الفنان حكيم يصدم جمهوره فى بداية السنة الجديدة بقرار اعتزاله.. تفاصيل
تاريخ النشر: 1st, January 2025 GMT
صدم المطرب الشعبي حكيم، جمهوره مع دخول السنة الجديدة بقرار اعتزاله الغناء و المزيكا قائلاً: "عندي نية لذلك واحتمال أعتزل في 2025، وهذا القرار يراودني".
اعتزال الفنان حكيم الغناء في 2025
وأضاف خلال تصريحات لإذاعة شعبي إف إم: "لو أنا اعتزلت الغناء بنهاية 2025 فيه مطربين كتير يقدروا يكملوا المسيرة، وفيه مواهب شابة طالعة كويسة".
ولفت حكيم: "الغناء مهنتي وحبيتها وحبيت أكون في الوسط ده من صغري وفضل من ربنا الناس حبتني وخلتني ناجح، وانا فرحان بحب الجمهور ليَّ، الغناء مهنة جميلة ولذيذة وقربتني من الناس".
وأشار: "أنا مبتسم على طول قبل النوم ولما أصحى من النوم، ولما أقعد أتكلم مع مراتي تقول لي أنت عامل حاجة ولا شارب حاجة، بس شخصيتي إني أكون مبتسم، الفنان بني آدم عادي عنده مشاكل وأولاده وإخواته وأقاربه بس مبيصدرهاش للجمهور وأنا شغلانتي إن الناس لازم تبقى مبسوطة لما تشوفني، ونعمة من ربنا إني وشي مبسوط على طول وأنا بحب الضحك بس خارج الشغل".
المصدر: بوابة الوفد
كلمات دلالية: حكيم المطرب الشعبي حكيم
إقرأ أيضاً:
محترم القرار.. أول تعليق من حمو بيكا بعد وقفه عن الغناء
علق مؤدي المهرجانات الشهير حمو بيكا علي قرار وقفه عن الغناء وتحويله للتحقيق من قبل نقابة الموسيقيين ، وذلك عبر صفحته علي موقع فيسبوك .
وقال حمو بيكا : صدر قرار وقف ليا من نقابة المهن الموسيقية وتحويلي للتحقيق .. طبعاً اي قرار يصدر عن نقابة المهن الموسيقية بخصوصي انا محترم القرار جداً وملتزم بيه ، بس انا بطلب من سيادة النقيب المحترم استاذي النجم الكبير " مصطفي كامل
وتابع حمو بيكا : زي ما النقابة قامت باصدار قرار بوقفي والتحقيق معايا .. تصدر نفس القرار علي كل مغني بيغني نفس الأغنية دي ويتم التحقيق معهم كلهم زي بالظبط
وأستكمل حمو بيكا : الاغنية انا بغنيها عادي ومش قاصد بيها اللي وصل للناس وان اي حد بيدخل الجيش بيدخل بواسطة والكلام الفارغ الي روجه بعض الناس علي مواقع السوشيال ميديا ..
المقصود بكلام الأغنية ان الأم بتخاف علي ابنها وهي وسطته وهي الي مدلعة ابنها زي ام في الدنيا .. وده موال قديم جداً ومش مقصود منه الاستهانه بجيشنا ولا حد يجرئ انه يستهين بجيش بلدنا العظيم .. وانا ابن بلد وكنت واحد من جيش البلد وخدمت في جيش بلدي .. وزي ما اخواتي الصحافين شيرو البوستات .. يشيرو البوست ده وانا رافعلهم مطربين تانين وهما بيغنوها برضه
وفي اخر كلامي .. انا بحترم نقابه المهن الموسيقية وبحترم كل قرارتها وبحترم كل مؤسسات الدولة
وكل عام وقائدنا الرئيس عبد الفتاح السيسي وجيشنا العظيم بخير بمناسبة عيد تحرير سيناء
ثمانية وكلاء للنائب العام يتلقون تدريبًا متقدمًا ضمن اتفاق تعاون دولي مع فرنسا