مصر أم الدنيا

تاريخ مصر هو أطول تاريخ مستمر لدولة فى العالم لما يزيد علي 7000 عام قبل الميلاد. حيث تميزت مصر بوجود نهر النيل الذى يشق أرضها هبة من الله، والذى أُعتبر عاملًا مساعدًا لقيام حضارة عريقة بها، كما تقع مصر بموقع جغرافى متميز يربط بين قارتى آسيا وأفريقيا ويرتبط بقارة أوروبا عن طريق البحر الأبيض المتوسط. وكانت مطمع الطامعين على مر التاريخ والزمان.

‏ قال ملك مصر «رمسيس الثانى» فى وصيته لابنه مرنبتاح ملك مصر القادم قبل ان يموت: أنت يا ملك كيمت القادم، ورثت عن أجدادك مملكة عظيمة لا تغيب عنها الشمس أبدًا، فهى أرض الله المقدسة التى جعلها نورًا للعالم ولا يرضى الله ان تموت أرضه ابدا، حافظ عليها من أعدائها ‏كما حافظ عليها أجدادك من قبل، مصر أرض لا تموت. وشعب لا يندثر ونورها قد يخفت. ولكنه لا يظلم أبدًا.

عندنا مشاكل اقتصادية حادة، أيوه عندنا؟ عندنا مشاكل مزمنة فى التعليم والصحة؟. عندنا غلاء فى الأسعار وتجار جشعين ومستغلين يتلاعبون بقوت الناس؟

حدث ولا حرج.

طيب هل عندك لا قدر الله جيش منقسم ومنشق؟ الحمد لله لأ طبعًا جيشنا كله من أبناء الوطن أخويا وابن عمى وخالى وابنى وأقاربنا وأصدقاؤنا ومعارفنا أبناء بلدى جزء من بلادك محتل؟ الحمد لله برضو لأ.

هل عندك قواعد عسكرية بتنتهك سيادتك على أرضك؟ الحمد لله رب العالمين، مفيش.

سبت بيتك ووطنك وقاعد فى مخيم على حدود أى بلد مستنى طيارة ترمى لك رغيف؟ الحمد لله محصلش. جه شهر عليك مقبضتش؟ لأ الحمد لله، ولادك، مدارسهم وجامعاتهم اتعطلت والسنة الدراسية اتلغت؟ لأ والحمدلله.

هل عندك فتنة طائفية بتحصد كل يوم مئات من دول ودول؟ الحمد والشكر الله لأ مافيش لأننا فى مصر الدين لله والوطن للجميع وكلنا يد واحدة قلب واحد ووطن واحد متحدين على قلب رجل واحد.. هل نمت يوم من غير عشاء؟ الحمدلله الحمد لله مستورة.

أيوا بلدنا بتعانى، وبتمر بظروف صعبة، ودى مش أول ولا آخر مرة فى تاريخ الدول لكنها بفضل الله متماسكة وغير منهارة وهذا يعنى بالبلدى مش أشلاء دولة، بلدك بتبنى وتعمر وتنمو وتزدهر وهى بتحارب إرهابًا داخليًا وخارجيًا وخونة ومأجورين ومرتزقة عايزه تنهش فيها عندنا بلد بيقف لها العالم أجمع احتراما واجلالا، العدو قبل الحبيب، لانهم عارفون كان مخططًا لها تبقى ايه ونجت ازاى، وبقت ايه بفضل الله وجيشها ورئيسها وشعبها وده كاف، بإذن الله إنك تثق فى قيادتك وتدعم قيادتك وتدعم رئيسك وجيشك وشرطتك ضد المخططات الخارجية والداخلية لولا تضحياتهم وبطولاتهم وتفانيهم، الله أعلم كنا هانكون فين الآن، بوس إيدك وش وظهر وقول الحمد لله والشكر لله واوعى تنسى أبدا إن ربنا دايما فى المعادلة مهما أعيتنا السبل ادعموا وادعوا لمصر وجيشها ورئيسا وشعبها وحافظو عليها وتحيا مصر دائما وابدا.

 

المصدر: بوابة الوفد