تسريب مكالمة ساخنة بين بسمة وهبة وشاليمار شربتلي تفجر فضايح جديدة (شاهد قبل الحذف)
تاريخ النشر: 29th, December 2024 GMT
انتشر في الساعات الأخيرة تسجيلًا صوتيًا لمكالمة هاتفية مسربة بين بسمة وهبة وشاليمار شربتلي زوجة المخرج خالد يوسف، يدور حول قضية اتهام المخرج عمر زهران بالسرقة ومحاولة للتفاوض لإنهاء الخلاف والتنازل عن القضية، والذي جاء في مقطع فيديو منشورًا على الحساب الرسمي للفنانة مادلين طبر بموقع تبادل الصور والفيديوهات "انستجرام" تحت عنوان "شاهد قبل الحذف".
جاء الفيديو مرفقًا بتعليق يصف ما يتناوله كالآتي: "مكالمة مسربة من تليفون بسمة وهبة مع شاليمار تكشف المؤامرة على خالد يوسف .. شاليمار بتقولها تحبي اتكلم عن تاريخك وافضحك وهي عاملة زي الكتكوت المبلول ... وبسمة مرعوبة وبتنكر كل اللي قالته في المحكمة واللي قالته في فيديوهاتها عن شاليمار وخالد وبتبيع كل أصحابها".
لمشاهدة الفيديو اضغط هنــــــــا
بدأت المكالمة بصوت بسمة وهبة وهي تطلب من شاليمار أن تنسى ما صدر منها خلال الأيام الماضية أو من أي شخص آخر وتسبب في مضايقتها، حيث قالت: "عيزاكي تنسي كل اللي بيحصل اليومين اللي فاتوا مني أو من أي حد يكون إنه ضايقك عشان مش عيزاكي تكوني مضايقة ولا شايلة مني وأنا بتكلم معاكي دلوقتي"، لتقاطعها شاليمار قائلة: "أنا عايزة اعرف بس مين اداكي رقم تليفوني أنا رقمي مش عندك"، لتجيبها قائلة: "خدته من مهاب".
وتابعت بسمة حديثها قائلة: "بصي يا شاليمار أنا وأنت لو قعدنا اتكلمنا عمر عمل كده أو معملش هنختلف لأني مكنتش موجودة، وعشان منختلفش أنا بقول أنه برئ وأنت بتقولي أنه مدان"، لتقاطعها شاليمار بانفعال، قائلة: "بصي لو هنبتدي الكلام بالإدانة لأى طرف من الأطراف غير عمر انا هضطر أقفل التليفون".
واسترسلت شاليمار حديثها: "أنت كده بداية الكلام حضرتك بتخبطي في النيابة والمباحث والقضاء، وأنا ست سعودية احترم هذا الوطن العظيم وده قرارهم بعد اتهامي لعمر وبعد شكي فيه بعد ما جاب عنتر، وهما اللي أقروا ده فلو حضرتك عندك أي اختلاف في وجهة النظر ضد بلدك وقضاء بلدك أنا مش ممكن اتكلم معاكي في حاجة، يبقي مينفعش تقولي عمل أو معملش، نقول هو عمل هي دي الحقيقة وهو أخد حكم لأن المجوهرات كانت في بيته".
أنا معرفش انتي مكلماني ليه بعد كل الكلام اللي انتي قلتيه وأنت زورتي شهادتك أمام المحكمة وروحتي اتهمتيني بالتزوير وقولتي أني اديتك حاجات انا معرفكيش اصلا عشان اديكي حاجة وخلال معرفتي بعمر 14 سنة أنا لا عمري قابلتك ولا عمري شوفتك ولا عمري شوفت أن عمر أصلا قابلك"، لتقاطعها بسمة قائلة: "أقسم بالله أنا ما قولت كده أبدًا أبدًا أبدًا".
