إبداعات|| "مِدّ الطريق وابكى ونوح".. الشاذلى أبو ركبة.. الأقصر
تاريخ النشر: 28th, December 2024 GMT
تابع أحدث الأخبار عبر تطبيق
على قلب مستنِّيك سنين
واكتب شعورك جوه منه بدمع جاف
قلب الأحبة في وقت شوقهم قال آمين
على كل شيء
من بَعد بُعد شهور عجاف
شهر وليالي وقلب منِّيك اتبَروا
ودموع وحزن وحلم واسع مات طرِي
فاكر حبيبتك
اللي حطت فيك أملها وروحها وعيونها اللي شايفينك مَلَك
وانت ببجاحتك سِبت روحها تتهلِك
وتقول كتبت جمالها شعر في دفتري
ياخي اختَشي
إن كنت فرحان مُنتشي
ابقى احكي قصتها لولادك لما ييجوا ويكبروا
واحكيلهم انك كنت شَيطان مفتري
واستنى أحكامهم عليك
وانت كنت تقدر تحبس الدمعة في عينيك
ابقى افتكر ان انت فرَّطت بسهولة وبعتها
وهي لسه بتشتري
إن سابك الحلم القديم من غير جِزا
برضه افتكر ان انت فرَّطت بسهولة وبعتها
وهي طفلة بقلبها ومحتاجة حنِّية وغِذا
ظلم الحبيب من غير عقاب زي معجزة
ما تاجيشي إلا لقلب من نسل النبي
وانت الجحود
وانت اللحود اللي تاويت جوّاك هوى
لسه في مهد شبابه لم صابه العجز
واخرة ده كله عشان تواسي قلبها
من غير مناسبة كتبت على بحر الرَّجز
سطرين بُكا
ياخي اتوٍكس
ايه ذنب ليل فارش كلامه في السطور
علشان يواسي حد منك مات عليل
ايه ذنب جفن يبات على باب العيون
يسحب دموع طالعة بحُرقة كل ليل
.المصدر: البوابة نيوز
إقرأ أيضاً:
استشاري نفسي يتحدى السحرة بسبب مسلسل المداح: اللي يعرف يسحرني يتفضل
هاجم الدكتور وليد هندي الاستشاري النفسي، مسلسل المداح 5، الذي ينافس به الفنان حمادة هلال ضمن موسم مسلسلات رمضان 2025.
قال دكتور وليد هندي في مداخلة هاتفية مع الإعلامية رشا مجدي والإعلامي أحمد دياب، ببرنامج صباح البلد المذاع على قناة صدى البلد: «ما يقدمه مسلسل المداح تلاعب بعقلية الجمهور».
وتابع: «دائمًا نقول أن أنماط التنشئة الاجتماعية تخلق بداخلنا مشعوذ صغير، الحمدلله دلوقتي الوضع اختلف لا نرى أشخاص تتشائم من المقص المفتوح ولا الحذاء المقلوب».
واستكمل الاستشاري النفسي حديثه: «الدنيا تطورت مفيش خرزة زرقاء زي الأول ولا خمسة وخميسة، فمينفعش وسط التطوير اللي بيحصل ده يطل علينا عمل تاني يعملنا ردة عقلية».
السحر بإجماع الأئمة مش موجودوأضاف دكتور وليد هندي: «السحر بإجماع الآئمة مش موجود لأنه انتهى بوفاة الرسول، وقبل وفاته السحر كان تخيل حيث خيّل للناس تغيير شكل الحاجة، ورواية أن الرسول تم سحره غير صحيحة بإجماع الآئمة، الرسول منزه عن هذه الأشياء».
واستكمل: «هل من العدالة الإلهية المولى يخليني مسحور وآخرين يتحكموا فيّ؟.. والجن لو كان بيعمل كل حاجة ويقدر يسحر للناس كان نفع نفسه، أنا شوفت وقائع لدجالين ومشعوذين يتم القبض عليهم كانوا بيوهموا الناس لسنوات أن معاهم جن بيشوف الطالع والغيب طب ما كان شاف المخبرين والشرطة قبل ما يقبضوا عليه».
وتابع وليد هندي الاستشاري النفسي: «عايزين نحكم عقلنا وربنا قال جاهد الشيطان فإزاي يطلب مني مجاهدته ويقنعني يدخل جوه جسمي، مفيش سحر وبقول لجميع السحرة في العالم اللي يعرف يسحرني يسحرني».
ورشة تعريفية حول أعمال فريق دمج المكاتب المعنية بالحديدة