل وهو تأجيل طرح ألبومه الجديد، الذي كان من المفترض أن يطرح الأيام المقبلة، وذلك بسبب اقتراب شهر رمضان.
كتب رامي جمال لجمهوره، عبر حسابه الرسمي على موقع «إنستجرام»: «حبايبي الغاليين كنت وعدتكم انى هنزل الألبوم في أول السنة، بس بصراحة بعد ما خلصت لقيت أن شهرين بالظبط ورمضان جاي، ربنا يبلغنا وإياكم رمضان فقولت أنا عاوز وقت مناسب».
وطرح: «وشوفت إن العيد يعتبر بداية الصيف، ووقت جميل أن الألبوم يلحق يتسمع وقولت برضه، أنا بقالي سنتين بنزل أغاني طول الوقت، فمنها أريح شويه وأركز شوية وبالمرة اوحشكم شوية قولولي عاوزين الألبوم أغاني حزينة أكتر ولا فرحانة أكتر ولا نص ونص».
وطرح مؤخرا النجم رامي جمال عبر قناته الرسمية على موقع «يوتيوب»، أحدث أغانيه بعنوان «حياتي الحلوة»، أغنية حياتي الحلوة من كلمات حسام سعيد، توزيع وميكس وماستر يحيى يوسف، ومن ألحان الملحن الراحل محمد النادي، والذي وافته المنية في شهر يونيو من العام الماضي 2023.
اقرأ أيضاً«حياتي الحلوة».. رامي جمال يكشف عن موعد طرح أحدث أعماله
«ولا بفتكرك».. رامي جمال يطرح أحدث أعماله الغنائية |فيديو
«ولا بفتكرك».. رامي جمال يكشف عن موعد طرح أحدث أعماله | صورة
"آيرينا" تناقش مضاعفة القدرة الإنتاجية للطاقة المتجددة