شكلنا بقى مقرف.. شيف تهاجم تريند محشي التين الشوكي
تاريخ النشر: 19th, August 2023 GMT
تداول خلال الأيام الماضية رواد مواقع التواصل الأجتماعي صورا و فيديوهات لـ محشي التين الشوكي وطريقة عمله، وهو ما أثار الجدل على السوشيال ميديا.
علقت الشيف سلوى عبده على انتشار صور محشي التين الشوكي قائلة: "بجد عيب، عيب لما توصل بينا التفاهة لكدا،هو الكرنب والبتنجان والكوسة والفلفل وورق العنب وكل الخضار اللي خلقه ربنا كانوا قصروا معانا في أيه؟ خلاص هناكل زبالة.
أضافت الشيف سلوى عبده عبر حسابها الرسمي على موقع التواصل الأجتماعي الفيسبوك،:"بما ان الناس داخله تتلكك وتقول بنتريق علي نعمة ربنا ..كدا يبقي قشر البطاطس نعمه ربنا وقشر البصل نعمه ربنا وقشر البرتقال نعمة ربنا كلوهم اوعوا ترموهم ..اصل اللي عرفت توفر رز 25 جنيه، وبصل25 جنيه، وطماطم 15 جنيه، وسمن وخضره وتوابل وفراخ وشوربه تسقي بيها مش قادرة توفر أي نوع خضار تحشيه.. بطلوا فلسفة شوية، ولا هو خالف تعرف….شكلنا بقي مقرف بجد قدام كل الدول."
المصدر: صدى البلد
كلمات دلالية: التين الشوكي محشي التين الشوكي التين
إقرأ أيضاً:
الفنانة سماح أنور: تعرضت لحادث موت وعملت 24 عملية في 11 سنة
تابع أحدث الأخبار عبر تطبيق
أكدت الفنانة القديرة سماح أنور أنها تعرضت لحادث مروع كاد أن يفقدها كيانها.
وقالت «سماح»، فى حوار لبرنامج «كلم ربنا»، تقديم الكاتب الصحفي أحمد الخطيب، على الراديو «9090»: «لما عملت حادثة قالولى إنى مش همشي تانى ولا همثل، وخضعت لـ24 عملية جراحية، لمدة 11 سنة، كنت قاعدة على كرسي متحرك، لكن ربنا أراد إنى أرجع أمشي تانى، وماكنتش لا بعيط ولا بلطم ولا حاجة، فهى تجربة كان عليا فيها اختار، أعيش أو أموت، والاختيار ده ربنا اللى ألهمنى بيه إنى أعيش، لأنه حط ده فى قلبي، وبعدها روح ربنا فينا عايزة تعيش وعايزة تكمل، وقتها لما كانت كل الناس بتيجي تزورني سواء هنا فى مصر أو فى أمريكا ولا جنيف لأنى لفيت العالم، وكأن كله فى ضهري، لدرجة إن لما حد بيدخل عليا بيعيط كنا بضحكه وأقوله نكت عشان كنت بحس نفسي كويسة، لكن فى المقابل كنت قاعدة متربطة».
وقالت الفنانة سماح أنور: «أنا شفت ربنا فى أزمتى، شفته فى الناس اللى بتزورني، كأني على الحافة وشالنى ورجع تانى، لكن فى خلال الـ11 سنة عملت لنفسي وحياتى حاجات كتيرة، لأن ربنا عظيم ومش هيخلق حاجة فاشلة، بل حاجات عظيمة، وكأنى قالى هديكى قدرة مش موجودة مع حد غيري، وهى كن فيكون، لأنى ضد الفكرة اللى اتقالت فى فيلم جرى الوحوش، لما قاله: (كل إنسان له 24 قيراط)، جملة مغلوطة وده كلام غير صحيح، لأن كل إنسان له حاجات خاصة، كلنا يومنا 24 ساعة ومحدش معاه 25، والإنسان مش بيتعرض لحاجة غير لما يكون هو عايزها تحصله، فمثلا هو اللى بيضايق نفسه، يعنى معنى كدة إنه اقتناع شخصى وقدرات ربنا فينا».
حكام الإمارات يعزون خادم الحرمين في وفاة الأميرة نورة بنت بندر بن محمد