العين صابتني.. شريف دسوقي: حشرة عجيبة تهاجم البيت
تاريخ النشر: 6th, January 2025 GMT
نشر الفنان شريف دسوقى تعليقا عبر صفحته على موقع التواصل الاجتماعى فيسبوك يروى من خلاله ما تعرض له وخسر بسببه 36 ألف جنيه.
وقال شريف دسوقى: "العين صابتني ورب العرش نجاني انا وابنى وكنت حاسس بيها والله.. حشره عجيبه تهاجم البيت عندى..جريت اتصل بشركه للقضاء على الحشره..جالى المندوب لوحده ومعاه مكنة الرش.
وأضاف شريف دسوقى : كانوا قالولى فى التليفون ان العبوه الواحده تتكلف ١٢٠٠ جنيه وحسب ماتحتاج الشقه من عبوات ..قلت ماشى..ولما جه المندوب قبل مايعمل اى حاجه..قالى معلش هازود التركيز والعبوه هاتبقى 3600 جنيه..قلت ماشى برضوا لانى شخص مريض بالنضافه والله
وأوضح شريف دسوقى : وهوب فى خلال ساعتين رش اتكلفت عشر عبوات
كنت دافع 36000 الف جنيه عدا ونقدا وعندى الفاتوره ممكن اصورهالكم والله
ارتاح ياللى باصصلى فى اكل عيشى لله الأمر من قبل ومن بعد.
شارك الفنان أحمد العوضي، منشورا عبر حسابه الشخصي على موقع التواصل الاجتماعي فيسبوك.
ورد العوضي على طلب الفنان شريف الدسوقي في منشور “عاوز اشتغل معاك” وكتب: "الزميل الغالي علي قلوبنا أنا مشفتش التعليق علي اللايف للأسف وطلبك علي رأسي يا شريف انا اتشرف بالشغل معاك يا حبيبي وأزيد بيك وأعلي بيك وأن شاء الله هيجمعنا عمل في الوقت القريب وأنا من معجبينك يا شريف ومن محبين دورك الجميل مع الزميلة الغالية نيللي كريم في مسلسل ب ١٠٠ وش".
أزمة ماليةوكان الفنان شريف دسوقي كتب منشورًا مطولًا -عبر حسابه الشخصي على موقع التواصل الاجتماعي فيسبوك- كشف فيه تفاصيل معاناته المالية.
وبدأ شريف دسوقي، منشوره، قائلًا: «يسعد ربى قلوبكم وييسر عليكم أيامكم .. عايز انوه بس على حاجه مهمه فى موضوع رسالتى للنجم الجميل الإنسان.. احمد العوضى».
وتابع شريف دسوقي: «لاقيت ناس بأعداد لاتتخيلوها داخله تقولى انا متعسر ومديون بالله عليك كلملى احمد العوضي.. و اللى داخل يقولى شغلنى معاك ويحلفنى بالآلاف الحلفنات .. ».
واستطرد شريف دسوقي: «طيب بالعقل كده.. هوا انا لو معايا تليفون النجم الخاص هاكتبلوا قدام العالم كله..عايز اشتغل معاك.. اتقوا الله بالله عليكم.. وانا فى حاجه مستغربلها وبرج من دماغى هايطير على الأعداد المهوله اللى بتدخل تكلمني خاص عشان اساعدها ماديا وبارقام لاتتخيلوها».
وأضاف شريف دسوقي: «بسأل نفسى سؤال طبيعى جدا..يعنى انت او انتى بتقول مش لاقى تاكل ..لكن معاك تشحن الاندرويد وتتسول بيه .. طيب اللى بيطلب ده او دى..فى حاجه فى دينا بتقول .. تراهم اغنياء من كثرة التعفف ..فين عزة النفس والنخوه والكرامه».
وزاد شريف دسوقي: « ياجماعه وبكل وضوح انا جايب الدنيا بطولها وعرضها شقى ويامه عدت عليا ايام قسما بالله مش لاقى الرغيف الحاف..طلعت عابر سبيل الف فى كل شوارع اسكندريه على شغل ..اكل عيش يعنى وعمرى ماقلت لحد سلفنى فى عز ماكنت مديون لطوب الارض وسعى وتعب ومقاومه وجلد لحد مارينا والحمد لله كرمني وسترنى».
واختتم شريف دسوقي: «عشان بس ماحدش من اللى هيدخل يعلق يزايد عليا او يقولى انى مش حاسس بالناس.. اتقوا الله واسعوا واشقوا فى الحياه لآخر نفس .. وختاماا ان الله لايحب المتواكلين ولا اليائسين».
المصدر: صدى البلد
كلمات دلالية: شريف دسوقى أحمد العوضي الفنان أحمد العوضي المزيد شریف دسوقى شریف دسوقی
إقرأ أيضاً:
تامر عاشور يكشف موعد طرح أحدث ألبوماته الغنائية
كشف الفنان تامر عاشور عن موعد أحدث ألبوماته الغنائية بعنوان “ياه”، والذى من المقرر طرحه يوم ١٥ يناير الجاري.
كتب تامر عاشور عبر حسابه الرسمي على موقع X , "ان شاء الله البوم "ياه “ كامل يوم ١٥ يناير على القناه الرسميه لليوتيوب وجميع المنصات”.
وألبوم "ياه"، يضم 12 أغنية، وهم: الله يحنن، حبيبي القديم، حبك رزق، أنا مكرهتوش، يوم ماهنسى، مرتحناش، يوم ما هابعد، أصلي بعيد، جم شرفوا، مش بعرف أنام، متعملهاش حكاية، والدنيا.
ويتعاون المطرب في الألبوم، مع الشعراء، عليم، أحمد المالكي، ومحمود عبد الله، وحسام سعيد، ومحمود عبد الله، عمرو المصري، محمد بنداري، أحمد عيسى، ومن الملحنين ، محمدي، محمد مدين، أحمد عبد السلام، وعمرو الشاذلي، ومن الموزعين إلهامي وأدهم دهيمة، وأحمد إبراهيم، وأحمد أمين، وعمرو الخضري.
وأحيا الفنان تامر عاشور حفل ختام العام بأحد الفنادق الكبري بالإسكندرية وسط حضور الآلاف من الجمهور الذي توافد علي مكان الحفل قبل انطلاقه بعدة ساعات.
ويعد هذا الحفل الأول للفنان تامر عاشور في الاسكندرية "نظام الجلوس" حيث جلس كل الحضور علي كراسي علي عكس كل حفلاته التي أحياها بالإسكندرية مسبقا وكانت بنظام "الوقوف".
ورفع الحفل شعار "كامل العدد" بحضور الجاليات العربية في الاسكندرية والجمهور المصري الذى توافد من كل المحافظات.
وقدّم عاشور خلال الحفل مجموعة من أغانيه التي لاقت تفاعلا كبيرا من كل الحضور منها "هيجيلي موجوع، كلموها عني، تيجي نتراهن" بالإضافة الي تقديمه أحدث أغانيه "ياااه" لايف للمرة الأولي.
برلماني يطالب بإنشاء شراكات استثمارية صناعية وتجارية بين مصر وعُمان