صدى البلد:
2025-04-18@16:55:37 GMT

تامر حسني يرد على منشور رامي صبري

تاريخ النشر: 25th, December 2024 GMT

رد الفنان تامر حسني علي منشور الفنان رامي صبري عبر صفحته على موقع التواصل الاجتماعي فيسبوك.

وكتب تامر حسني:"حبيبي يا رامي إنت قبل ما تكون نجم كبير و مُهم إنت صاحبي من أيام الطفوله و دي حاجات الناس متعرفهاش و يمكن مكنش في فُرصه نحكي ده قبل كده .. إنت يا رامي صاحب عُمر و مشوار مشيناه من الطفوله و أنا في الصوره ماسك المايك لأخويا و لصوت مصري عظيم يستحق ….

شُكراً يا حبيبي على كلامك الغالي اللي من القلب أنا  فعلاً إشتغلت معاك من كل قلبي و بكُل حرص علينا إحنا الاتنين بكُل التفاصيل بدافع الحُب و الصداقه و إن ربنا يكرمنا مع بعض … أعتقد إن التعاون ده هيحمس كُل جيلنا إنه يعمل أفكار مشاركه كده وأنا بنادي بيها من زمان من أيام تامر و شيرين و بعدها تامر و بهاء في أغنية قوم اقف وأنا وإنت بعدها إتكلمنا من سنين عشان نجمع البعض من جيلنا و عملنا المستحيل  و للأسف معرفناش فقولنا نبدأ بنفسنا عشان نحمس الكُل … حقيقي جمهورنا يستاهل مننا كُل الجديد و كل المُفاجآت اللي تفرحه و المطربين اللي هييجوا بعدنا يستحقوا إنهم يتعلموا ده مننا عشان يكملوه للي بعدهم إنتظروا  كليب فعلاً مبيتنسيش بيني و بين أخويا النجم الكبير رامي صبري باشا".

وكان قد علق الفنان رامي صبري علي صورة له رفقة الفنان تامر حسني عبر صفحته على موقع التواصل الاجتماعي فيسبوك.

وكتب رامي صبري :"أنا بشوف الصورة دي بشكل تاني خالص ..أولاً تامر فنان أخ وغالي ومحترم ( وواثق في نفسه ) ودي للاسف مش موجودة كتير في مغنيين كتير ناجحين ولكن عندهم مشاكل كبيرة".

وأكمل :" ومايعرفوش يبقوا زي الراجل المحترم اللي ماسك المايك ده تامر حسني فنان كبير جداً جداً ولما اشتغلت أنا وهو في الديو اللي هاينزل الفترة اللي جاية فهمت هو ليه محبوب جداً .. أولاً علشان عنده صفاء نفسي مش موجود عندي أنا شخصيا".

 وأضاف رامي صبري :"اه والله أنا دايماً ليا رد فعل انما هو بيسيب الحاجات زي ماهي وما بيحبش يرد ودي حاجة صعبة جداً جداً .. عاوز أقول مش كل فنان أو نجم يستحق .. لان دايما الأخلاق واحترام زمايلك هو الموضوع مش بس الفن ".


واختتم :"شكراً تامر حسني على ذوقك واحترامك ليا دايما في التصوير ودايما كنت تقولي انت مبسوط ايه رايك محتاج حاجه ؟ كل ده ماينفعش يطلع غير من فنان حقيقي عنده احساس بالناس والأهم واثق من نفسه  قريباً جداً هتشوفوا وهاتسمعوا أغنية ( فعلاً مبيتنسيش)  على جميع منصات الموسيقى في العالم".

المصدر: صدى البلد

كلمات دلالية: تامر حسني رامي صبري الفنانين المزيد تامر حسنی رامی صبری

إقرأ أيضاً:

بحضور تامر حسني ومحمد سامي.. المونتير عمرو عاكف يحتفل بخطوبته على فتاة من خارج الوسط الفني

أعلن المونتير عمرو عاكف خطوبته على فتاة من خارج الوسط الفني، وذلك عبر حسابه الرسمي بموقع التواصل الاجتماعي "فيسبوك"، حيث احتفل عاكف بخطوبته، في اجولاء عائلة بحضور  عدد من الأصدقاء المقربين ونجوم الفن، على رأسهم النجم تامر حسني والمخرج محمد سامي والمخرجة  سارة وفيق والمخرج كريم السبكي، بالإضافة إلى عائلتي العروسين.

فيلم "ريستارت"

 

كما ينتظر عمرو عاكف، عرض أحدث أعماله السينمائية فيلم "ريستارت"، حيث يتولى عمليات المونتاج والجرافيك الخاصة بفيلم نجم الجيل تامر حسني، ويشارك في بطولة العمل مجموعة كبيرة من النجوم من بينهم هنا الزاهد، باسم سمرة، محمد ثروت، ميمي جمال، عصام السقا، بجانب عدد من ضيوف الشرف: إلهام شاهين، محمد رجب، شيماء سيف وأحمد حسام (ميدو).

 

مسلسل "سيد الناس"

 

وشارك عمرو عاكف خلال موسم رمضان الماضي في مونتاج وجرافيك كلا من مسلسل "سيد الناس"، للمخرج محمد سامي، وبطولة النجم عمرو سعد، إلهام شاهين، أحمد رزق، ريم مصطفى وإنجي المقدم.

 

مقالات مشابهة

  • رامي صبري يحيي حفلا غنائيا في الكويت
  • وفاء عامر: ربنا يكرم اللي وقفوا مع شيكا.. وكل حاجة في ميزان حسناتهم
  • وفاء عامر: محمد رمضان أعطى شيكا 250 ألف جنيه.. وتامر حسني دفع الكثير من مصاريف المستشفى
  • وفاء عامر تكشف تفاصيل دعم محمد رمضان وتامر حسني للراحل إبراهيم شيكا
  • تامر حسني يعود لطفولته بفيديو مؤثر يحمل رسالة أمل وتفاؤل.. تفاصيل
  • تامر حسني يدمج طفولته بحاضره في فيديو: أعود للماضي لأطمئن نفسي وأتفاءل
  • رامي صبري يحيي حفلًا استثنائيًا بالكويت في 25 أبريل.. تفاصيل
  • تفاصيل وأسعار تذاكر حفل تامر حسني وآدم بـ قطر
  • بحضور تامر حسني ومحمد سامي.. المونتير عمرو عاكف يحتفل بخطوبته على فتاة من خارج الوسط الفني
  • بحضور تامر حسني ..صور من خطبة المونتير عمرو عاكف