إبداعات|| «ميس هناء»..هشام محمد يوسف - قنا
تاريخ النشر: 28th, December 2024 GMT
تابع أحدث الأخبار عبر تطبيق
ميس هناء..
لو سمحتي.. عايز أسأل
هو ليه أحمد صاحبنا
بيقولوله يا "دومة" دايمًا
وهو يسمعهم ويزعل؟
ليه عيال من تانية أول
ياجوا يعملوا عصبجية ويضربونا؟
هو ليه مستر محمد دمه واقف
زي ما كان قال عليه أستاذ سعيد؟
يعني إيه طالب بليد؟
ليه عيال المدرسة يتلموا تمًّا
يعجنوا ف عيل جديد؟
يعني إيه صاحب أصيل؟
يعني إيه رُد الجميل ؟
هو ليه لما أبكي وأزعل ببقا وحدي؟
يعني إيه واحد وحيد!
هما ليه لو قولت إني
عايز أمسك إيد زميلتي بيضربوني؟
من يوميها بخاف أحب
كنت أسلم نية في الدنيا المطب
فهمت من وقتيها معنى
إن فيه في القلب قيد
وإن فيه في حشايا نار
وإني عيّل
بس فيه في حيطاني
شرخ أكبر م الكبار
بقيت خايف أبُص عليها تلمحني
بقت خايفة تبص عليا ف مشوفهاش
ولا بنسمع أغاني ولا بنعرف مشاعر
كنّا حابين الاندهاش
هي ليه الدنيا دنيا
هو ليه الجنة بنروحها بحساب
يعني إيه بيحطوا كل الدين
في كام صفحة ف كتاب
كنت بسمع شيخ بيخطب
كان بنبرة فرحة منه
قالنا نغلط ونرجع
ربنا فاتح بيبانه
ربنا مقفلش باب
من يومين صاحبي اشتكاني
قال بعاتبك
وقتها كان نفسي أقوله
يعني إيه كلمة "عتاب"
ميس هناء.
كل دي أفكار بتشغل بالي دايمًا
لو مجاوبتيش عليها
هلقى عقلي بيشتكي
ويزيد في حيرتي
هبكي وازعل..
وأمّا ولا حد يواسيني
هجري وأمسك إيد زميلتي
المصدر: البوابة نيوز
كلمات دلالية: إبداعات هشام محمد يوسف قنا یعنی إیه هو لیه
إقرأ أيضاً:
أحمد داوود: زوجتي بتحسسني بالأمان وبتسند عليها في لحظات ضعفي
قال الفنان أحمد داود إنه يستمد الأمان في حياته من زوجته، معبرا عن امتنانه على أسرته والرزق في حياته.
وأوضح أحمد داود في تصريحات مع بودكاست إنجي علي:"الزوجة هي اللي بتحسس الراجل بالأمان، لازم يكون في حد كدا بتسند عليه، لما بمر بلحظات ضعف صعبة بطلعها لمين ؟.. فلازم يكون في حد بتسند عليه وعلا كدا.. ودا رزق الحمد لله كان ممكن ميحصلش أو مقابلهاش أو تتلغبط أو تتأخر في الجواز، ف زي ما ربنا مديني شغل كويس وأطفال كويسين ومديني كل حاجة الحمد لله.. دا رزق".
أما عن نصيحة المخرج محمد خان له قال أحمد داود: "أستاذ محمد خان الله يرحمه هو اللي علمني جملة "اللي بعده" سواء حلو أو وحش لأنه عدا عليا أوقات وحشة كتير ولو وقفت عندها ممكن توديك في حتة مش كويسة، فسواء التجربة حلوة أو وحشة متقفش عندها كتير وكمل".
آخر أعمال أحمد داود فيلم الهوى سلطان الذي تدور أحداثه حول شابة وشاب تربطهما علاقة صداقة قوية منذ الطفولة، ويواجهان معًا العديد من المواقف والمشكلات المختلفة مع أصدقاءهما وأسرتيهما، لكن تحدث فجأة بعض المتغيرات في علاقتهما، وتتوالى الأحداث.
ويعد فيلم الهوى سلطان من بطولة النجوم منة شلبي، أحمد داوود، أحمد خالد صالح، سوسن بدر، جيهان الشماشرجي، عماد رشاد، وغيرهم، والفيلم من تأليف وإخراج هبة يسري، وقد حقق الفيلم إيرادات مرتفعة فور طرحه في دور العرض السينمائية.
يعرض غدًا مسلسل الشرنقة بطولة أحمد داود على منصة واتش ات الإلكترونية، قبل بدء الموسم الرمضاني 2025 بـ يومين .
مسلسل الشرنقة بطولة أحمد داود ويشاركه مريم الخشت، علي الطيب، صبري فواز، محمد عبده، سارة أبي كنعان، ياسر عزت، وهو من تأليف عمرو سمير عاطف وإخراج محمود عبد التواب، ومن إنتاج شركة أروما للمنتج تامر مرتضى، ويتكون المسلسل من 15 حلقة.
خبير سياسات دولية: قبرص من أكثر دول أوروبا المساندة لمصر في مواقفها