اتغير 360 درجة.. علياء تطلب الخلع في محكمة الأسرة: مش ده اللي أنا حبيته
تاريخ النشر: 7th, January 2025 GMT
وقفت علياء أمام محكمة الأسرة في الكيت كات طالبة الخلع من زوجها بعد خلافات استمرت لمدة 18 شهرا طلبت خلالها الطلاق أكثر من مرة إلا أن زوجها رفض فما كان منها إلا أن لجأت إلى محكمة الأسرة طالبة الخلع منه.
سردت علياء قصتها أمام محكمة الأسرة قائلة إنها تزوجت قبل 4 سنوات من زوجها كريم والذي لم تتضح شخصيته لها قبل الزواج، وكان شخص آخر حتى أنها قالت «اللي أنا عايشة معاه دلوقتي واحد معرفوش ولا عمري شوفته حد تاني غير اللي اتجوزته».
وقالت علياء «كريم اتحول بعد الجواز وبقى شخص تاني كل شوية عصبية وخناقات على حاجات تافهة مبقاش شايفني حلوة، كل شوية شتائم وسب وضرب وأسلوبه بقى غريب جدا، لدرجة أني مبقتش عارفة اتعامل معاه».
وتابعت علياء «افتكرت والعياذ بالله أن حد عاملي حاجة وحشة أو سحر والحاجات اللي بيقولوا عليها لأن الشخص ده مبقاش هو اللي حبيته واتجوزته، اتحول 360 درجة ومبقاش هو كريم، الخناقات بيني وبينه بقت على كل كبيرة وصغيرة».
أكملت علياء «في النهاية أنا تعبت من المشاكل دي وبالذات في أخر سنة ونص لما الخناقات بيني وبينه كترت بشكل مستفز ومبقتش عارفة أعيش معاه وساعتها طلبت الطلاق منه أكتر من مرة لكنه كان بيرفض وبيقول مفيش طلاق».
اختتمت علياء حديثها قائلة «في المرة الأخيرة قامت بيني وبينه خناقة بسبب هدوم وحاجات هبلة جدا وطردني من البيت وروحت عند أهلي وبعت له رسالة أنه يطلقني ولما رفض روحت محكمة الأسرة طلبت الخلع منه».
المصدر: صدى البلد
كلمات دلالية: الطلاق زوج الكيت كات خلع محكمة الأسرة المزيد محکمة الأسرة
إقرأ أيضاً:
زوج أمام محكمة الأسرة: «مراتى بتحكي لأمها حاجات أخجل كراجل أحكيها»
أقامت سيدة في نهاية العقد الثالث من عمرها دعوى طلاق للضرر أمام محكمة الأسرة، وقالت في أسباب دعواها إنها ترفض العيش مع زوجها بسبب «أفعاله الغريبة».
أصرت المدعية على موقفها أمام الأخصائيين الاجتماعيين والنفسيين بمكتب المنازعات الأسرية بمحكمة الأسرة، في حين أن الزوج أبدى اعتراضه، موضحًا أن سبب وصول زوجته للمحكمة بناء على رغبة والدتها التي تتحكم في كل أمورهما منذ زواجهما.
وبعد مرور المدة القانونية لنظر طلب المدعية أمام مكتب تسوية المنازعات الأسرية، أقامت دعواها أمام محكمة الأسرة.
وقال المدعَى عليه: «أعمل في مجال التجارة، وتعرفت على زوجتي عن طريق أحد أقاربي، وتقدمت لخطبتها ورحبت بيا عائلتها وبعد 5 أشهر من الخطوبة تمت الزيجة، وعقب الزواج وجدت حماتي تعلم كل شيء عننا، حتى هناك تفاصيل أخجل كرجل روايتها كانت ترويها لأمها عن علاقتنا الزوجية».
وأضاف خلال نظر محكمة الأسرة دعوى الطلاق للضرر: «تحدثت مع زوجتي وطلبت منها إنها تحافظ على أسرار بيتنا، ولا تفتح المجال لوالدتها بالتدخل فيما لا يعنيها، حتى لا تكبر أي مشكلة تواجهنا خصوصًا في بداية حياتنا، لحد ما نتعود على طباع بعض».
وتابع المدعى عليه أمام محكمة الأسرة: «زوجتي ضعيفة الشخصية، بمجرد ما والدتها تطلب منها أن تحكي لها ما يحدث في بيتنا، بتقول لها على كل حاجة وبتخاف تخبي عليها أي شيء، ولما واجهتها أكتر من مرة، كان ردها إن في أمور لسه جديدة عليها، وأن والدتها بتنصحها مش أكتر».
وذكر الزوج: «تكلمت معاها كتير دون جدوى، وطلبت من والدها إبعاد حماتي عن طريقنا قالي (مش هقدر، إلا أن حماتي عاندت معايا، وقالت لي مش هتاخد الدهب إللي أنت جايبه، وهلففك في المحاكم، واتفاجأت إنها رفعت دعوى طلاق للضرر ضدي وادعت عليَّ حاجات كتير مش حقيقية».
المصري اليوم
إنضم لقناة النيلين على واتساب
صفقة بوبو.. كيف تحولت وجهة اللاعب من المصري إلى سيراميكا كليوباترا في اللحظات الأخيرة