إيناس مكي تحسم الجدل وتكشف حقيقة وجود خلاف مع شقيقها أحمد

تصدرت الفنانة إيناس مكي، تريندات السوشيال ميديا، وذلك بعد كشفها حقيقة وجود خلافات بينها وبين شقيقها النجم أحمد مكي.

إيناس مكي: أخويا مش مجبر أنه يشغلني

وأكدت إيناس مكي، خلال حلولها ضيفة ببرنامج "قعدة ستات"، ان ما يتم تداوله حول وجود خلافات بينها وبين شقيقها الفنان أحمد مكي ليس له أساس من الصحة، قائلة : "إشاعة إن فيه خناقة، وإن فيه بينا مشاكل الكلام ده مش مظبوط، يا أخوانا هو ضهري هو سندي هو أخويا، ومش مجبر أنه يشغلني، والناس بتفكر أن طالما كده يبقى فيه خناقة واحنا منطق الوساطة ده مش عندنا والله.

وأضافت : "ومش عارفة اذا كان ده عند كل الناس أو لأ، بس إحنا بطبيعتنا إن أنا مبتعداش على حياته وهو كذلك، والفكرة مش أنا وهو بس، إحنا الـ 5 إخوات كده.

وتابعت: "زمان كان طلع عليا إشاعة أنا ومجموعة من الفنانات، إني مرفوع عليا قضية، ودا كلام أنا مقبلتش بيه لأنه يمس الشرف والسمعة، وفيه شخص بعتلي وقالي أنا متأكد إن انتي ودي مش إشاعة، ورديت عليه قلتله القضاء ما بينا ورفعت عليه قضية.

المصدر: بوابة الوفد