إبداعات|| وإحنا داخلين المدافن.. خالد الشريف فرشوط (قنا)
تاريخ النشر: 28th, December 2024 GMT
تابع أحدث الأخبار عبر تطبيق
قصيدة رثاء لصديقي عليه رحمة الله "أحمد حاتم"
متقومش من قعدتك
حدش غريب يا أحمد
دول كلهم صُحبتك
يرموا عليك السلام
يتونسوا بضحكتك
هيسلموا ويمشوا
تتعبش روحك فـ الكلام
حدش غريب يا أحمد
عبدالله ماله؟
عبدالله غطا الدمع رِمشه
فهد ومراد وصُحبتك ويااه
مصطفى ؟
مانت عارف مصطفى
طول عمره يكتم فـ الزعل جواه
يبكي ولا يبانش عليه
اطمن
ساعتين وهيتغلب حُزنه
كل الدموع تجري فـ عنيه
وأبوسحلي جالك م البلد مخصوص
قالي: غيلان الحزن لسه جعانه
يا خالد لو كان العمرده بفلوس
كان زمان أحمد معانا
عزازي مش عارف يعزي نفسه بإيه ؟
الحزن واقف بين حباب عنيه
همام ضباب الحكمة غمى عليه
قال: سبحانه خلق الموت ده ليه؟
يقصدش خالص يعترض ع الحكم
" لا يُسأل المالك عن الملكوت "
كان بيتأمل رحمته في الموت
ويقول يا خالد: شوف رحمته
" يونس حبيبه كان فـ بطن الحوت "
بنعزي روحنا في الفراق
مش فيك
ونقول " آمنا "
والحزن برضه مسيره بايش
وانت أهو.
لسه اهو وسطينا عايش
صُحبة حلوة وناس تحبك
ف العزا كان كله واقف
كله ده موجود وحابك
ناس تبانلك في المواقف
زي ما تكون لسه واقف
متخفش واطمن
امسك كتابك باليمين
التعب يشفع كشوفك
كنت تعبان يصحبي لكن
كان علي عنده الأمل
يرجع يشوفك..
ملحقتش.. تودع صحابك قبل ما تسيبهم
وأنا عارف ان الحتة دي حزاك
نتلاقى بكرة ف الجنة وحاسبهم
إزاي قبل الفرح وقفوا فـ عزاك؟
بس أقولك
قبل ما تكمل
إحنا أهو جاييين نسلم
مش عاوز يصحبي أقلبها غم
بس عارف لما جينا
غبنا فترة وإتلاقينا
كان ناقصنا حتى رنك
شوفناك بخير اهو يعم
كانوا ليه قلقونا عنك؟
اعزم صحابك في الجنان ع النهر
خلي الحساب يصحبي ع النوتة
ده اللي اتدفن يا صاحبي ف صحابه !
بالذمة دي تتسمى موتة؟
واحنا داخلين المدافن
شوفت قلبي بيترعش
والخوف ماليه
والخوف ما / ليه
وعرفت ان الوداع
لازمه سلام الحبيب
قبل ما تفوته..
وفهمت إن اللى ما يكسرك لو حي
يكسرك موته..
وفهمت إن اللى ما يكسرك لو حي
راح يكسرك موته..
المصدر: البوابة نيوز
كلمات دلالية: إبداعات خالد الشريف فرشوط قنا
إقرأ أيضاً:
مسلسل "العتاولة " يتصدر قائمة الأكثر رواجًا في 2024
تنافس مسلسل "العتاولة بطولة أحمد السقا ولطفي لبيب في السباق الرمضاني الماضي 2024 ضمن عدد كبير من الأعمال الدرامية.
مسلسل العتاولةوحقق "العتاولة " نجاحًا كبيرًا طوال فترة عرضه، لذا تصدر قائمة الأكثر رواجًا خلال عام 2024، والسبب في ذلك هو جذب الكثير من المشاهدين حلقة تلو الآخرى، حيث شهدت الحلقات تطورًا سريعًا ومليئًا بالأحداث المشوقة والمثيرة، لذلك قرر صناع المسلسل تنافسهم مرة اخري بالجزء الثاني من العمل.
ابطال الجزء الأول من العتاولةوشارك في بطولة مسلسل "العتاولة" عدد كبير من نجوم الفن، أبرزهم:أحمد السقا، طارق لطفي، باسم سمرة، زينة، صلاح عبدالله، مي كساب، ميمي جمال، فريدة سيف النصر، وآخرين. تأليف هشام هلال، وإخراج أحمد خالد موسى، وإنتاج سيدرز آرت برودكشين.
قصة الجزء الأول من العتاولةوالعمل يدور في إطار اجتماعي شعبي، يظهر خلاله أحمد السقا بشخصية نصار فتيحة والذي ترك حياة السرقة في نهاية أحداث الجزء الأول، فيما تقدم زينة شخصية حنة وهي طباخة وزوجة السقا، أما طارق لطفي فيلعب دور خضر فتيحة وهو ابن عم السقا بالمسلسل، ويواصل باسم سمرة تقديم شخصيته رجل الأعمال الفاسد عيسى الوزان.
الجزء الثاني من العتاولةأعلن المخرج أحمد خالد موسى، خلال الساعات القليلة الماضية، بدأ تصوير الحزء الثاني من مسلسل "العتاولة بطولة أحمد السقا وطارق لطفي وباسم سمرة، استعدادًا لعرضه في الموسم الرمضاني المقبل 2025.
القائمة الكاملة لأبطال مسلسل العتاولة 2ويضم مسلسل العتاولة 2: أحمد السقا، طارق لطفي، زينة، باسم سمرة، مصطفى ابو سريع، نسرين أمين، منة بدر تيسير، هدى الإتربي، ميمي جمال، ثراء جبيل، مريم محمود الجندي، أحمد كشك، مي القاضي، عمرو عبدالعزيز، عمرو عثمان، زينب العبد، أحمد عبدالإله، أحمد بلة، لبنى ونس، رامي الطمباري، أمير صلاح الدين، محمد عادل، ومحمد محسن، وغيرهم، والمسلسل من تأليف مصطفى جمال هاشم وإخراج أحمد خالد موسى، وإنتاج شركة Cedars Art Production.
الكرملين: ينفي التصريحات الأمريكية عن سقوط الطائرة الأذرية..انتظروا التحقيقات