البوابة نيوز:
2025-04-23@05:49:52 GMT

إبداعات|| شمس الروح.. سامي أبو الفتوح - قنا

تاريخ النشر: 28th, December 2024 GMT

تابع أحدث الأخبار عبر تطبيق

وتشرق تاني شمس الروح

 

بعد غيابها عني سنين

 

ويقلقني منام بينوح

 

بقاله عمر لا عمرين

 

سامع صوت بيندهني

 

يلا يا واد تعال افطَر

 

فات قطر الضحى بدري

 

وكتر النوم عليك أخطر

 

أفتح عيني ألاقى النور عمى عيني

 

فاتقلب وباعرك عيني بإيديا

 

أنا أمتى وليه وإزاي أنا فيني؟

 

في نفس الكون ولا مفارق الدنيا!

 

فاعدل نفسي

 

وأتهته بأي كلام ماهوش مفهوم

 

اسمع تاني نفس الصوت

 

كفاياك قوم

 

لسة العقل مستغرب

 

ولا مجمع

 

وباجرب

 

أغيب بعد السكوت واسمع

 

يلا يا ولدي صحصح فوق

 

عشان تروح معايا السوق

 

ما مصدق

 

وأتوه عن نفسي واتحقق

 

سؤال يطرح سؤال يجرح سؤال مخنوق

 

دي هلاويس؟

 

.

..... ولا موهوم

 

ومقضيها انا تهييس ف بحر النوم

 

وشكلي غرقت بعد العوم

 

باتلفت حواليا

 

لقيت دنيا غير الدنيا

 

أفنجل عيني بزيادة

 

مش العادة

 

أفوق والعقل متغمي

 

واشوف قدامي بعد هيامي أم أمي

 

وفيها الروح

 

ضحكتها بتبرق ضي

 

وجبينها جمال بيفوح

 

بيقول حي

 

اسكت فجأة م الفرحة

 

من الحيرة اللي سكناني وفوق طايحة

 

وباسألها

 

صحيح عايشة؟

 

صحيح لساكي ما فارقتي

 

وانفض وشي من أوهام وجات طايشة

 

ولا صاحي وباتخيل

 

وابص لنفسي م الدهشة

 

اشوف حالي على بعضي وألقاني صغير السن

 

حاجة تجن

 

ياااه يا زماني ليك وَحشة

 

ازاي العمر ده بيسرح

 

وبيتنا لسة ماتهدش

 

بنفس الكنبة والمطرح

 

وباب السعد ماتردش

 

هنا الذكرى هنا بكرة هنا لعبة وكام فكرة

 

هنا لاقي حاجات وحاجات ماتتعدش

 

والعمر اللي كان بيمر دا معايا مكانش صحيح؟

 

والدنيا اللي عاندتني

 

والناس اللي فارقتني

 

وظروفي اللي سرقتني

 

طلعت ميح

 

علاقاتي وخلافاتي

 

واصحابي وزُمَلاتي

 

كله طلعلي ف حياتي

 

كدب صريح

 

فاكرة يوم كنت بحكيلك

 

امتى يا أمي راح اكبر؟

 

يرفرف ف السما جناحي

 

وأشد العزم ده واقدر

 

خلاص بعد اللي انا شفته

 

ياريت افضل كدة صغير

 

مفيش جايز ولا عايز أقابل خلق بتحير

 

قول يا وليدي اشكي وبوح

 

ومين ف الخلق يسمعلك

 

انا قلبي معاك مفتوح

 

وبكل وقتي هسمحلك

 

هحكيلك وهشكيلك عن اللي ضناني يا أمي

 

مجروح والهم جوايا انا بجد انحرق دمي

 

يا نسمة هلت من الجنة عشت فيها عمري أمان

 

انا مبقتش باتمنى

 

غير إني أعود تاني لفرح زماااان

 

لو داري بنار الكون

 

لقلت لعمري ما تكبر

 

ومسكت الوقت بسناني

 

لكن ده كله متدبر

 

دنيا

 

ما تحيي اللي مات

 

ولا بتعاود اللي فات

 

قالولنا الحياة محطات

 

طلعت فخ لا معبر

 

ومهما أشكي وأقوللك

 

ما تكفي الكلام كراريس

 

ولو رحتي مكان أحسن

 

فيستحسن تصحيني من الكوابيس

 

المصدر: البوابة نيوز

كلمات دلالية: شمس الروح إبداعات قنا

إقرأ أيضاً:

الرمادي في الصورة.. خلاف في مجلس سموحة حول خليفة أحمد سامي

قرر مجلس إدارة نادي سموحة تأجيل اجتماعه الذي كان مقررًا لحسم ملف المدير الفني الجديد للفريق الأول لكرة القدم خلفًا لـ أحمد سامي المدير الفني السابق الذي انتهت مهمته مؤخرًا.

يأتي التأجيل وسط انقسام في الإدارة حول أكثر من سيرة ذاتية لعدد من المدربين، سواء على الساحة المحلية أو من خارجها، لضمان اختيار الأنسب لقيادة الفريق في المرحلة المقبلة.

ودخل الثنائي خالد جلال المدير الفني السابق لفريق الزمالك، وأيمن الرمادي المدير الفني السابق لفريق سيراميكا، دائرة اهتمام مجلس إدارة نادي سموحة، مع هيثم شعبان لتدريب الفريق السكندري خلفا لأحمد سامي.

وتولى أحمد سامي قيادة سموحة منذ يناير 2023، وفي هذا الموسم قاد الفريق في 21 مباراة بمختلف المسابقات، وحقق الفوز في 7 فقط منهم، مع 12 خسارة وتعادلين.

وأعلن أحمد سامي، المدير الفني السابق لفريق سموحة، عن قراره بالابتعاد عن التدريب خلال الفترة المقبلة، بعد انتهاء مهمته مع الفريق السكندري، التي استمرت لمدة خمس سنوات.

مقالات مشابهة

  • مهرجان قطر للصورة 2025.. إبداعات فنية عالمية ومواهب فوتوغرافية مميزة
  • محمد رمضان: الأهلي لم يخسر الدوري بعد
  • النسخة الثالثة من مهرجان قطر للتصوير.. إبداعات العرب في الوطن والمهجر
  • إريكسن: مانشستر يونايتد يفتقد الروح
  • بذكريات الطفولة.. محمد سامي يهنئ الجمهور بعيد القيامة وشم النسيم
  • في ذكر الله يكمن جمال الروح.. حلا شيحة توجه رسالة لجمهورها بالحجاب
  • الرمادي في الصورة.. خلاف في مجلس سموحة حول خليفة أحمد سامي
  • أعياد الربيع في مرآة الشعر.. مواسم التجدد بين الجمال والرمز
  • الأوقاف تعلن انعقاد مجلس الحديث 44 لقراءة صحيح البخاري من "مسجد الحسين"
  • ريم سامي ترزق بمولودها الأول