بسبب حقن التخسيس.. إدوارد يعلن إصابته بشلل في المعدة
تاريخ النشر: 16th, December 2024 GMT
تابع أحدث الأخبار عبر تطبيق
أعلن الفنان إدوارد، عبر حساباته الرسمية على موقع "فيس بوك" و"إنستجرام"، عن تعرضه للإصابة بشلل مؤقت في المعدة نتيجة استخدام حقن التخسيس.
وقال الفنان إدوارد: انه “مواظب على دايت مع الدكتورة والحقن لحد الأسبوع اللي فات فجأة غير جعان خالص وقعدت حوالي 4 أيام ولم أدخل حمام ولا قادر أكل ووجع في معدتي جامد، دكتورة التغذية قالتلي وقف الحقن وروح لدكتور جهاز هضمي فورًا وعملت كده روحت لدكتور قالي حصلي شلل مؤقت من الحقن في المعدة وكان مفروض تتابع معايا مع دكتورة التغذية قولتله أنا اللي كنت بطنش عشان كنت تمام”.
وتابع إدوارد: “قالي الحقن مش وحشة مفعولها كويس، بس انا بنصح أقصاها 3 شهور بس تاخدها وتوقف فترة وترجع تاني، بس لازم طبعًا برده متابعة مع دكتور تغذية، من غير ما طول عليكم أنا بقالي أسبوع بتعالج وعملت كل التحاليل حتى صبغة على الكلى، والحمد لله معنديش غير شوية زيادة في الأملاح زي كل المصريين بطني بتتحسن واحدة واحدة، ولسة المعدة وجعاني”.
واختتم منشوره قائلًا: “والدكتور قالي من 8 لـ9 أيام ترجع عادي، وإن شاء الله هبقى كويس، انا حكت لكم تجربتي عشان بقولكوا إن الحقن مش وحشة و جابت نتيجة هايلة معايا بس لازم مع دكتور التغذية دكتور جهاز هضمي وكمان دكتور قلب لو أمكن عشان سرعة ضربات القلب، أتمنى أكون قدمت لكم معلومات كويسة عن تجربتي وربنا يشفي أي حد تعبان وأشوفكم دايما كويسين”.
المصدر: البوابة نيوز
كلمات دلالية: إدوارد الفنان إدوارد إدوارد عبر إنستجرام
إقرأ أيضاً:
فرح الزاهد تكشف سر موافقتها على فيلم فار بسبع ترواح.. خاص
كشفت الفنانة فرح الزاهد عن سبب موافقتها على المشاركة فى فيلم “فار بسبع ترواح” الذى يعرض حاليا فى السينما مؤكدة انها تجربة كانت مميزة بالنسبة لها.
وقالت فرح الزهد فى تصريح خاص لصدى البلد :الذى جذبنى فى العمل التجربة فى حد ذاتها على الرغم من اننى أظهر فى عدد مشاهد قليلة ولكن هناك حالة من المتعة الخاصة فى هذا العمل وفكرته كان سببا ايضا فى مشاركتى بالعمل.
وأضافت فرح الزاهد : شخصية الطالبة فى كلية الطب كانت جديدة بالنسبة لى ولم أقدمها من قبل وكان ذلك دافعا اخر.
وقد كشفت الفنانة فرح الزاهد عن كواليس العمل فى فيلم “فار بسبع ترواح” والذى يعرض حاليا فى السينما ضمن قائمة أفلام موسم عيد الفطر.
وقالت فرح الزاهد: كانت كواليس فيلم “فار بسبع ترواح” لذيذة خاصة مع الفنانة لينا صوفيا والتى كان يجمعنا كل المشاهد سويا وسعيدة بالمشاركة فى هذا الفيلم لانه من الاعمال الكوميدية التى تحمل كثير من المواقف الغريبة.
وأضافت : برغم ان مشاهدى فى العمل ليست كبيرة الا أننى استمتعت كثيرا بهذا العمل.
كشفت الفنانة فرح الزاهد عن صعوبات دورها فى فيلم فار بسبع ترواح الذى يعرض حاليا فى السينمات.
وقالت فرح الزاهد : لم اجد صعوبة فى الدور وللذى أظهر فيه بعدد مشاهد قليلة ولكن كانت الصعوبة الوحيدة بسبب سليمان عيد وتحديد حمل مجسم سليمان الذي يقدم دور جثة تتنقل بين المشاركين فى الفيلم.
وأضافت فرح الزاهد : جميع المشاهد كانت تجمعني بالفنانة لينا صوفيا وكانا نحمل المجسم “جثة” سويا وكان ذلك يمثل حملا جسديا وارهاقا بالنسبة لى.
فرح الزاهد تتحدث عن دورها فى مسلسل أهل الخطايامن ناحية أخرى كشفت الفنانة فرح الزاهد، كواليس مشاركتها في مسلسل أهل الخطايا، مع الفنان جمال سليمان، خلال الموسم الدرامي الرمضاني الماضي.
وقالت فرح الزاهد، في ندوة بموقع “صدى البلد” الإخباري: «أنا أول ما قريت سيناريو المسلسل كلمت أستاذ رؤوف عبد العزيز وسألته اختارني انا ليه خاصة إن في فنانات ملامحهم حادة يقدروا يلبعوا دور الشيطان زي ما كان بيتقدم، وانا عشان ألعب دور "هند" صح اشتغلت على اني اشوف شخصية الحاج نوح (جمال سليمان) عاوزة إيه وألعب على ده عشان أدخلها».
وتابعت فرح الزاهد: «لو شخصية الشيطانة هند كانت طلعت لـ إلهامي (محمد ثروت) كانت هتطلعله بشكل مختلف.. لكن هي مرتبطة بالحاج نوح اللي هو راجل بتاع ربنا».
وأضافت الزاهد: «لو شخصية هند كانت طلعت بالشكل النمطي للشيطان كان شخصية الحاج نوح هينفر منها ومش هيقرب منها، لكن الشيطان زكي بيعرف يدخل للبني آدم من الجزء اللي شبهه عشان يسمع كلامه».
واختتمت فرح الزاهد: «انا جالي كومنت بيقول إن الشيطان لابس أبيض وعنده جناحات بس احنا اللي فاكرينه عبيط وبيطلع بشكله.. والمسلسل بيحكي قصص حقيقية فمش هينفع اعمل الشيطان بمكياج شرير أو ملامح ممسوخة زي ما بيتعمل لأن المسلسل بيحكي قصص حقيقية وشخصية الشيطانة هند موجودة في الواقع وبتبحث ازاي تنزل دموعها عشان اللي قدامها يحتويها .. والشيطان بيتجسد في كل ما هو جميل من جنبك عشان يبقى قريب منك ويدخلك».
أسعار الدواجن والبيض اليوم.. الثلاثاء 15 أبريل 2025