تصوّر حتى دي باختار يكون شكلها إزاي | مروة تطلب الخلع: معندوش شخصية

وقفت أمام محكمة الأسرة في مصر الجديدة وظهر العناد على وجهها، فهي موظفة ذات شخصية إلا أن زوجها لم يكن بنفس شخصيتها، فهو شخص هادئ لا قرارات له ولا يجيد التصرف في المواقف حتى طلبت منه الانفصال إلا أنه رفض فلجأت إلى محكمة الأسرة طالبة الخلع منه.

محكمة الأسرة

مروة سيدة ثلاثينية تزوجت قبل عامين وكما قالت "جوازة صالونات"، حيث تقدم لها عن طريق عمتها وحضر إلى أسرتها ومن الجلسة الأولى وافقت مروة التي طالما كان حلمها بناء أسرة والزواج ومع تقدم السن أصبحت تنتظر اللحظة التي تتزوج بها، وبالفعل وافقت أسرتها وتمت خطبتها واتفقوا على زواج بعد عام.

قالت مروة عن قصتها "بعد الخطوبة كان شخص طبيعي ومظهرش إنه ضعيف الشخصية أو إنه معندوش قرارات وطول الخطوبة كنت بجهز الشقة أنا وهو، وانا اللي اخترت كل حاجة وكان بيفهمني إنه عايزني اختار عش الزوجية على ذوقي، حتى الفرح وكل حاجة أنا اللي اخترتها، ومكنتش عارفة إنه مالوش قرارات ومش بيعرف يتصرف".

تابعت مروة "بعد الجواز كانت مشكلتي مع جوزي حتة القرارات والتصرفات، كل حاجة غلط وكل القرارات ضعيفة وما بيعرفش يتصرف، أنا اللي باخد كل القرارات حتى هيلبس إيه وهيعمل إيه ويتصرف إزاي، ده إحنا بنخرج وأنا اللي بقرر نركب ايه ونعمل إيه، حتى في العلاقة الزوجية أنا اللي بقرر شكلها يكون إيه وتحصل إزاي".

واختتمت مروة "زهقت من الطريقة بتاعته في المعاملة وكمان حسيت إني عايشة لوحدي وأنا اللي باخد قرارات وده معجبنيش طلبت الطلاق قبل ما يكون بينا أولاد، ولما رفض روحت محكمة الأسرة وطلبت الخلع منه".

المصدر: صدى البلد