واستكملت شاليمار توبيخها لبسمة قائلة: "أنت لما تخرجي تقولي أن عمر برئ، وأن خالد بيسرق مني أنت السيناريو ده جبتيه منين، أصل الموضوع ده جبتوه منين، وده اتقال في المحكمة قلتوه ازاي انتي وفلانة وفلانة نتي اتهمتي خال فعليا ان هو اللي سارق مظبوط؟»، وقاطعتها بسمة قائلة: "محدش قال ان خالد حرامي أبدًا أنا محدش خد من بقي اني بقول ان خالد هو الحرامي"، لتقاطعها شاليمار متسائلة: "طب حضرتك متصلة ليه يا بسمة يا حبيبتي؟"، لتجيبها: "أنا متصلة عايزة أخلص الموضوع ده لأن عمر بيموت".
وردت شاليمار على مطلبها بالموافقة ولكن بشرط حيث قالت: "يرجع المجوهرات ويقول مين شريكه وأنا حاضر اتنازل، وبقول ليه شريك لان مش معقول كم الألماظات اللي اتسرقت دي عمر هيعمل بيها ايه دي تكفيه ليوم الدين يعني ده روليكس وكارتييه لازم يبقى في حد عنده عشان يقدر يخرجله الحاجات دي من البلد وفي حاجات كتير مطلعتش ياروح قلبي".
وتابعت: "والسلسلة والحاجات الدهب والفضة اللي طلعت من بيته لتقاطعها بسمة قائلة: "بس انتي اللي ادتيهاله يا شاليمار"، لتجيبها: "انا مدتلهوش حاجة، اديله ليه، انتي هتدي لراجل سلسلة ألماظ ليه عشان ايه؟!".
المصدر: بوابة الوفد
كلمات دلالية: بسمة وهبة شاليمار شربتلي زوجة المخرج خالد يوسف عمر زهران المخرج عمر زهران إنستجرام شاهد قبل الحذف مهاب خالد يوسف أخبار بسمة وهبة منوعات أخبار الفن أخبار الفنانين أخبار المشاهير بسمة قائلة بسمة وهبة ا شالیمار
إقرأ أيضاً:
تفاصيل مكالمة وزير الخارجية ونظيره السوري في الحكومة الانتقالية الجديدة
جري مساء اليوم الثلاثاء، اتصال هاتفي بين الدكتور بدر عبد العاطي وزير الخارجية والهجرة وأسعد الشيباني، وزير الخارجية المعين بالحكومة الانتقالية الجديدة في سوريا.
وصرح السفير تميم خلاف المتحدث الرسمى باسم وزارة الخارجية ان الوزير عبد العاطي اكد على وقوف مصر بشكل كامل مع الشعب السورى الشقيق ودعم تطلعاته المشروعة.
ودعا كافة الأطراف السورية في هذه المرحلة الفاصلة إلى إعلاء المصلحة الوطنية، ودعم الاستقرار فى سوريا والحفاظ على مؤسساتها الوطنية ومقدراتها ووحدة وسلامة أراضيها.
وأضاف أن مصر تأمل ان تتسم عملية الانتقال السياسي فى سوريا بالشمولية، وان تتم عبر ملكية وطنية سورية خالصة دون إملاءات أو تدخلات خارجية، وبما يدعم وحدة واستقرار سوريا وشعبها بكل مكوناته وأطيافه، ويحافظ على هويتها العربية الأصيلة.
وأضاف المتحدث الرسمى أن وزير الخارجية شدد كذلك على أهمية أن تتبنى العملية السياسية مقاربة شاملة وجامعة لكافة القوى الوطنية السورية تعكس التنوع المجتمعى والدينى والطائفى والعرقى داخل سوريا، وان تكون سوريا مصدر استقرار بالمنطقة، مع إفساح المجال للقوى السياسية الوطنية المختلفة لأن يكون لها دور في إدارة المرحلة الانتقالية وإعادة بناء سوريا ومؤسساتها الوطنية لكى تستعيد مكانتها الإقليمية والدولية التي تستحقها.
وتم الاتفاق في نهاية الاتصال على استمرار التواصل خلال الفترة القادمة.
لجنة الاقصى تشيد بعمليات القوات المسلحة وتنتقد التواطؤ التركي