إبداع|| "فتوة الناس الغلابة".. أحمد مجدي – بورسعيد
تاريخ النشر: 28th, December 2024 GMT
تابع أحدث الأخبار عبر تطبيق
حب السيما من صغري
وجسمي يبان ضئيل جدا
لكن جوايا متأثر
بشخصيه فريد شوقي
ف بفتح صدري للشارع
وبحلم دايما اتصارع مع الأشرار
لقيت عيل غلس مكار
بيتريق ويتمايص
على واحد هزيل عاجز
بيجي ف ودنه ويقول توت
ضربته بقوه بالشلوت
ساعتها ربنا أرسل هوا جامد
يهز اللبس ع المنشر
يخلي البلكونات من فوق
بدون اشخاص تسقفلي
شتمني الندل بوظلي
جمال اللقطه جوه الكادر
جرى على ابوه بيشكيله
حكيتله اللي حصل بالظبط
غريبه الاب كتفني
وخلى ابنه
يوسخ عمري بالجزمه
ويضرب قلبي بالشلوت
ورغم اني ما عيطتش
لقيتني بموت
من الدنيا اللي صدمتني
وحيره نفسي سألتني
اكيد انا هعرف اتحجج
من البقع اللي ف هدومي
بإن اللعب بهدلها
وأمي برابسو تغسلها
لكن حزني اللي عك القلب
هينضف بين إيديها ازاي
وانا بطبعي مانيش حكاي
خصوصا لما أكون مضروب
لأني النجم جوه البيت
وانا عمري
ماشوفت النجم يخذل مره جمهوره
بإيد الشر زال نوره
وطلع مغلوب
دخلت يادوب في قلب البيت
ومن حظي
لهفه امي ع المحشي
وخوفها إنه يتحروق في عين النار
ماخليتهاش تاخد بالها
من الحاجه اللي محروقه
بفعل القهر جوايا كأنه دمار
ولا ريحه شياط قلبي اللي خنقاني
عنيا بس مسلوقه وضاربه حمار
سرحت ونمت ع الكنبه
طلعلي الحلم بالقلبه
وشوفت الابن شاب كبير بيضرب ابوه
وانا قولت لجميع الناس بلاش تحشوه
خلعله نوره من قلبه ويستاهل يشيل الذنب
وفين دكتور هيزرعله عيون الرحمه جوه القلب
عموم الناس كانت جنبي بتتحسبن على اللي شافوه
لكن فجاه
بسرعه نزلوا ضرب في بعض
عشان أيفون لاقوه ع الأرض
ونفس الارض كان فيها
عيال واخدالها شكل الورد
عرايا بتنتفض في البرد
قلعت هدومي أغطيهم
وصوت واحده بتتريق
يا حلو يا ماشي بالبوكسر
ماتتغرش
بضحكه واحده بتهزر
وضحكي ف قلبي كالسكاكين
ثواني عيوني هتمطر
وانا عيطت قولتلها
هخش على امي بيتنا ازاي وانا عريان ومش منظر
لقيت واحد هزيل عاجز
ربطني بنص جلابيه
وقولت يا عم
ريحتها وحشه مش عاوز
فقال أسف
لأني نسيت
لكني لو لاقيت لقمه في وسط زباله في قلوبكم
اكون فايز
وفجأه صحيت
وفوقت سمعت صوت أمي
تقولي الأكل يلا خلاص ومستني
مشيت خدت الطبق وجريت
فتحت الباب
نزلت لاقيت
نفس الراجل العاجز
ناولته الأكل
قعدت معاه
لأول مره بتوجع
وبنزف شعر من روحي
يقول الله
ومعرفشي
كان قصده على المحشي
أوإحساسه كان تايه
لمح سكنه
في بيت شعري
لكن كمل
وقام زعق بعلو الصوت في حتتنا
يعيش أحمد فتوتنا
فرحت جريت
رجعت النجم جوه البيت
.المصدر: البوابة نيوز
كلمات دلالية: إبداع الغلابة الناس الغلابة أحمد مجدي
إقرأ أيضاً:
بحبك يا صاحبي..منة فضالي توجه رسالة لـ أحمد رزق
عبرت الفنانة منة فضالي، عن حبها وسعادتها بالعمل مع صديقها أحمد رزق، ومشاركتها معه في عمل واحد وكتبت منة على صفحتها الشخصية بموقع التواصل الإجتماعي إنستجرام: "اما يكون عندك صاحب جدع و جميل قلبا و قالبا وعشره سنين كتير بغض النظر اننا بردانين والجو تلج ولابسين بطاطين و حده، واحشني الشغل معاك والله واحلي حاجه اننا في عمل واحد بحبك يا صاحبي، عفيفي السنه دي حيكسر الدنيا ان شاءالله ويارب دايما ناجح و قلبك ابيض زي ما انت متغيرتش".
View this post on InstagramA post shared by Menna Fadali ???? (@manoushafadali)
قصة وأبطال سيد الناسيذكر أن أحداث المسلسل تدور ضمن إطار اجتماعي مشوق، فبعد وفاة والد جارحي، تنقلب حياته رأسًا على عقب، إذ يجد نفسه في مواجهة مستقبل غامض وثروة هائلة وماضٍ مليء بالأسرار، بينما تحيط به مجموعة من الخصوم والأعداء. وسرعان ما يجد نفسه مضطرًا لخوض معارك وصراعات؛ لحماية عائلته والحفاظ على إرثه، وتتوالى الأحداث في سياق درامي محتدم، يتخلله الكثير من المفاجآت والتقلبات، ما يجعل المشاهدين في حالة ترقب مستمر للحسم.
ويجمع المسلسل نخبة من النجوم، يتقدمهم عمرو سعد، إلهام شاهين، بشرى، أحمد زاهر، خالد الصاوي، أحمد رزق، إنجي المقدم، رنارئيس، ريم مصطفى، منة فضالي، أحمد فهيم، سلوى عثمان، وطارق النهري، ومن تأليف «ورشة قلم»، وإخراج محمد سامي.
مياه القليوبية ترفع حالة الاستعداد القصوى خلال شهر رمضان