تعرضت لهجوم شرس.. القصة الكاملة لأزمة مي فاروق بعد زواجها ونجوم يدعموها
تاريخ النشر: 6th, January 2025 GMT
حالة من الجدل الواسع انتابت الوسط الفنى بسبب الهجوم الشرس الذى تتعرض له الفنانة مي فاروق بعد زواجها من الفنان محمد العمروسى، وهو الأمر الذى دفعها للخروج عن صمتها كما دعمها عدد من المبدعين.
هجوم على مي فاروقجاء الهجوم على مي فاروق بسبب زواجها من محمد العمروسى حيث عبر البعض عبر السوشيال ميديا بطريق غير لائق على زواجها وانتقدوا إقامتها حفل زفاف خاصة أنها كانت متزوجة من قبل، ولديها أولاد.
وقررت مي فاروق الخروج عن صمتها والرد بقوة على كل منتقديها، معلقة أنها اختارت الفرح والسعادة دون الالتفات إلى الآراء السلبية.
وفي مداخلة هاتفية مع الإعلامي عمرو أديب خلال برنامجه "الحكاية" على قناة "MBC مصر"، أوضحت مي قائلة: "أنا اتجوزت وعملت حاجة حلال، وكل اللي حضروا كانوا فرحانين وبيدعولي بالسعادة، ولادي كانوا مبسوطين وكل حاجة كانت مليانة حب وفرحة".
وتحدثت مي عن تعاملها مع الانتقادات بقولها: "مش عارفة إذا كان عندي أعداء، لكن أنا علاقتي بكل الناس طيبة، في الآخر، كل شخص حر في رأيه وأنا مش هرد على كلامهم".
كما أوضحت قرارها بإعلان الزواج علنًا قائلة: "أنا طول عمري بحاول أعمل كل حاجة بشكل صحيح، ويوم ما قررت أتجوز كنت عايزة أفرح قدام الناس كلها، مفيش أي مشكلة في ده، وأعتقد إن السعادة لازم تتشارك".
وردت على الجدل حول أطفالها قائلة: "الناس بدأت تحلل رد فعل ولادي، بس أحب أقول إن ولادي أهم حاجة في حياتي، لو ما كانوا مش راضيين أو مش مباركين للزواج ده، مكنتش أخدت الخطوة دي أصلاً".
بينما دعم مي فاروق عدد من النجوم منهم ريهام حجاج التى كتبت عبر صفحتها على موقع التواصل الاجتماعى فيسبوك قائلة : “ليه بنكسر فرحة ست محترمة و جميلة يوم فرحها و نحرم حلال ربنا و بنتدخل في حياتهم و نتطاول عليهم….ليه؟ ليه بجد؟ ليه باقينا كدا؟ .. إيذاء الناس من الكبائر للي ناسي،و أفعل يا أبن آدم ما شئت فكما تدين تدان”.
بينما جاء رد شريف مدكور عبر فيسبوك قائلا : “ألف ألف مبروك سيبك من المجتمع و كلام الناس المريضة وانبسطي بجوزك وأولادك”.
أما الفنانة بدرية طلبة قررت أن تدافع عن مي فاروق بطريقتها الخاصة قائلة : "هي مي فاروق غلطت في أيه ؟عندها 41 سنة وتقولولها احترمي سنك؟ دا فيه بنات في سنها ولسه متجوزوش أصلا وبعدين لو على احترمي سنك يبقي تحترمي انتي سنك يا اللي كتبتي التعليق ده عملت فرح ماتعمل يمكن مفرحتش قبل كدا وربنا بيعوضها بتستكترو الفرح عليها ليه؟».
وأضافت بدرية : عيالها كبار؟ كويس يعني فاهمين وواعين وراضيين والا انتو شوفتوهم لابسين مقطع وبيعيطو على جنب؟ دول كانو فرحانين وبيشاركوها فرحتها والا أنتي ياللي كتبتي التعليق دا الحنية بتخر منك وأحن على العيال من أمهم؟ مش عاجبك أنها لابسه فستان وطرحة؟ ما تلبس اللي نفسها فيه».
وتابعت بدرية :أتقوا الله في نفسكم لا فرح عاتقنا ولا في حزن راحمنا ناس مريضة وفاضية متعرفوش ربنا ياتحسدو وتحقدو ياتطلعو الغل اللي جواكم في التعليقات».
المصدر: صدى البلد
كلمات دلالية: مي فاروق الفنانة مي فاروق الفنان محمد العمروسى المزيد
إقرأ أيضاً:
مي فاروق: ولادي نمر وان فى حياتي والناس متعرفش عني حاجه
ردت مي فاروق على الانتقادات التى تعرضت لها هي وزوجها محمد العمروسي، أثناء حفل زفافهم، وذلك خلال مداخله هاتفيه مع الإعلامي عمرو أديب في برنامج الحكاية
تصريحات مي فاروق:
قالت مي فاروق عن انتقادات زواجها رغم ان لديها أولاد كبار: "الحاجة اللذيذة اللي بتفرج عليها أن الناس بدأت تحلل نظرة ابني ليا ونظرة بنتي ليا ويقولوا أكيد قلبها موجوع، وبعدين أنا الناس محدش يعرف عن حياتي الشخصية حاجة ومحبش أنه ميعرفوا كل اللي حبيت أنهم يعرفوه إني اتجوزت لكن التفاصيل لأ.
بس أنا أولادي نمرة واحد في حياتي وكل حاجة بتيجي بعدهم لو أولادي مش مبسوطين ومباركين وراضيين وهما اللي عايزين دا أنا مش هعمله، أنا مليش دعوة بالناس أنا ليا دعوة بالأشخاص اللي ربنا مديهوملي أمانة وبحاول طول الوقت أكون ست قد مسئوليتهم وأم كويسة ويفتخروا بيها".
وتابعت: "يمكن عشان أنا بحاول أكون في حالي طول الوقت ففاكرة أن الناس المفروض تكون كده لكن الناس مش كده الحمد لله بعد شوية تجارب ومواقف عدت عليا في حياتي اتعملت أن أخلي كل واحد يقول اللي يقوله ويعمل اللي يعمله ما دام ربنا شايف حياتي وعيلتي وولادي شايفين مليش دعوة بالناس يحكموا زي ما هما عايزين المهم إني بعمل الصح ويرضي ولادي ويكونوا متشرفين بينا ويرضي جوزي اللي في حياتي دلوقتي أنا مش عايزة حاجة تاني".
مي فاروق: أنا بتجوز قدام الدنيا كلها
وعن الانتقادات التي وجهت لها بسبب إقامتها حفل زفاف كبير: "ليه مقولش إني بتجوز قدام الدنيا كلها أنا طول عمري بحاول طول الوقت أعمل كل حاجة مظبوطة، يوم ما بعد 6 سنين أنا أم لأولادي لوحدي ومسئولة عن ولادي وشغلي بس يوم ما أقرر أتجوز أنا واحدة ست عايزة تتبسط وولادي يتبسطوا بيا ومعايا ونفرح ونعمل قدام الدنيا كلها إن أحنا بنعمل حاجة حلوة ترضي ربنا ومبسوطين إيه المشكلة إني عملت، يضايق الناس في إيه؟".
برلماني يطالب بإنشاء شراكات استثمارية صناعية وتجارية بين مصر وعُمان