حاجة روحانية.. محمد حماقي يكشف عن سر في أغنية ما بلاش «فيديو»

كشف الفنان محمد حماقي عن كواليس التحضير لأغنية ما بلاش التي حققت نجاحا كبيرا بعد طرحها في عام 2016، وذلك على هامش المؤتمر الصحفي الذي أقيم قبل حفله الذي يقيمه اليوم ضمن فعاليات مهرجان قرطاج في دورته الـ 57.

وقال محمد حماقي عن تفاصيل أغنية «ما بلاش» في المؤتمر الصحفي: «واحد صاحبي مخرج اسمه ميدو شعبان كلمني يوم نزول الألبوم ووقف عند أغنية ما بلاش وسألني قالي هي الأغنية فيها حاجة؟ أنا مش حاسس إنها أغنية حاسس إنها أشبه بترتيلة أو بصلاة».

وأضاف حماقي: «فيها حاجة روحانية زيادة عن الأغاني، وقولتله كلامك أثر فيا وحكيتله سبب الأغنية قالي وصلني الإحساس وأنا بسمع الأغنية من غير ما أعرف وأظن إن ده اللي وصل للناس».

وتابع: «مكنتش عايز من البداية أستنزف مشاعر الناس ولا إن الناس تتعاطف من قبل ما تسمع عشان تحب الأغنية، دي مش طريقتي، واحتفظت بما في داخلي لنفسي، وقدرت أقوله بعد حوالي 7 سنين بعد ما مبقاش فيه شبه استعطاف للناس».

وأردف: «طول عمري بقول موضوع الغنى بلهجات مختلفة، هو مدارس أنا بنتمي لمدرسة أني أغني بإحساس، ومش بحب أفعل راسي وأنا بغني، أنا بشوف اللي بيغني بلهجة مختلفة هو بيشغل نفسه بلهجة تكون صح ومخارج الحروف فـ ده بياخد جزء من إحساسك، وده السبب اللي يخليني مقدمش أغنية بلهجة تانية، أنا بحب أسمع الغناء التونسي بس من التونسي، والغناء قدام الجمهور التونسي مهمة صعبة مش سهل لازم تكون عامل حسابه ومجهز نفسك».

اقرأ أيضاًمحمد حماقي: الغناء لموسيقار الأجيال محمد عبد الوهاب حلم تحقق

«مش كفاية فراق» لـ حماقي تتخطي المليون مشاهدة على «يوتيوب»

أغنية «حبيت المقابلة» لـ محمد حماقي تتخطى 3 ملايين مشاهدة على يوتيوب

المصدر: الأسبوع